Ster

Al Ster al ze al nome de do diverse unità de mesura doperade una par mesurar superfici agrarie e quelaltra par volumi de cereai.

La so origine la ze romana e associada al volume de cereai. La ga subì variasion te el ndar del tenp, sichè dess la ze diversa da un posto a quelaltro. La se materjaliza 'te el volume de un bidon particolar, ciamà ster anca quel, de solito fat de lamjera e co na brega de fer aciajoss par sora, che se pol doperarla par grartarghe do i garnei a le panoce de sorch. Par er na idea, te la provincia de Belun te el volume de un ster ghe stà inte sirca 20 kg de sorch.

Al ster de superficie al ze ligà a quel de volume. In particolar, al representa la area che se pol semenar co un ster de forment. Te la provincia de Belun al val 848 m². Durante la guera del '15-'18 la fan la era talmente tanta che gnea scanbià anster de sorch par an ster de canp.

La quarta part del ster la se ciama quarta.