Valdanjo

Valdanjo el xe un comun de sirca 27 000 abitanti inte la provincia de Vicensa; el faparte de ła Val de l'Anjo.

Valdanjo

Pozision
45°39′00″N 11°18′00″E45°39′00″N, 11°18′00″E (Valdanjo)
Stato	Itàłia
Rejon	Vèneto
Provinsa	Vicensa
Capitałe	Valdagno (it)
Popołasion
Totałe	25 601 (2023)
Densità	509,78 hab./km²
Zènaro	13 262 (%51,8)   (%48,6) 12 444
Demònemo	valdagnezi ,
Zeografia
Àrea	50,22 km²
Altitùdene	260 m
Rente a	Altìsimo Recoaro Terme Torebelvisin Brojan Monte de Mało Cornedo Visentin Crespadoro Schio
Dati istòreghi
Dì festivo	Festa patronałe(23 de novenbre)
Patrono	Clemente I
Còdazi de identifegasion
Còdaze postałe	36078 e 36074
Còdaze de matricołasion	VI
Fuzo oràrio	UTC+1 UTC+2
Prefiso tełefònego	0445
ID ISTAT	024111
Còdaze catastałe de Itàlia	L551
Sito web	comune.valdagno.vi.it

In stà sità ła xe nasesta ła fàbrega tesile de la Marxoto. Le do cexe de la sità le xe intitolae a San Gaetan e a San Clemente.

Onji ao in autun ghe ze l'omònema Festa d'autun, co atività didàteghe e spetacoli folklorìsteghi.

Evolusion demografega

Abitanti censii

Novale

Novale la xera na frasion de Valdanjo de sirca 5000 abitanti. El sò canpanile, uno dei pì alti e veci del visentin, l'è sta costruio inte el 1904. Dal inìsio del '900 Novale la se xe parò tacà a Valdagno, insieme al Majo e al Ponte dei Nori. Ai dì de oncò se poe parlare de na unica sità che la se estende da la xona industriale de Valdagno a Novale. Novale no la se poe pì considerare na frasion, ma na xona periferega a nord de Valdanjo.

Storia

Periodo prima del XX secolo

Un documento del 1184 el nomina par la prima volta Valdagno, in relasion co i Trisino (fameja de orixene todesca), feudatari de la vale, che i gà costrujo dò castełi , el primo sora a la colina del sentro storego, chealtro sol cole de Panisaco: el primo el xe stà desfà , del secondo invese rimane tracia inte el atuale santuario de Santa Maria, rifato pì volte in pochi secoli; in orixene l'era n'antiga capela costruia inte el 1212. Dopo la dominasion scaligera e viscontea, Valdanjo l'e pasà inte el 1404 soto el goerno de la Republega de Venesia. In stà epoca inisia un periodo de rigoioxo svilupo artexanale (lavorasion del fero e de la lana), che el gà contribuio a render pì forte la fraxile economia tacà a l'atività agro-silvo-pastorale. Inte el 1700 nase le prime filande par la lavorasion de la lana e de la seta. Dopo la cadua de la Republica, avien l'agregasion a l'Inpero austro-ungarego e inte el 1866 al Renjo d'Italia. La fameja Marzoto la taca inte el 1836 l'industria de la lana, portandola da liveli artezanali a le dimension de na moderna e gran inpresa. Da ricordarse in particolare l'opara de Gaetano Marzoto (1894-1972) che oltre a 'ver fondà l'atività industriale, el ga promoso vari interventi sul setor sociale (abitasion pa' i operai, inpianti sportivi e ricreativi, el "Stadio dei Fiori" dove che gà xugà el Marxoto (che deso el se ciama Nova Valdanjo) in Serie B, axilo par l'infansia, caza de ripozo pa' i veci, scołe, interventi ispirà a criteri architetonisi e funsionali.

XX secolo

Valdanjo la xe na sità decorà al Valor Militare par la Guera de Liberasion, anca parchè l'è stà premià co la Medaja d'Arxento al Valor Militare pa' i sacrifisi dei sò abitanti e par la sò atività inte ła lota partexana durante ła seconda guera mondiale.

Poco dopo i traxisi fati de la Seconda Guera Mondiale la xona la gà registrà un significativo svilupo economego e sociale, soratuto te ła metà dei ani sesanta. El contesto anbientale naturale, la nova viabilità de colegamento verso est (el traforo co Schio) e verso sud (la sirconvalasion de Cornedo e la strada verso el Anjo) i gà creà le premese pa' on novo rilancio de ła xona, sia dal punto de vista abitativo sia da queo de insediamento de łe atività produtive a alto contegnùo tenoloxego e del tersiario avansà.

Cultura

Ła cexa parochiałe

• Parco ła Favorita;
• Scola de Musica "V. E. Marzoto"
  • La Scola de Musica "V. E. Marzotto" xe na scola privata che la vanta pì de un secolo de storia. Deso la gà çentinaia de alievi e diverse realtà: se trova l'orchestra junior e giovanile "Tutto d'un fiato!" composta da soli fiati, el Conpleso Strumentale "V. E. Marzotto" - Sità de Valdanjo, chel vanta secoli de storia, l'orchestra junior e giovanile de archi "Archi Tesi" e da st'ano xe partio un novo projeto ciamà "N' adulto, on strumento" chel permete anca par gli adulti de inisiare a sonare uno strumento.
• Bibliteca Sivica "Villa Valle";

Spor

Balon

L'Asociasion Calcio Marzoto Valdanjo la xe stà fondà inte el 1926 e presto la xe stà sostenjua da la Marzoto. La gà conosesto el sò periodo mejore inte i ani '50, raxunxendo la Serie B e sfiorando anca la promosion in A. Inte i ani '90, la xe tornà a disputare el campionato de Serie C2, la se gà meso insieme col Thiene, sedendo infine el titolo sportivo a la squadra thieneze, co ła fondasion de na nova società che oncò la xuga in promosiòn. Da la stagion 2012-2013 nasse na nova società, el Trisino-Valdanjo, che ze u smisioto dele do vecie società.

Hockey so pista

Come tanti altri sentri de Vicensa, Valdanjo el vanta na gran tradision de hockey so pista, co nùmaroxi canpionati de Serie A1 disputai. Stò ki l'è el sito de l'Hockey: www.hockeyvaldagno.it

Inpianti sportivi

Valdanjo el gà un palaseto del spor co anca la pista de atletega, nà pisina coerta (e anca n'altra scuerta che non la se uxa da ani), canpi da tenis e da calceto. Ghe xe anca na squadra de siclismo oltre che na strutura coerta par ranpegarse tra le pì grandi in Italia. L'ultima novità xe un campo da beach volley, visin al ponte dei nori.

Jemełaji

• Prien am Chiemsee (dal 1987)

• Sità de ła Speransa

Voxe corełade

• Val de l'Anjo

Altri projeti

Altri progetti

• Wikimedia Commons

• Wikimedia Commons el detien imàjini o altri file so Valdagno
• el detien schemi gràfeghi so

Linganbi foresti

• Sito ufisałecomune.valdagno.vi.it.
• ValdagnoTreccani.it – Enciclopedie on line, Istituto de ła Ençiclopedia Italiana.
• Elio Migliorini, VALDAGNO, in Ençiclopedia Italiana, Istituto de ła Ençiclopedia Italiana, 1937.
• Valdagnosapere.it, De Agostini.

• (IT) Sito so ła istoria de Valdagno