Difarense intrà łe version de "Storia de la Mauritania"

Co la fin de la conquista berbera, la se sa verto na lota tra i novi paroni de la Mauritania e i arabi dorigine yemenita – i ''maqil'' – che i volea controlar tuto el [[Maghreb]] osidentale. La lota, prima culturale e politega e poi anca violenta, la xe terminà co la Guera de i Trentani (1644 – 1674). I arabi i gha vu la mejo e i gha influensà la stratificasion de la società. I guerieri arabi – ''hassane'' - i xe diventà el grupo pi inportante de la società mauritana. Lori i gavea el dirito de farse pagar le tase da le tribù pi deboli. I berberi i gha dovù sistemarse enin te le caste secondarie, ma i gha tegnù la dominasion spirituale visto che i marabuti – santoni musulmani – i xera quasi tuti berberi. Le tribù berbere che no gavea la posibiltà de fornir guerieri o omeni de cultura, i xe diventà i ''znaga'', la clase pi basa. I sciavi neri – caturà da le etnie a sud del fiume Senegal – i xe diventàa poco a poco i haratin, o mauritani neri. I ''haratin'' i xe ancò na etnia che vive servendo i mauritani bianchi considerà nobili. La società mauritana la xe senpre stà na società nomade, tribale e regolà da le lote interne. A lo steso tenpo, la cultura islamica e la produsion de opere scrite – famoxa la racolta de manoscriti de l’oasi de Cinquetti – la gha dato na strutura legale e non arbitrariamente ligà a le regole del pi forte.

El 28 novenbre 1960, la Mauritania la xe diventà indinpendente. La majoria de la popolasion la xera nomade e la cavedal Nouakchott la xera stà costruia enin tuta freta rente al vilagio de Ksar. La majoria de i abitanti co residensa fisa i xera neri de origine senegalexe che i gavea preso enin man l’aministrasion del potere. I altri mauritani i gha risposto a sta situasion forsando l’arabisazion del paexe. El primo presidente, Moktar Ould Daddah, el gha subito proclamà el mononpartitismo e el xe stà rieleto enin tel 1966, 1971, 1976. Daddah el gha spinto par el rinovo economico e el se sa scontrà co la volontà popolar par el sfrutamento de le risorse naxionali, enin man a i francexi. Par risolvar la question, el presidente el gha naxionalizà le companie minerarie enin tel 1974.

En tel 1975, Daddah el gavea da frontegiar l’oposision enin casa, e l’espansionismo marochin a l’estaro. La Mauritania la gha invaso el teritorio del Sahara Spagnolo, ancò [[Repubblica Araba Saharawi Democratica]], e el gha anexo el sud del teritorio. I guerilieri del [[Fronte Polisario]] i gha scominsià na guera de liberasion contro i mauritani. Par tri ani, i saharawi i gha atacà le postasion minerarie mauritane e persino bonbardà la cavedal. Daddah el gha mandà le trupe nere al fronte, ma queste le se sa ribelà parché i no volea conbatar na guera che i giudicava esar na guera araba. Daddah nol gha volù ritirarse e el gha preso decision senpre pi totalitarie.

Haidallah el gha provà a canbiar le relasion tra i vari grupi de la società mauritana. El gha proclamà la fine de la sciavitù, decision che la vien fata da ogni governo mauritano, e el gha provà a darghe pi spazi a la minoransa nera. De fato, el gha dovù canbiar continuamente le aleanse, ricopiando enin tel governo le vecie struture de aleansa tribale che le gha senpre governà la mauritania, le stese struture che el volea canbiar.

El 12 dicenbre 1984, Maaouya Ould Sid'Ahmed Taya el gha deposto Haidallah e el se sa proclamà capo del governo. Dopo verghe promeso el ritorno a la democrasia, el se sa dismentegà de le promese. Taya nol xe stà bon de svilupar el dialogo co le minoranze. La tension la xe salià fin a la guera de confin co el Senegal del 1989. Da alora la tension la xe diminuida, ma la diferensa tra mauritani de origine araba e de origine nera la resta presente enin te la società.

Soto la presion interna e internasionale, Taya el gha parmeso la aprovasion de na nova Costitusion che la gha previsto anca el multipartitismo enin tel 1991. Taya el xe restà al potere ma el gha subì vari tentativi de colpi de Stato.

El 3 agosto 2005, co el presidente Taya el xera enin Arabia Saudita a i funerali del re Fahd, i militari i gha ocupà la cavedal. Dopo qualche ora de incerteze, i militari i gha fato saver a la naxion che i volea metar fine al governo de Taya. I militari i gha formà na giunta par prepar la strada verso la democrasia. El colonel Ely Ould Mohamed Vall, capo de i ribeli, el gha direto el governo a la scritura de na nova Costitusion, aprovà enin tel giunio 2006. El 11 marso 2007, i mauritani i gha votà Sidi Ould Cheikh Abdallahi novo presidente del paexe.