Wikipedia

Stefano Zecchi

Ła version stabiłe ła xe stà verifegà el 13 luj 2024. Ghe xe canbiamenti a modèłi e/o file in sta version in atexa de revixion.


Stefano Zecchi (Venesia, 18 de fevrer del 1945) el xe on fioxofo, academigo, scritor, zornaista e opinionista vèneto. El xe profesor ordenario de fioxofia a l’Universidà de i Studi de Padoa.

Infotaula de personaStefano Zecchi

(2017) Cànbia el vałor in Wikidata
Biografia
Nasimènto18 de febraro del 1945 Cànbia el vałor in Wikidata (79 ani)
Venèsia (Itàlia) Cànbia el vałor in Wikidata
Dati personałi
FormasionUniversità degli Studi di Milano (it) Traduzi Cànbia el vałor in Wikidata
Atività
Laóro
InprenditorUniversità degli Studi di Milano (it) Traduzi
Università de Pàdova Cànbia el vałor in Wikidata

A łe ełesion comunai de Venesia del 2020 el xe candidà marigà col Partio dei Veneti.

Biografia[1]

canbia

Stefano Zecchi el xe nasù a Venesia el 18 de fevrer del 1945 da na fameja abrea vèneta. El ga studià a'l Łiseo clasego Marco Polo de Venesia. Dapò ła mauridà, el se xe iscrit a ła facoltà de Łitare e Fioxofia a l'Universidà de i Studi de Miłan, 'ndo che se xe łaoreà co ła votasion de 110/110 e łode e ła discusion de na texi so ła fenomenołoxia de Edmund Husserl (col rełator Enzo Paci).

Inte el 1972 el xe deventà asistente e po profesor incargà a l'Universidà de Padoa e dal 1979 el xe profesor ordenar co ła catedra de Fioxofia a l'Universidà de i Studi de Padoa. Da'l 1984 a'l 2013 el xe stà profesor ordenar de fioxofia a l'Universidà de i Studi de Miłan e el ga insenjà anca in altre inportanti universidà tajane e foreste.

Oltra a'l insenjament Zecchi el recoerxe e el ga recoerto inportanti incarghi cofà: presidente del corso de łaorea in Fioxofia de l'Universidà de i Studi de Miłan, consejer de aministrasion del "Piccolo Teatro di Milano", presidente de l'Academia de łe bełe arti de Brera senpre a Miłan, menbro del consejo del Irer (Istitudo par ła programasion sientifega e culturał de ła Rejon Łonbardia), rapresentante del Ministero de ła Publega Istrusion a l'UNESCO par ła tutea de i Ben imateriai, consejer de aministrasion del MAXXI (Muxeo de l’arte del XXI secoło), consejer de aministrasion de ła Fondasion La Verdi de Miłan, consejere de aministrasion del Teatro Parenti de Miłan. El ga avù anca incarghi poideghi cofà consejer comunał a Venesia par diexe ani e asesor a ła cultura a Miłan. Da'l 2016 el xe Diretor del I.I.S.B.E. (Istitudo Internasionał de ła Siensa de ła Beesa) de Miłan.

Zecchi el xe editoriaista de ła gaxeta il Giornale. El ga ciapà notorietà anca fora dal anbito academigo grasie a le so presense a'l Maurizio Costanzo Show inte i ani novanta. El vien spes invità a trasmision teevixive cofà Stasera Italia (so Rete 4) e Bel Tempo si Spera (so TV2000).

El 12 de fevrer del 2020 el se candida par łe ełesion comunai de Venesia a marigà de Venesia col Partio dei Veneti.[2]

Studi e pensier fioxofego

canbia

Stefano Zecchi el se xe łaoreà fioxofia co na texi so ła fenomenołoxia de Edmund Husserl (rełator Enzo Paci) e a i problemi de ła fenomenołoxia el ga dedicà i so primi studi fioxofeghi. Dapò i studi so ła fenomenołoxia de Husserl e de ła so scoła, el ga frontà łe costion so i conseti de “speransa” e de “utopia”, co ła riflesion so ła fioxofia de Ernst Bloch, del cual el xe stà anca tradutor. El pensier de Goethe (de cui ga tradot racuanti saji so ła sienesa, l'arte e ła łiteradura) e del Romantexixmo i xe diventài i ponti de riferiment fondamentai de i so studi, che ło ga portà a consentrar łe so reserche sol problema e sol senjefegà de ła beesa.

Opare

canbia

Saji

canbia
  • Saggio su Husserl (1972)
  • Fenomenologia dell'esperienza (1972)
  • Utopia e speranza inte el comunismo (1974)
  • La fenomenologia dopo Husserl nella cultura contemporanea, Loescher (1978) ISBN 8820123738
  • La fenomenologia (1983)
  • La magia dei saggi, Jaca Book (1984) ISBN 8816401257
  • La fondazione utopica dell'arte. Kant, Schiller, Schelling, Unicopli (1984) ISBN 887061820X
  • Novalis, Unicopli (1986) ISBN 8870613070
  • Elementi di analisi, costi e benefici, Edizioni ETS (1988) ISBN 8877413654
  • Verso dove? (1988)
  • La bellezza, Arnoldo Mondadori Editore (1990) ISBN 8833905225
  • Sul Destino (a rancura de), in «Estetica» 1991 (vołume tut dedicà a Oswald Spengler, co inediti), ciapa rento saji de F. Volpi, D. Felken, G. Moretti, G. Gurisatti e M. Staglieno, Il Mulino 1991
  • Sillabario del nuovo millennio, Mondadori (1993) ISBN 8804407182
  • Il brutto e il bello (1996)
  • L'artista armato, Mondadori (1998) ISBN 8804421185
  • Capire l'arte, Mondadori (1999) ISBN 8804485140
  • L'artista armato. Contro i crimini della modernità, Mondadori (1998) ISBN 8804471964
  • Storia dell'estetica (2002)
  • L'uomo ze ciò che guarda, television e popolo, Mondadori (2005) ISBN 880454645X (inte el cuał critega łe trasmision teevixive pì seguìe cofà Grande fratello, Isola dei famosi, Affari tuoi, ecc.)
  • In cammino con l'arte (2008)
  • Maria una storia italiana d'altri tempi, Vertigo Edizioni (2011)
  • Povera maledetta laurea. Come ze stata distrutta l'Università e come la meritocrazia può salvarla, Il Giornale - fuori dal coro (2016)
  • Paradiso Occidente. La nostra decadenza e la seduzione della notte (2016)
  • Aiutami a capirlo: l’incontro tra il medico, il genitore ed il bambino, co Paolo Nucci, Lastaria Edizioni (2017) ISBN 8899706093

Romanzi

canbia

Notasion

canbia
  1. ↑ (IT) Curriculum Vitae del profesor Stefano Zecchidipartimento.filosofia.unimi.it (archivià dal URL orizenałe il 21 de agosto 2016).
  2. ↑ (IT) Stefano Zecchi candidato sindaco di Venezia par il Partio dei Venetiilgazzettino.it.

Altri projeti

canbia

Łinganbi foresti

canbia
Controło de autoritàVIAF (EN) 119601980 · ISNI (EN) 0000 0000 8188 6210 · El vałore CFIV002952 de SBN no el xe mija bon. · LCCN (EN) n79040079 · GND (DE) 132522489 · BNF (FR) cb120528303 (data) · BNE (ES) XX1057857 (data) · NLA (EN) 40087799 · WorldCat Identities (EN) n79-040079
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Stefano_Zecchi&oldid=1173604"