|
Anca se no ghe mai stà ricatamenti paleontologici de interese, sicuramente l’omo de età preistorica el gha visù enin te la region che ora ciamemo [[Somałia|Somalia]]. I stesi abitanti de la Somalia i xe de origine axiatica, a dimostrasion de na longa storia de pasajo de popoli da la penisola arabica a le zone del [[Corno d'Africa|Corno d’Africa]]. Le coste de la Somalia le xe sempre stà feequentade da popoli mediteranei. I egisiani i gha mandà de le spedisioni, i greci e i romani i vegnea fin qi, e fin a le coste del [[Kenya]] atuale, par comprar mira e incenso. Ma no ghe notisie pi precise so i popoli e la loro storia.
== Medioevo ==
== Islam ==
L’Islam el se sa propagà enin Somalia fin da i primi secoli dopo Maometo. I musulmani de la Somalia i gha sempre rispetà el regno cristiano de l’[[Storia de l'Etiopia|Etiopia]] parché i etiopici i gavea salvà i primi muslmani scampà la par scapar a la persecusion, e Maometo gavea meso na fatwa contro ghi agrediva el regno Etiopico. Tra el 1300 e el 1400, el regno etiopico e el sultanato de Harrar i gha combatuo enin tel nord de la Somalia. En tel 1415, l’imperatore Yeshaq I el gha caturà el re Sa’ad ad Din e lo gha fato copar. El gha fato anca scrivar on poema par ricordar i gesti epici de la so vitoria. I etioipici i gha controlà la zona per pi de on secolo.
En tel 1527, el capo carismatico de na seta islamica, Ahmed Gurey, el gha fato n’aleansa co i otomani turchi e invaso l’Etiopia. I soldai de Gurey i faxea tera brusada do i arivava e i gha bruxà la majoria de i manoscriti etioipici che i gha catà. L’invasion la xe stà fermà da l’arivo de i portoghexi soto la guida de Cristoval da Gama, fiol del pi famoxo Vasco. El 21 fevraro 1543, i etiopici e portoghexi i gha vinto la bataja de Wayna Daga, Ahmed Gurey el xe stà copà, e la guera co i musulmani vinta da l’Etiopia. El regno somalo (regno de Adal) el se sa disintegrà enin tanti Stati picoleti ligà a i porti longo la costa. Tanti de sti porti i xe finii soto el control de fameje yemenite.
[[Imàjine:Mogadishu marketplace 1882.jpg|left|thumb|200px|Marcà de Mogadisio, 1882.]]
En tel XIV secolo, enin tel sud de la Somalia, la dinastia Ajuuran la gha creà n’altro regno enin te la val de Uebi Scebeli. El regno de i Ajuraan el xera pi potente de le sità stato de Mogadisio, Merka e Baarawe. El sboco al mar el xe garantì dal porto de Hobyo. Co i re i gha perso el control de Hobyo dopo la rivolta de i seichi locali, el regno el gha perso importansa par somparir a la fine del XVII secolo. I omaniti i xe riusidi a parar via i portoghexi da Benaadir e tor el control de la costa. Soltanto enin tel XVIII secolo n’altro regno somalo el xe nato enin tel sud. El sultanato de Geledi el controlava la zona de Uebi Scebeli. I omani i gha lasà far.
En tel nord, el sultanato de Warsangeli el xe diventà el pi grande regno mai esitì enin Somalia. El controlava n’area del nord e parte del sentro da la Somalia moderna.
== Colonialismo ==
Francia, Regno Unio e Italia i gavea de le rivendicasioni su el Corno d’Africa. I inglexi i volea sopratuto el control del streto de mar rente a Aden. I francexi i volea fermar la supremasia inglexe so la regione. I italiani i volea verghe de le colonie, ma tuti i posti pi importanti i xera za stà ciapà da i altri.
I britanici i gha stabilìo el protetorato enin tel nord enin tel 1886. L’Italia la gha ocupà parte de la costa a sud enin tel 1892, e la Francià la sa tolto el teritorio rente a la sità de [[Gibuti]]. Fin al 1925, l’Italia la controlava solo na parte del teritorio e la gavea de i tratati de protesion co i sultanati. Co l’arivo de i fasisti de [[Benito Mussolini]], l’Italia la gha scominsià na serie de guere par conquistar e controlar tuto el teritorio somalo. La colonia la xe resistia fin al 1942. La Somalia la xe alora pasà al controlo britanico e la xe ritornà al mandato italiano fin al 1960, co l’indipendensa del paexe.
== Guera e ditatura ==
Subito dopo l’indipendensa, la Somalia la gha combatù contro l’Etiopia par el teritorio de l’Ogaden. Questo el xe on teritorio arido e abità da popoli de etnia somala, ma da secoli parte de l’Etiopia. Le do guere le xe finie co la vitoria etiopica.
En tel 1969 el generale Sida Barre el gha fato on colpo de stato e el xe salì al poter. Ne i promi ani ’80, vari grupi de guerilieri i gha provà a butar zo Barre. La guerilia la continua fin a ancò. Barre el gha scapà el tel 1991 e la guerilia la xe andà cresendo de forsa, fin a metar tuto el paexe enin stato d’asedio.
En tel 1994, l’ONU la gha provà a controlar la situasion co l’operasion Restore Hope, anca l’Italia la gha mandà le so trupe. La mision de l’ONU la xe falia. En tel 2004 el proceso de paxe el sembrava ndar ben. I paexi de l’IGAD, l’organizasion inter governativa de i paexi del Corno d’Africa che la gavea anca laorà par la paxe enin tel Sudan, i gha provà a mediar la situasione somale co vari incontri a Eldoret e a Mbagathi, enin Kenya. Tuti i clan i gha firmà i acordi de paxe e eleto Abdullah Yusuf presidente ad interim e Mohamed Gedi come primo ministro. De fato, el novo governo no el xe mai stà bon de entrar ne la cavedal e nianca a far sentir la so autorità so tuto el teritorio (la Somalia del Nord la se sa costituià stato indipendnete enin tel 1994, e Puntland – enin tela region sentrale – la xe sempre restada fora da i problemi del sud).
L’ultima crisi la xe sciopà enin tel 2006 co l’arivo de le Corti Islamiche, grupi de integralisti islamici, che i gha fato scapar i signori de la guera da Mogadiscio. L’Etiopia la xe entrà ne la cavedal par par via i fondamentalisti, che i xe scapà enin [[Eritrea]]. L’Union Africana la gha mandà (fine 2006) le trupe de l’[[Uganda]], che no le xe mia stà bone de ristabilir l’ordine ne la cavedal. Ancò, la cavedal la xe enin continuo subulio e el governo provisorio nol gha mia control del teritorio.
{{Storia stati de l'Africa}}
| 