Spheniscidae

Pinguin xe el nome comun con qual vien indegai i osei fasenti parte de la famegia dei Sfenissidi (Spheniscidae), orden Sfenissiformi (Sphenisciformes).

Spheniscidae

Spheniscus demersus (it)
Rezistrasion
Dati
Mezi de locomosion	bipedismo (it)
Tasonomia
Clase	Aves
Órdene	Sphenisciformes
Fameja	Spheniscidae Bonaparte, 1831
Distribusion

I vari pinguini

Qua i xe classifegai difarenti zenari de pinguini:

• Aptenodytes
• Eudyptes
• Eudyptula
• Megadyptes
• Pygoscelis
• Spheniscus

Specie

Un pinguin durante l'istà antartega

Esiste 17 specie de pinguini, che le diferisse intra de lore par dimension, anatomìa e conportamento.

Pinguin inperador

El Pinguin inperador el pol rivar a na altezza de cerca 120 cm e el xe el pì grando infra tuti i pinguini. El frequenta le coste del contegnente antartego, onde che la femena la ponde el so vovo ugnolo, che el vien coà dal mascïo, durante el longo e zelido inverno austral. El forma colonie numarose, anca de 40 000 individui. Cazzando el pol spenzarse oltra i 350 metri de fondità e el pol restar inmerso soto aqua, senza respirar, anca par 20 metri.

Pinguin real

Granda colonia de cerca 60 000 pinguini reai inte la piana de Salisbury, Georgia del Sud

El pinguin real (Aptenodytes patagonicus), alto 90 cm, el se spenze fin a la Tera del Fogo e su le Isole Subantarteghe. El xe anpiamente difondesto inte le region antarteghe e subantarteghe. La femena la ponde solo un vovo, del qual se cïapa cura tuti do i zenitori.

Pinguin de Adelia

El Pinguin de Adelia (Pygoscelis adeliae), alto cerca 76 cm, el xe difondesto longo le coste del contegnente antartego e de le ìzołe austrai. El passa in mar bona parte de l'ano nutrendose soratuto de calamari e crostasei. El fa anca pì de 3 vovi ogni 3 mesi

El pinguin inte la cultura popolar

Tux, mascotte doparada de Linux

El pinguin el xe doparà come mascotte o sinbolo no ufizial de atività sportive, politeghe e industriai, come par esempio:

• la mascotte del kernel Linux, chiamà Tux
• el sinbolo mìa ufizial del United States Libertarian Party
• el logo de la Original Penguin, na dita de vestii mericana
• xe stà zirà un mucïo de film sui pinguini, intrà i quai Hubie all'inseguimento della pietra verde, Pinguini alla riscossa - il film, La marcia dei pinguini, Happy Feet e Surf's Up - I re delle onde
• Pengo: videogioco de la SEGA co protagonista un pinguin
• Pinguina xe na parola desprezativa co la qual, in Italia, vien chiamà le moneghe, co riferimento a l'abito monegal i quai colori e forme le richiama el mantelo del pinguin.