Topeta
Ła Topeta xe na inbarcasión a fondo piato tìpega de ła tradision łagunar veneta. Grasie a łe ridote dimensión e a ła discreta capiensa xe xornalménte utiłixàda co motór forabordo par uxo diportistico (capiensa consentìa 6 persone)e par el strapòrto de picołe rate de mercansìe. Pol esar armàda co veła al terso ma ła pol esar spenta anca a remi.
Se tràta de na variànsa de dimensión più ridote de ła topa; come staltra ła topeta ga un anpio specio de pope, łargo poco manco de ła larghesa masima de l'intièra inbarcasión e praticamente perpendicołar al pian de gałegiamento. Ga bande alte a prova anpia e afuxołàda.
El material tradisional par ła costrusión del scafo xe el legno e ła so łavorasión richiede l'uxo de forme e piegadùre a caldo. Recentemente, vista ła versatiłità e el suceso de cui gode sto tipo de inbarcasión i costrutóri ricóre senpre più de frecuente a l'utiłixo de ła veroraxa.