Difarense intrà łe version de "Storia del Malawi"

Longo le rive del [[Lago Malawi]], i paleontologhi i gha catà i osi de ominidi che i gha visù li 50 – 60 000 ai fa. Ricatamenti enin tel nord del paexe i fa pensar che 10 000 an fa zente simile a quela de [[Corno d'Africa]] i vivea anca qi. A Chencherere e Mphunzi, rente de [[Lilongwe]], i paleontoghi i gha catà de i osi de [[pigmei]] che i xe ricordà co i nomi de batwa e akufula. Ste etnie le vivea enin [[Malawi]] enin tel 1.500 a.C. e legha lasà varie piture so le rocie enin tel sentro del paexe.

Co le popolasioni [[bantu]] le gha scominsià la migrasion che le gha portà enin tuta l’[[Àfrica|Africa]], on grupo de lavoradori del fero i xe rivà e Malawi e i gha fondà on regno. Stà etnia la xe ricordà co el nome de maravi, che vorea dir ragi de luze. Se pensa che el nome Malawi el vegna da maravi. Co el tempo, e grasie a altre migrasioni bantu, i maravi i gha dato vita a i [[chewa]], che ancò i xe l’etnia pi grosa del Malawi. I maravi prima, e i chewa, dopo, i gha sterminà le popolasioni batwa e akafula. El regno maravi el cuerzea el Malawi de ancò e aree del [[Mozanbico]] e de lo [[Zanbia]]. La cavedal del regno la se catava a Mankhamba e le re, el Kalonga, el vivea la e controlava el regno co i so capi. La guera co i marcanti de i [[Tippu Tip|sciavi]] la gha fato perdar el potere al kalonga enin tel [[XVIII secoło|XVIII secolo]].

El regno de i maravi el gavea on contato costante co la costa de nord del [[Mozanbico]]. Avorio, oro e sciavi el vegnea vendù a i marcanti arabi e, pi tardi, a i portoghexi. I portoghexi i gha portà el formenton che el xe diventà popolare enin tuta la zona e el gha preso el posto del sorgho.

Durante el periodo de la [[Storia del Sudafrica|mfecane]], grupi de popolasioni ngoni le xe rivà enin Malawi. El regno de i maravi el xera za enin crisi par le guere contro i marcanti de i sciavi e nol gha podesto difendarse da i ngoni. I ngoni i gha caturà el sud del paexe i gha continuà a far guera co i chewa par tore sciavi e el magnare.

A lo steso tenpo de i ngoni, i yao i xe rivà enin Malawi dal Mozanbico. I yao i scapava da l’avansata de i [[macua]]. I yao i gavea i [[s-ciopo|fusili]] e i gha subito atacà i ngoni e i chewa par caturar sciavi. I yao i xera musulmani ei i se sa stabilio longo le rive del lago Malawi, ne la zona de Mangochi.

I arabi de la costa, i shirazi, de [[cultura swahili]], i gha senpre fato marcà de sciavi. En tel [[XVIII secoło|XVIII secolo]] i controlava le trate che da la costa del Kenya e de la Tanzania le entrave fin a la region de i Grandi Laghi. En Malawi, i marcanti shirazi i gavea vari fortini. El pi grande el xera quel de Nkhotakota, fondà enin tel [[1840]], e controlà da i marcanti de [[Zanzibar]]. Da 15 a 20 000 scaivi a l’ano i pasava de la.

Anca se i primi contati i xe stà fati da i portoghexi, questi i no gha mai tentà de controlar la region. El primo eoropeo che el gha lasà el segno enin te la storia del Malawi moderno el xe stà David Livingstone. Livingstone el xe rivà so le rive del lago Malawi enin tel [[1859]]. Co Livingstone, la strada la se sa verto a i misionari de la cexa anglicana scozexe e al governo del Regno Unio, che el gha proclamà el protetorato de l’Africa Sentrale, pi tardi del Nyasaland, enin tel [[1891]].

I malawiani i gha tentà varie olte de rivar a l’indipendensa, i politeghi locali i gha fondà el Congreso Africano del Nyasaland (Nyasaland African Congress – NAC) enin tel [[1953]]. Ne lo steso ano, i inglexi i gha meso el Malawi ne la stesa aministrasion de la Rhodesia (ancò [[Zinbàbue|Zinbabue]] e [[Zanbia]]) par formar la Federasion de la Rhodesia e del Nyasaland. En tel lulio [[1958]], el naxionalista Hastings Kamuzu Banda el xe tornà enin Malawi dopo esar ndà a l’estero par studiar medisina e enin [[Ghana]] par vedar i primi pasi de l’indipendensa de quel paexe. Banda el gha subito tolto el comando del NAC. En tel [[1959]] el xe stà meso enin prison a Gwelu (ancò Gweru) ma el xe stà libarà enin tel [[1960]] par participar a la conferensa costitusionale del [[1960]] a [[Łondra|Londra]].

Tornà enin Malawi, Banda el gha trasformà el NAC enin te on partito, el Malawi Congress Party – Partito del Congreso Malawiano, MCP. El 15 aprile [[1961]] el MCP el gha vinto le prime elesioni legislative e spinto par l’aministrasion autonoma del paexe. La federasion la xe stà abolia enin tel [[1963]] e Banda el gha ocupà el posto de primo ministro del Malawi. Co l’indipendensa el 6 lulio [[1964]], Banda el xe diventà presidente e, enin tel [[1971]], el parlamento lo gha proclamà presidente a vita.

Banda el xe diventà subito on ditatore e el ghà meso su on sistema par controlar el paexe. I zoeni ativisti del MCP i gavea el control del teritorio. Dal sistema politego del regno maravi Banda el gha tolto el sistema de i capi, co i quali el tegnea soto controlo i contadini. El partito unico el gha scominsià na campania de glorificasion del presidente che el vegnea ciamà Ngwazi, l’aquila, e Kamuzo, l’eterno. Tute le nove costrusioni le portava el so nome. Banda nol gha mai usà la violensa diretamente. Co el se sa sentì meso enin pericolo dal movimento par la democrasia, el no gha esità a ordinar de le stragi.

Dopo na forte reasion popolare e de la [[Cexa Catòłica|Cexa Catolega]], Banda el gha parmeso el referendum par vedar se la zente la volea el multipartitismo. El 14 giunio [[1993]] i malawiani i gha votà par la democrasia. A le prime elesioni libare enin tel [[1994]], el Fronte Democratico Unio de Bakili Muluzi el gha vinto la magioransa e el se sa unio co l’Aleansa par la Democrasia par formar on governo. Muluzi el gha fato scrivar na nova Costitusion par canbiar i diriti del vecio partito unico, verzar fora el paexe al rsto delmodo e rinovar l’economia. Muluzi el xe stà rieleto par on secondo mandà. El gha tentà de far canbiar la Costitusion par esare eleto na tersa olta, ma el no gha podesto.