Mauritania
La Mauritania xe no Stato de l’Africa Nord Occidentale, parte del Maghreb.
La confina co el Sahara Ossidentae a nord ovest, l’Algeria a nord est, el Mali a sud est, el Senegal a sud ovest; la xe bagnada da l'Osèano Atlantego a ovest.
| Mauritania | |||
| (IT) Mauritania (FR) la République islamique de Mauritanie | |||
| |||
| Dati aministradivi | |||
|---|---|---|---|
| Nome conpleto | Republica Islamica deła Mauritania | ||
| Łéngue ufisiałi | Łéngoa araba e Łéngua fransexe | ||
| Cavedałe | Nouakchott | ||
| Pułìtega | |||
| Forma de goerno | Republica islamica | ||
| Superfise Totale | 1 030 700km² | ||
| Popołasion | |||
| Viventi | 4 420 184 (2017) | ||
| Taso de fertiłità | 4,603 (2014) | ||
| Xiografia | |||
| Continente | Africa | ||
| Confini | |||
| Fuxo orario | UTC +0 | ||
| Economia | |||
| Valuta | ouguiya | ||
| PIL (nomenałe) | 5 024 705 934,34 (2017) | ||
| PIL pro capite (nomenałe) | 1 136 (2017) | ||
| PIL (PPA) | 17 495 352 437 (2017) | ||
| ISU | 0,52 (2017) | ||
| Vàrie | |||
| Còdaxi ISO 3166 | MR, MRT, 478 | ||
| TLD | .mr | ||
| Prefiso tełefònego | +222 | ||
| Sigla targa automobiłìstega | RIM | ||
| Carte interative | |||
 | |||
|
| |||
.svg)
ZiografiaCànbia
|
Par savèrghene de pì, vardarse ła voxe Ziografia de la Mauritania. |
El paexe el xe desertico a nord (zona Sahara) e semi desertico a sud (zona Sahel).
Se cata vegetaxion solo che longo el fiume Senegal, a l'estremo sud.
StoriaCànbia
|
|
Par savèrghene de pì, vardarse ła voxe Storia de la Mauritania. |
AntighitàCànbia
I berberi[1] xe rivò su le coste de la Mauritania de ancò verso el VI secolo a.C. e gha mandá via i bafour, popolo sudanico che controlaa la costa dal Ghana a la Mauritania de ancò e che darà vita ai soninke. Anca i fenici gavea de le basi maritime longo la costa.
Dopo la parentesi romana, l’impero soninke prese el control de la Mauritania.
I soninke i ga governà fin a l’arivo de i arabi nel 1076. Soninke e berberi gha fato oposision a i arabi par i cinque secoli a venire.
Dopo el protetorato francexe, la Mauritania xe diventà na colonia de la Francia.
IndipendensaCànbia
El 28 novembre 1960 la Mauritania xe diventà indipendente.
Al momento de l’indipendenza, el 90% de la popolasion vivea na vita nomade e la cavedal sa svilupà do ghera el vilagio de Ksar. Grupi de haalpulaar, sonike, wolof i sa trasfrì dal Senegal e, visto che i savea el francexe, ie diventà i funzionari governativi del novo governo. I mauritani de cultura araba gha tentà de reagire a la francesizasione, ma i no ghe reusidi.
Nel 1989, i do grupi sa scontrà violentemente, e la violenza gha anca causa na breve guera de confin co el Senegal. La tension tra i do grupi xe ancora alta, anca se la majoria vol na società pi verta.
Nel 2005, el Consilio Militar par la Giustisia e la Democrasia guidà da Ely Ould Mohamed Vall, gha meso fine a la presidensa de Maaouya Ould Sid'Ahmed Taya.
El 11 marso 2007, ghe stà le elezioni libare e Sidi Mohamed Ould Cheikh Abdallahi xe diventà presidente.
Ziografia politegaCànbia
La cavedal xe Nouakchott.
PopolasionCànbia
EtnieCànbia
A sud se cata grupi sudanici (wolof, soninke), nel resto del paexe ghe grupi berberi, arabi e i haratim, etnia nera da sempre sciavi de i arabi.
ReligionCànbia
L’islam xe la religion de tuti i mauritani, i cristiani xe quasi tuti stranieri che vive ne la cavedal.
LéngueCànbia
La zente parla arabo.
SosietàCànbia
En Mauritania ghe ancora la schiavitù, che l’è stà abolida tre olte ne i ultimi cento ani, sensa risultai pratici.
EconomiaCànbia
La Mauritania xe sempre stà on paexe che vivea de alevamento e poca agricoltura.
Longo la costa e sol fiume Senegal ghe xera anca grupi de pescadori.
Ancò, minerai de fero e pesca de alto mar da le entrate majori a lo Stato. Petrolio, gas e diamanti i diventarà importanti ne i prosimi ani.
NoteCànbia
- ↑ ciamadi anca mauri
| Controło de autorità | VIAF (EN) 143005264 · ISNI (EN) 0000 0001 2260 0320 · LCCN (EN) n79061287 · GND (DE) 4038051-8 · NDL (EN, JA) 00567850 · WorldCat Identities (EN) n79-061287 |
|---|
Wikimedia Commons el detien imàjini o altri file so Mauritania
