Tomazo da Modena

Tomaso da Modena, soranome de Tomaso Barisini, el xe stà un pitor e miniador vivuo inte el XIV secolo (1326-1379).

Tomazo da Modena

Biografia
Nasimènto	1326 (Gregorian) Modena (Itàlia)
Morte	16 de lujo del 1379 (52/53 ani)
Atività
Ocupasion	pintor
Órdene rełijozo	Ordine dei Frati Predicatori (it)
Òpara
Òpare in rezalto Storie di sant'Orsola (it)

Le informazion sora de la so atività zovenil, che ghe partien alguni freschi inte el Domo de Modena e do notevoi tolete a Modena presso la Galaria Estense e a Bologna presso la Pinacoteca, le xe scarse. A Bologna, Tomaso el ga recepio el naturalisemo de la scola local, ma no'lo xe stà infruenzà da le esparienze pì orizenai cofà l'espressionisemo de Vidal da Bologna.

Raquanto importante xe la sucessiva atività a Treviso realisadase in varie fase; a na prima fase (1352) risal i 40 retrati de domenegani inte la Sala capitolar del Convento de San Nicolò; sucessivi i xe i freschi sui pilastri de la da rente chiesa, cofà San Jeronimo, Santa Agnese.

Soratuto inte la serie dei Retrati de Domenegani el ga demostrà na pitura realistigamente concreta, che non la cata rescontro inte artisti coevi. A difarenza, de fati, dei complessi motivi alegoreghi doparai par esempio par na comission simile da Andrea Bonaiuti inte el Capelon dei Spagnoi a Santa Maria Nova a Fiorenza, Tomaso el ga retrato quaranta membri ilustri de l'ordene, zascun sentà al so scragno, inte pose reai e cussì espressivamente caratarisae da far pensar che el se sia servio de modei, magari i stessi frari del convento. I freschi i xe despiegai homeni zoveni e manco zoveni, ognun ocupà inte na azion difarente con zesti eloquenti e peculiari. El realismo el riva a tal ponto da rafigurar calchedun malsan, calchedun co la barba incolta, tanto da haver un campionario de personazi onde, par la prima volta, vien tentà un studio psicolosego.

Inte el 1355 Tomaso el ga piturà de le tolete par la mujer de l'imperador Carlo IV del Impero Sagro Roman, a testimognar l'altissima fama de la qual el galdeva, opare che fin uncuò se cata al Castelo de Karlstein.

La mejo vena narativa la vien espresa anca inte el Ciclo de Santa Orsola inte la chiesa de Santa Margarita dei Eremitani (Treviso), del 1360-66, uncuò inte la Chiesa Museo de Santa Catarina, sempre a Treviso. La forma la xe vivace e imediada, la mimega varia e eficace, la varietà dei personazi e dei costumi la xe ampissima.

De altre opare le xe conservae a Baltimora, Treviso, Verona e Modena.

De altre imazene

• 
  Ugo de Billon
• 
  El Cardenal de Rovan
• 
  Ugo de Saint-Cher
• 
  Fresco del tresento de Tomaso da Modena a Sant'Agustin a Modena
• 
  Alberto Magno, serie dei Quaranta domenegani ilustri, ex convento de San Niccolò, Sala del Capitolo, Treviso, 1352 (altezza de cadaun retrato 150 cm circa)

De altri progeti

Altri progetti

• Wikimedia Commons

• Wikimedia Commons el detien imàjini o altri file so Tomaso da Modena
• el detien schemi gràfeghi so

Ligamenti foresti

• El Domo de Modena Archivià il 12 de zunjo 2010 in Internet Archive.