Glycyrrhiza glabra

Ła sugorigorisia (o anca sugorisia) (nome sientifico Glycyrrhiza glabra) ła xe na pianta ke dura senpre, alta fin a 2 metri, de ła fameja de łe Leguminose. Laktritze in todesco, licorice in inglese e liquirizia in tałjàn, ła xe originaria deł'Asia sudocidentałe e deł'Egito, ma i ła conoseva anca i Cinesi e i antichi Greci. A portarla in Eoropa xe sta i frati dominicani inte el 14° secoło.

Glycyrrhiza glabra

Dati
Fonte de	Liquirizia, radice (it) , liquirizia (it) e licorice extract (en)
Stato de conservasion
Ris-cio mìnemo
UICN	203353
Tasonomia
Superregno	Eukaryota
Regno	Plantae
Órdene	Fabales
Fameja	Fabaceae
Tribù	Galegeae
Zènare	Glycyrrhiza
Spece	Glycyrrhiza glabra L., 1753

Glycyrrhiza glabra

Bastonsini de sugorigorisia

Łe raixe vien doparà in tante maniere, parkè łe ga de łe sostanse (açido glicirisico, glicirisina) co diverse proprietà. Intanto łe xe dolsi e ałora łe se mastega cusì come ke łe xe (bastonsini de sugorigorisia) o se ghin fa gełati, caramełe, spaghi, ciunghe, liquori o łe se mete drento ła graspa.

Spaghi de sugorigorisia

Ła sugorigorisia ła ga anca proprietà protetive par ła mucosa del stomego e ła va ben par ki ke ga ła gastrite; pare ke ghe sia anca na çerta atività antinfiamatoria e stimołante łe difese imunitarie. I efeti cołaterałi, quando ke se ghin magna masa, xe ła ritension idrica e ła presion alta. Vien perso anca potasio e sto fato pol far dani al core e ai muscołi. Par ste rason xe mejo ke quei ke ga ła presion alta e łe done insinte no i fasa uso de sugorigorisia.