Vélez de la Gomera


Vélez de la Gomera (spagn. Peñon de Vélez de la Gomera) el xe na esclave spagnoła tacà ła costa nord del Maroco. Na volta l'era na ìxoła ma dopo un forte teremoto 'ntel 1930 ła spiaja ła se ga slongà e ła ło ga trasformà 'nte na penìxoła tacà a ła costa marochina.

Peñón de Vélez de la Gomera, visto da ła riva marochina

Vélez de la Gomera el xe a 126 km òvest de Melilla e a 117 km sudest de Ceuta; el ga groso modo na àrea de 19 000 m² e na altésa màsima de 87 m sul lieveło del mar. El vien doparà come postasion miłitar e ghe vive soło che soldài spagnołi.

El teritorio el fa parte de ła Spagna dal 1508, seben che 'l gabia pasà varie conquiste e riconquiste. Sicome che no'l faxea mìa parte del Regno del Maroco (che na volta xera sóto ła Spagna), quando che el Maroco el se ga trasformà in Stato independente Vélez de la Gomera l'è restà a ła Spagna insieme co Ceuta , Melilla e altri teritori e ixołoti picenini. El xe na plaza de soberanía (sarìa a dir piaza de sovranità) spagnoła e come łe altre plazas el Maroco el ło domanda indrio.

CurioxitàCànbia

Ła spiaja fra el Maroco e el Peñon de Vélez de la Gomera ła xe uno dei tochi de confin pi curti del móndo: ła xe łarga soło che 85 metri.

Controło de autoritàVIAF (EN235687949 · GND (DE4724546-3 · WorldCat Identities (EN235687949
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Vélez_de_la_Gomera&oldid=945944"