Łesinia

La Lesìnia l'è na zona ziogràfega che la se tróva par la majior parte in teła provincia de Verona e un tochetìn anca in cueła de Vicensa. L'è praticamente un tòco de łe Prealpi Venete quasi par conto suo: a Nord l'è serà da ła Val dei Ronchi, beła fonda e selvajia, e dal maestoso grupo del Carega, a Est da ła Val Leogra, a Sud dal corso dell’Adexe e dal'alta pianura veronese e a Ovest da ła Val d'Adexe. L'è solcà da un saco de vałi che dai pascoli piassé alti le va zó e le se destende a ventajio verso Verona e la pianura. Andando da Ovest verso Est, catémo le vałi de Fumane, de Maran e de Negrar (che tute insieme le fa la Valpolesela, che parò l'è na definision storica pitòsto che ziogràfega), e dopo la Valpantena, el vajo de Squaranto, la val de Mezàne e cueła de Illasi, la Val Tramegna, la Val d'Alpone, la Val del Cianpo e la Valdagno. Le cime a Nord-Ovest le va dai 1500 ai 1800 metri, el grupo del Carega a Nord-Est invese el supera i 2200, mentre la zona centrałe la stà tra i 1000 e i 1300 metri.

Monti Łesini
Alta Lessinia in inverno.jpg
ContinenteEoropa
Statibandiera Itàlia
CaenaPrealpi Visentine
Coordinae45°53′14.49″N 11°53′35.86″E / 45.887358°N 11.893294°E45.887358; 11.893294 (Monti Łesini)Coordinae: 45°53′14.49″N 11°53′35.86″E / 45.887358°N 11.893294°E45.887358; 11.893294 (Monti Łesini)
Caena prinsipałeAlpe
Ponto pì altoSima Trapoła 948 m s.l.m.
Dati SOIUSA
Gran parteAlpi Orientałi
Gran setorAlpi Sud-orientałi
SesionPrealpi venete
SotosesionPrealpi Visentine
CòdexeII/C-32.I-C
Carta intrativa

CuriositàCànbia

El nome Lesinia vien dal dialeto bavarese che se parlaa su l'altopian. Lietzsen - valigian o omo dei monti - l'è diventà Lesinia. I abitanti de la Lesinia vien da la Baviera. El vescovo de Verona, inte el secolo XII, ga domandà al vescovo de Monaco de la gente par colonizar l'altopian che l'era udo. Quando i studiosi veronesi ga volesto saver l'origine de sta gente i ga domandà 'voialtri, ci sio', e lori i ga rispondio Tzimber, che volea dir tajaboschi. I abitanti de la Lesinia no i ze mia latini, i ze de origine todesca, ma no i ze cimbri. Che i sia cimbri se trata de na legenda che tanti voria far creder vera.

Ligadure forèsteCànbia

Controło de autoritàVIAF (EN315125685 · LCCN (ENsh85076201 · WorldCat Identities (EN315125685
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Łesinia&oldid=1035476"