Wikipedia:Aministradori/Elesion/Vajotwo

Vajotwo

L'elesion taca el 7 setenbre 2009 ałe ore 09:40 e a finisse el 21 setenbre 2009 ałe ore 09:40

Pro

1. ...

Contro

1. Me meto qui, non par cativèria (ghe mancarìa altro), ma parché secondo mì el sarìa meglio aspetar n'altro pocheto. Vajotwo l'è de seguro un bravo utente, ma el gà da farse un po' le osa con el conceto de projeto minore. Inoltre par el momento me par che el nùmaro de aministradori el sìa pì che suficiente considerando la basa quantità de laoro che'l ghè. El tuto secondo mì, naturalmente. E con questo spero vivamente che'l continui a far el so lavoro come l'ha fato fin adeso, in atesa de na posibiłe elesion in futuro.--Marco 27 20:11, 11 Set 2009 (UTC)
2. El gà sicuramente tanta bona volontà, però anca secondo mi no'l xe pronto. In più ocasioni me xe tocà fare rollback su modifiche sue a dei template, parché le gera fate mal. De un admin se dovarìa poderse fidar quasi a oci serà, quindi son anca mi de l'idea che el deve farse i ossi ancora un fià. Come dise Marco27, sto qua xe un "progeto minore", quindi no se pol pensar de copiare senplicemente it.wiki. Tante robe le se deve adatare e far deventar più senplici e veloci. Un esenpio: Wikipedia:Aministradori/Motivi de revoca. Gà proprio senso na procedura così conplicà? Semo in così pochi e ghe xe stà solo 2 revoche in 4 ani, no se pol senplicemente votare a majoransa? Altro esenpio: ghe xe solo 11 voci in vetrina, ga senso categorizarle par mese e ano? E questo vale anca par altri interventi sui. Ricordémose infine che no conta la quantità dei contributi, ma la qualità, e quela no la se misura solo dai nùmari. Naturalmente spero che Vajo no'l ciapa tuto questo come na critica, ma pitosto come un invito a mejorarse. Candalua 12:36, 12 Set 2009 (UTC)

Astenui

1. ...

Comenti

Scusa Marco 27, ma non te pui venirme a dire che non me sò fato łe osa in tuto stò tenpo. Sò Wikipedia IT gò oltre 4000 contribudi e sò questa ne gò oltre 800 (varda http://toolserver.org/~vvv/yaec.php?user=Vajotwo&wiki=vecwiki_p) e mi sò quà da poco. Mentre tì ti sì quà da fine 2008 e te ghè fato sirca 400 contribudi (varda http://toolserver.org/~vvv/yaec.php?user=Marco+27&wiki=vecwiki_p). E poi non te pui venirme a dire che i aministradori i xe massa, parché te o sé benisimo anca tì che de ativi ghe ne sé 1 o 2. --Vajotwo 07:53, 12 Set 2009 (UTC)

Forse no ce semo mìa capidi. Intendeo dir che sto projeto qua no l'è mia it.wikipedia, l'è un projeto con 74 utenti ativi so i 3.383 realmente registrà (overo soło el 2,2% de li utenti l'è ativo). No'l ghè mia bisogno de riconferme, de na scadensa par el mandato de aministrador, ecetera. Poi, anca se li aministradori ativi son 1 o 2, quei lì bastan e avansan parché el laoro l'è quasi nuło (mì avrò fato sì e no na operasion da aministrador). Ultima cosa: alcune de le to modìfeghe le son stade rollbackà parché le avevan creado problemi in vari template (par esempio sto qua e st'altro). Quindi te ripeto che aspatarìa n'altro po'.--Marco 27 12:19, 12 Set 2009 (UTC)

El lavoro che i gà da fare i aministradori come tì non xe quasi nulo! Se solo te vardassi tute le robe che ghe xe da far non te me parlarissi cussì. E poi non te me ghè risposto ale mie afermasion. Mi gò dito che non te me pui acusare de non averme fato le osa, parché te sè benisimo che non xe cussì. E non te ghé risposto neanca al fato che mi gò pì contribui de tì e so quà da meno tempo de tì: come la metemo? Parché mi non dovaria eser pronto a diventare aministradore e tì invece sì? --Vajotwo 12:41, 12 Set 2009 (UTC)

Wikipedia:Aministradori/Richieste par i aministradori: par piaser elencame le cose che ghe son da far, così poso capir cosa te intendi e magari anca farle. Te go risposto ecòme: se te g'avessi leto ben quelo che te go scrito, te avresti leto: «ma el gà da farse un po' le osa con el conceto de projeto minore» (e te gà risposto anca Candalua, che quoto); comunque no la xera mìa un'acusa. Par el discorso dei contributi, no l'è che vòlio aver la carica de aministrador soło mì, ostacolando li altri, è che secondo mì no te si ancora pronto (e sta ostinasion en parte lo demostra); comunque se no te va ben che mì sia aministrador, te si libaro de chiedar a la comunità el me deflag; mì go masima fiducia in ela e me adeguo a la so volontà. E se te vol tirar en meso it.wiki (che no'l centra niente, parché son do projeti completamente distinti) semo registradi da lo steso giorno e mì go oltre 1500 modìfeghe pì de ti... «Come la metemo?» (cit.). --Marco 27 13:19, 12 Set 2009 (UTC)

Atension: Gò decixo de ritirarme da stà elesion; tanto ormai e a xe tropo compromesa. --Vajotwo 13:27, 12 Set 2009 (UTC)