Trèdaze Comuni

No ghe xe version verificà de sta pagina, quindi podarìa no èssar stà controlà la so qualità.

I Trèdaze Comuni (Cinbro: Dreizehn Komoin, todesco: Dreizehn Gemainden, itałian: Tredici Comuni) son n'area de ła provincia de Verona, localizà al sentro de ła Łesinia, nełe Prealpi Venete. Zè delimità ad ovest da el Vajo de i Falconi, a est da ła provincia de Vicensa intè l'alta val del Cianpo. Fin ała caduta deła Republega de Venesia, i trèdaze comuni consistèa n'area autonoma organizà in trèdaze comuni.

Elenco

Ła ceza de San Leonardo, a Sałine, costruìa durante l'autonomia dei tredeze comuni durante ła sioria dełi Scałizeri

Veło Veroneze, capoluogo del distreto (ciamà in cinbro Velije o Feld)
Roaré de Veło, ogi ciamà Roaré (in cinbro Roveràit)
Valdiporo, frasion de Cesanòa, in cinbro
Asarin (nome dezueto che indica łe contrade a nord-est de Veło)
Camposilvan, contrada de Veło, in cinbro Kampsilvam
Progno e Jassa (in cinbro Brunghe e Ljetzan)
Sprea co Progno (ogi Badia Całavena)
Saline (ogi Sałine), in cinbro Salain
Bosco Frisolana, ogi Cesanòa, in cinbro Nauge Kirche
Tavernołe, frasion de Sałine
El Sèro, in cinbro Alferìa o kame Cire
Erbezo, in cinbro gen Wiese
San Bortoło, frasion Progno, in cinbro Bòrtolom

Istòria

I trèdaze comuni inisian intè'l XII secoło ad aver na propria identità, cuando ne ła zona arivaron cołoni bavarezi e tirołezi afin a cueło che se stava xa riversando so el altopiano de Axiago. Così se formò na picoła oaxi zermanega, co na łengoa, el cinbro, e usanse diverse da cuełe del teritorio.

Ła cultura cinbra, parò, non se difùse ugualmente in tuto el teritorio, soto a Cesanòa, Roaré, Badia Całavena zera molto scarso.