Difarense intrà łe version de "Nubia"

La '''Nubia''' la xe na region a caval de el sud de l’[[Egito]] e del nord [[Sudan]]. Ne i tempi antichi la Nubia la xe sta on regno indipendente e anca parte de l’[[Storia de l'Egito|Egito]]. Ne i tempi de la nostra era, la Nubia la xera divisa enin tre regni cristiani fin a l’arivo de l’[[Islam]]. El nome de la Nubia el vien da l’egisiano antico ''nub'', che vol dir [[oro]].

Da i ricatamenti [[archiołoxia|archeologici]] se sa che enin te la region ciamà Nubia le ghera varie popolasioni anca prima del [[Neolitico]]. Megaliti a Nabta Playa i xe esempi de i pi veci strumenti de misurasion [[astronomia|astronomica]], pi veci de [[Stonehenge]] de almanco 1000 ani. La prima cultura che se conose da i ricatamenti la xe ciamada Grupo-A. Contemporanea de la cultura Naqada de l’antico Egito, la se pol datar del 3800 a.c. Da i ogeti del 3300 a.C. se pol pensar che la Nubia la xera n’entità politega unica che la gavea on contato continuo co l’Egito. El Grupo-A gha perso el control de la region verso el 2800, co se vede l’arivo del Grupo-B. Na olta se pensaa che el Grupo-B el fuse formà da zente che la gavea invaso la Nubia. Ancò i studiosi i dixe che el Grupo-B el xera formà da i disendenti del Grupo-A, ma che i xera pi poareti a causa de le invasioni egisiane.

El Grupo-B el xe stà bon de far cresar el marcà co i egisiani. En tel XXIV secolo, oro, avorio, incenso, e animali de l’Africa tropicale i xera portà enin Egito pasando par la Nubia. El comercio el gha dato stabilità e richeza a i nubiani, che i se xera divisi in picoli Stati autonomi. I archeologi i parla de sti nubiani come el Grupo-C.

Quando l’influensa egisiana xe diminuida, la cultura gha continuà a influensar la vita de la Nubia. Se conta piassé piramidi enin Nubia che enin Egito. En tel VIII secolo, Piye - re de Kush (antico nome de le Nubia) - gha invaso l’Egito. Par on secolo, i faraoni xera neri nubiani, finché i [[asiri]] gha invaso l’Egito e parà indrio le forse nubiane.

Dopo la partensa de i etiopici, la Nubia la sa organisà enin tre regni: Nobatia, con cavedal a Pachoras; Makuria, con cavedal a Dongora; e Alodia, con cavedal a Soba. En sti ani, el [[cristianèxemo|cristianesimo]] xe rivà da l’Egito. Se tratava de na forma monofisita (che credea enin ona sola natura de [[Jesu|Cristo]]). L’evangelizasion de la region xe ndà vanti par tre secoli.

En tel VII secolo, co le trupe islamiche gha ocupà l’Egito, el re de Makuria xe stà bon de fermare l’avanzata islamica a sud. Par sie secoli, i musulmani no ga podesto penetrar la region. L’influensa islamica xe penetrà on poco a la olta co i marcanti. En tel 1350, la catedral de Dongola la xe stà trasformà enin na [[moschea]], segno che la religion islamica xera diventà la vera forsa del regno de Makuria. On secolo dopo, el regno de Makuria xe diventà parte de l’Egito. A sud de Makuria, Senanr gha resistio par altri dozento ani, prima de cascar soto l’influensa egisiana.