Venezia, la luna e tu

Venezia, la luna e tu
Paeze	Fransa; Itàłia
Ano	1958
Zènare	film comèdia
Spàsio d'anbientasion	Venèsia
Caraterìsteghe tècneghe
Forma d'àudio	sonoro
Forma cołor	cołor
Ecuìp tècnega
Senejador	Pasquale Festa Campanile, Massimo Franciosa (it) e Dino Risi
Fotografia	Tonino Delli Colli
Montador	Mario Serandrei
Senògrafo	Alberto Boccianti e Luigi Scaccianoce
Diretor	Dino Risi
Produtor	Silvio Clementelli par Titanus
Conpozitor	Lelio Luttazzi (it)
Atori	Alberto Sordi: Bepi; Marisa Allasio: Nina; Ingeborg Schöner: Nathalie; Nino Manfredi: Toni; Niki Dantine: Janet; Riccardo Garrone: Don Fulgenzio; Luciano Marcelli: Don Giuseppe; Anna Campori: Claudia; Ernesto Boni: Aldo; Dina De Santis: Gina; Lilly Mantovani: Anna; Trude Marchetti: Eva; Giuliano Gemma: Brando; Mimmo Poli;
Destribudor	Titanus (it)
Łéngua orizenałe	italian
Clasifegasion
	CNC (FRA); TP
	CNC (FRA); TP
Durada dei capìtułi	107 min
Pì informasion

Venezia, la luna e tu xe un film del 1958. Inte el 1964 el xe stà riedità col titòło I due gondolieri.

Trama

Bepi, el cui mistièr xe gondolièr, noviso de Nina, no'l renonsia a łe so aventure co done foreste, ch'el mena ogni dì drento ła so gondòła.

Un dì rixirando ła sità el comunica a tute łe so bèłe de Venesia ch'el se spoxarà co ła Nina. Sto fato simenta ła còłara de tute łe venesiana (una de staltre che sbate el tapèo sol Canal Grando inguràndoghe de esar al so posto).

Da ła so futura mugèr ghe vien ordenà un ciàro veto: "Bepi, sol che łe vecie vogio vedèr inte ła to gondòła". A cauxa de un conproméso invese de inbarcàr do veciète el ospita do bèłe xoveni 'mericane.

Nina, senpre pì xełoxa del so moroxo, ła serca de vendegàrse, refrequentando da nòvo uno dei so spaxemànti, Toni, fìn quando Bepi resta incastrà co foreste americane che ło vol spoxar.

Nina se convinse a spoxàr Toni, più fedełe e rasegurante ma inte el fraténpo Bepi xe bon de łibararse da łe do americane sidioxe, anca s'el xe convinto de aver perso par senpre ła so novisa, el core a ła Ceza indove gà da sełebrarse el spoxałisio, vegnìndo a savèr co xogia che in realtà Nina a ła domanda se ła vołeva spoxàr Toni, no gà avùo el coragio de dir el "si" che gavarìa canbià ła vita.

Donca ghe xe stàda ła rapatumasión de Nina co Bepi, el matrimonio e ła vita de famegia, co ła Nina che no moła de seguìr el marìo par far in modo de no subìr altri tradimènti.

Spasoxo xe el personaxo de Toni interpretà da Nino Manfredi che, in stìłe venesian, diverte e strasìna el film co łe so sbefe e umiłiasión che Nina ghe dà.

Ła critica

Gian Luigi Rondi su Il Tempo del 4 otobre 1958 " La regia di Dino Risi ha fatto in modo che luoghi comuni e reminiscenze venissero riscattati inte el racconto da un'atmosfera gioiosa e briosa, resa anche più vivace da equivoci, beffe, situazioni salaci, scherzi, caricature; che qua e là avrebbero potuto essere più schietti o, su taluni argomenti, un po' più moderati.." (Ła regia de Dino Risi gà fato in modo che loghi comuni e reminisense vegnise rescatà inte el raconto da na atmosfera de xogia e ałegrìa, rexa oncora più rebégoła da intrési, batarèłe, schersi, bàgołi, cargaùre; che qua e łà gavarìa podesto eser più s-ceti so' alcune costióni, un fià pì moderài)

Linganbi foresti

Venezia, la luna e tuCineDataBase, Rivista del cinematografo.
Venezia, la luna e tuANICA, Archiviodelcinemaitaliano.it.
(EN) Venezia, la luna e tuInternet Movie Database, IMDb.com.
(EN) Venezia, la luna e tuAllMovie, All Media Network.
(EN) Venice, the Moon and YouRotten Tomatoes, Flixster Inc.
(EN, ES) Venezia, la luna e tuFilmAffinity.

Venezia, la luna e tuCinematografo, Fondazione Ente dello Spettacolo.

Aprofondimento fotografico so'i loghi dove che xe xirà el film

Scheda su Venezia, la luna e tu de l'Internet Movie Database

Archivio cinema ANICA