Wikipedia:Çincue piłastri

Tute łe linee guida de Wikipedia łe xe baxae so çincue piłastri, che ghi ne definise łe carateristighé:

BluePillar.svg Wikipedia ła xè n'ençiclopedia che ła conprende i ełemènti tipisi de łe ençiclopedie "xeneriche", de łe ençiclopedie "spesałixae" e de i almanachi. Wikipedia nó ła xè na racolta indiscriminà de informasion. Cuindi, nó ła xè na fonte primaria ma pìtosto un strumènto de divulgasion secondaria; nó ła xè on disionario né on palco par comisi, nè on xornałe; nó ła xè gnanca on sito indove far de łe promosion, nó ła xè nepùr na web directory né on ponto d'incontro indove inserir łe propie prefarense, esperiénse o argomentàsion; tuti cuèłi che i contribuise a sta ençiclopedia, i dovaria sforsarse de segùir ła pułìtega baxa so ła verifegabiłità e so'l divieto de riçerche orixenałi.
 
GreenPillar.svg Wikipedia ła gà on ponto de vista neutrałe, el che signifega che nó se deve esprimare on singoło ponto de vista inte łe voxe. Cuindi a volte cuésto richiede de riportar łe diverse teorie inerénti a ła voxe tratà; tałi teorie łe ga da esar raprexentae in modo ciàro, inparsiałe e có'l suporto de łe fonti, in modo da parmetere a chi che lexe de conprendare cuàłe ponto de vista ła teoria raprexénte. Nisun ponto de vista el ga da esar riportà cofà "ła mejor teoria" o cofà "ła verità", ma el ga da esar el pì posibiłe suportà da fonti atendibiłi, spesalmènte inte łe voxe rełative a argomènti xeneralmènte controvèrsi. Inte'l caxo che nasa de i radeghi çirca ła version da ritegnerse maxormènte neutrałe, xè nesesario blocar ła voxe e proçedare a ło sviłupo de ła istesa tramite el confrònto inte ła pajina de discusion, seguendo ła proçedura par ła risołusion de i radeghi.
 
YellowPillar.svg Wikipedia ła xè libara, el so contenuo el xè cuindi canbiabiłe da tuti. Tuto el testo xè rilasià soto łe license Creative Commons Atribusion-Condividi al 'steso modo (CC-BY-SA) e GNU Free Documentation License (GFDL) e 'l pol esar cità o distribuio in acordo a ese. Se tegna prexènte che łe voxi łe pol esar canbiae da calsiasi persona e no łe xe soto el controło de on singoło; de conseguènsa calsiasi voxe xontà o canbià ła pol esar a so 'olta canbià libaraménte e redistribuia da ła comunidà. Nó sta inserir materiałe proteto da copyright o có license mia conpatibiłi có ła CC-BY-SA.
 
OrangePillar.svg Wikipedia ła gà on codiçe de condota: ocore rispetar ciascun wikipedian anca cò no te si d'acordo có qualcheduni; bexogna conportarse çivilmènte, sercando de predilexare el coxideto WikiLove e evitando radeghi de intarese, atachi personałi o façiłi xenerałixasion; sercando el consenso, se evite inutiłi edit war, sercando ncora na 'olta de nó ricorare a ripetui ripristini de pajina; ricordate che ghè xe 10 989 voxe inte' ła Wikipedia en Veneto su cuì laorar e discutare; agisi en bona fede sensa mai danejar Wikipedia par sostegner el propio punto de vista e prexumèndo, anca in te'l vałutar el laoro altrui, ła medexima bona fede. Serca de esar verto inte ła maniera pì pacaà posibiłe inte i raporti fra wikipediani.
 
RedPillar.svg Wikipedia nó ła gà regołe fise, eceto i çincue prinçipi elencai in sta pajina. Serchè donca de nó esar timidi inte'l canbiar łe voxe, parché el piaçer de contribuir nó dimanda par forsa de raxunxére ła perfesion, nonostante cuésta ła sia 'l obietivo ultimo de l'ençiclopedia. Nó sta mia 'ver paura de far canbiamenti: tute łe versioni preçedénti de na voxe łe vien salvae, par cui xè inposibiłe danexar Wikipedia in maniéra ireparabiłe. Ma ricordè che, al 'steso modo, tuto cuèło che se scrive el sarà conservà pa' i posteri.