Maroco

El Maroco, ufisialmente Regno del Maroco (en arabo المغرب, Al-Mamlaka al-Maghribiyya) el xe on Stato del Nordafrica^[1].
El confina co i Stati de l'Algeria a est e de ła Mauritania a sud ^[2]; el confina a anca co łe sità autonome de Ceuta e Melilla^[3] e ła plaza de soberanía de el Peñón de Vélez de la Gomera ^[4]^[5] tute soto sovranità spagnola^[6]. El xe bagná da l'Oceano Atlantico a nordovest e dal Mar Mediteraneo a nord.

Indice

GiografiaModìfega

Par saverghene de pì, varda ła pajina Giografia del Maroco.

El ga a nord do grandi cadene de monti, el Rif e l’Atlante, co vete che pasa i 4.000 m.

'Ntel sud se cata el dexerto del Sahara.
Łe cadene de monti łe protege el resto de el paéxe, che el xe semidexertico a el interno e mediteraneo łongo ła costa.

StoriaModìfega

Par saverghene de pì, varda ła pajina Storia del Maroco .

AntighitàModìfega

I Fenici i gavéa vari insediamenti su ła costa del Maroco. Ła region ła xera abitá da grupi berberi ^[7] che i gavéa fondá on regno, che ciapaa rentro tuta ła costa fin zo a ła Mauritania de ancò, za nel IV secolo a.C..

A ła morte del re Tolomeo (40 d.C.) i Romani i ga anéso el regno come provincia de ła Mauretania Trigitana.

Entel 429 d.C, da ła penisola iberica riva i Vandałi, seguii un secoło dopo dai Vixigoti.

Entel 683 d.C. i è rivá i Arabi che i era drio conquistar tuto el Maghreb.

'Ntel 788, ła prima dinastia locałe de re musulmani ła sale al poder. Se trata dei Idisidi, dal nome del primo re Idris I.
I xe seguì dai Almoravidi, na dinastia berbera che controlaa anca ła Spagna.
Dal 1269 al 1421 xe stá el tenpo de ła dinastia berbera dei Merinidi.
Nel 1554 el poder el pasa a i Shaditi.

I Alawiti, ancora al poder ancò, i xe sałii al poder 'ntel 1660.
'Ntel 1912, el re el ga dovù sotométarse al protetorato francexe e spagnoło. De sti ani xe ła ribełion de Abd el-Krim co ła fondasion de ła Repùblica del Rif ne łe montagne de l’interno che ła ga durà fin ai primi ani trenta.

IndipendensaModìfega

El Maroco l’è torná indipendente nel 1956.

Entel 1979, el Maroco el ga ocupá el teritorio del Sahara Ocidentałe ^[8] e'l ga combatuo contro i gueriłieri del Fronte Polisario che i lota par l’indipendensa.
Anca se el Maroco el ga proméso on referendum par l’autodeterminasion de ła zona, el continua a trovar scuxa par rimandar el voto. Al stéso tempo, cołoni marochini vien mandá continuamente nel Sahara Ocidentałe par crear na popołasion fedełe al re de Casablanca.

Giografia połitegaModìfega

El re atuale el xe Mohammad IV.

Sudivixion aministrativaModìfega

Sudivixion aministrativa de el Maroco

El Maroco el xe divixo in 37 province e en 2 wilaya (distréti sitadini)^{[citasion nesesaria]}:

Łe province (łe ciapa el nome dała sità capołogo)
Agadir Al Hoceima Azilal Beni Mellal Ben Slimane Boulemane Chefchaouen Dakhla El Jadida El Kelaa des Sraghna	El Rachidia Essaouira Fes Figuig Guelmim Ifrane Kenitra Khemisset Khenifra Khouribga	Laayoune Larache Marrakech Meknes Nador Ouarzazate Oujda Safi Settat Sidi Kacem	Tangeri Tan-Tan Taounate Taroudannt Tata Taza Tetouan Tiznit
Wilaya
Casablanca	Rabat-Sale

Tre altre province (Ad Dakhla (Oued Eddahab), Boujdour) e Es Smara), a cui a se zónta parti de Tan-Tan e de Laayoune, łe se cata 'nte ła parte reclamà dal Maroco del Sahara Osidentałe.

Cavedal e altre sitàModìfega

La cavedal ła xe Rabat.

Altre sità inportanti łe xe, in ordene alfabetego: Aaiún, Agadir, Casablanca, Dakhla, Er Rachidia, Essaouira, Fes, Ketama, Larache, Marrakech, Meknes, Ouarzazate, Tangeri.

PopołasionModìfega

EtnieModìfega

I Marochini i xe el resultá de el misiamento de tanti pòpołi.
El 60% de ła popołasion l'è de orìxine berbere bastansa pure.

RełigionModìfega

Musulmani i xe el 99%. Cristiani e seventi łe rełigion tradisionałi el 1%.

ŁéngueModìfega

Se parla àrabo e bèrbero.

EconomiaModìfega

El Maroco el ga n’economia agricoła. La dependensa dała produsion de gran ^[9] ła fa si che le zone rurali łe ghabia na crésita insuficente.

La produsion industrial ła xe en aumento, ma no l’è mìa suficente a darghe laoro a la zente.

NoteModìfega

↑ Par ragion storiche e geografiche el xe on Paéxe african, ma łigá a l’Eoropa.
↑ sti cuà łi xe i confini considerando marochin el teritorio custionà de el Sahara Ocidentale
↑ dó semienclave
↑ ìxoła deventà "semienclave"
↑ sendo łe altre plazas de soberanía łe ìxołe Alhucemas e łe ìxołe Chafarinas, tute a nord de el Maroco.
↑ Anca łe Ìxołe Canarie, al łargo del Maroco del sud, le è de ła Spagna
↑ mauri o mori
↑ ex Sahara spagnoło
↑ che ła xe influenzá dała pióva e ła sofre el séco

Portałe Africa: varda łe voxe de Wikipedia che trata de Africa

[1] Par ragion storiche e geografiche el xe on Paéxe african, ma łigá a l’Eoropa.

[2] sti cuà łi xe i confini considerando marochin el teritorio custionà de el Sahara Ocidentale

[3] ó semienclave

[4] ìxoła deventà "semienclave"

[5] sendo łe altre plazas de soberanía łe ìxołe Alhucemas e łe ìxołe Chafarinas, tute a nord de el Maroco.

[6] Anca łe Ìxołe Canarie, al łargo del Maroco del sud, le è de ła Spagna

[7] uri o mori

[8] x Sahara spagnoło

[9] ła xe influenzá dała pióva e ła sofre el séco

[1]

[2]

[3]

[4]

[5]

[6]

[7]

[8]

[9]