Cosa xeło VisualEditor?
VisualEditor ła xe na inisiativa de sviłupo de software de ła Wikimedia Foundation che ła parmetarà a tuti de modifegar pàjine MediaWiki sensa che ghe sia bixogno de inparar ła wikisintasi. Grasie a VE łe pàjine łe sarà formatae inte na maniera simiłi a cueła de un un programa de videoscritura, inte el senso che'l testo co se xe drio scrivarlo el sarà scuaxi conpagno de cueło che se vedarà dopo 'ver salvà.
Parché sto canbiamento?
Ła prinsipałe bariera al primo edit, e cuindi 'l elemento che ostacoła de pì ła strada par deventar un menbro de ła comunidà ła xe pròpio ła wikisintasi doparà inte ła clasega pàjina de modifega che a uno no bituà ła par asé conplicà. Pa' aumentar el nùmaro de primi tentativi de modifega riusìi serve un sistema de editing pì senplise. Varda anca ła spiegasion detałià.
Cuali xełe łe prosime tape de l'inplementasion de VisualEditor?
Controła ła pàjina de riferimento: so vec.wiki par exenpio VisualEditor el xe xà ativabiłe da łe Prefarense.
Łe date de seguito łe xe soło che indicative.
  • 24 de giugno, A/B test so Wikipedia in inglexe, VisualEditor suito disponibiłe al 50% de łe nove utense registrae.
  • 1 de lujo, VisualEditor so en.wiki ativà a tuti i utenti registrai.
  • 15 de lujo, VisualEditor so en.wiki disponibiłe anca a łe utense anonime (IP).
  • 24 de lujo, VisualEditor ativo par tutti i utenti registrai anca so łe Wiki pì grose come cheła in todesco, cheła in fransexe e cheła in itałian.
  • 29 de lujo, ativà anca pa' i no registrai so łe wiki 'ndove el jera sta ativà el 24 de lujo.
  • Seconda metà de agosto, se conpleta ła tranxision so tute łe altre Wikipedie (a parte serte come cheła cinexe 'ndove che no'l funsiona).
Al momento el piano el prevede de coinvolxare prima tute łe Wikipedia e dopo i altri projeti WMF entro disenbre 2013 (xe nesesario adatarlo par exenpio a l'estension ProofreadPage par Wikisource, o a serti modełi doparai da Wiktionary).
Parché sta presa de ativar sto novo software? No'l senbrapronto.
El software sertamente no'l xe conpleto: ghe xe funsionałità da xontare e probabilmente anca ła version beta ła gavarà dei bug. Cuesto no parché el xe fato małe ma parché al inisio xe senpre cusita: MediaWiki ga xà diexe ani e 'ncora se cata bug; se se spetase che VE el fuse sensa bug no el vegnaria mai inprimà!
In definitiva, el modo mèjo par catar bug xe far in modo che ghe sia pì xente che i serche proando el software. Se rendemo conto de cuanto sta ròba ła sia na rogna al inisio ma pian pian łe ròbe łe vegnarà giustae.
Come ve faso saver che go vudo un problema co VisualEditor?
Se te ghe xà doparà pa'l pasà sto sistema te podarisi segnałar el problema diretamente so Bugzilla inte ła sesion "VisualEditor". Tante wiki łe ga anca na pàjina dedicà pa' rancurar i comenti; te trovi ła lista so Wikidata, mentre ła pàjina de feedback prinsipałe ła xe so mediawiki.org. Te pol doparar invese Discussion_Wikipedia:VisualEditor/FAQ par far prexenti eventuałi dimande che te vurisi 'ver trovà so sta FAQ ma che no łe ghe xe.
Tien prexete che difarenti bug infrà chełi catai no i dipende da VE ma pì in xenerałe da MediaWiki o da calche altro so conpente. Grasie a sta faxe de testing i vien catai e risolti pì rapidamente.
Come poso dixabiłitarlo?
Beh, te poi senpre editar co l'interfacia clasega strucando so "Canbia/crea sorxente". No ne pasa gnanca pa'l anticamara del sarveło de cavar el editor clasego!
Credo che manche de łe funzionałidà, come poso sugerirle?
Serte carateristeghe łe xe in sviłupo o comunce programae (ad ex. l'editing rełativo a someje o modełi). Ła pàjina so ła Roadmap e cueła so i Wikimedia engineering draft goals pa'l 2013-14 łe fornise ulteriori informasion. Se no te trovi riferimenti a łe feature che te vorisi vedare fane saver traverso ła pàjina de feedback linkà prima.
Cosa sucede se par abitudine doparo wikisintasi cofà [[ ]] e {{ }}?
VisualEditor capirà che te ghe ncora da bituarte e te ricordarà co un pop-up che te si driodoparar VE e no 'l editor clasego: inte el manuałe te cati ła spiegasion so come inserir lin e modèłi.
Parché el me browser no'l xe suportà?
Reałixar na interfacia de editing moderna par Wikipedia e i altri projeti ła xe na bèła sfida, ma xe posibiłe doparando tenołoxie e strandard web moderni. I sviłupadori i fa el posibiłe par suportar i browser pì comuni; VisualEditor el funsiona pułito co łe version pì resenti de Firefox, Chrome e Safari, e 'l suporto par Internet Explorer 9 el rivarà a breve. D'ogni modo, sercar de axirar łe limitasion dei browser pì veci dirotaria risorse da chełe mejorìe che invese łe ndaria a vantajo de ła maxor parte dei utenti. Si donca incoraxai a pasar a un browser siportà o, se no poì o no gavì voja, a seitar a editar doparanto 'l editor tradisionałe. Varda anca ła Target browser matrix.
No ve preocupa el fato che in sto modo anca vandałixar sarà asé pì fasiłe?
El test de giugno al cuałe se faxeva riferimento sora el serve pròpio a scoprir se sarà cusita. In verità chełi che vol soło che vandałixar i xe boni farlo anca deso (e co'l editor clasego se fa anca prima).
Xe normałe che VisualEditor el canbie da łu soło serti tochi de ła pàjina?
In xenerałe, VisualEditor no'l dovaria canbiar ła formatasion del testo che no se xe drio editar diretamente, a meno che no ghe sia del còdexe sbałià (tipo na tabèła no sarà), in chel caxo el sercarà de rimediar.
Vujo inparar a doparar VisualEditor.
Benon, ghemo reałixà un manuałe aposta!
Poso instałare VisualEditor so'l me sito personałe baxà so MediaWiki?
Seguroo, ma a to ris·cio :) Łe estension VisualEditor e Parsoid, pur esendo disponibiłi pa'l download, łe xe ncora sperimentałi. Se te desidi de instałarle fane saver cosa che ga funsionà e cosa no tramite Bugzilla.

Problemi noti e racomandasion canbia

  Par savèrghene de pì, vardarse ła voxe Wikipedia:VisualEditor#Limitasion_atuałi.


  • VisualEditor no'l xe conpatibiłe co'l gadget QuickEdit: parché l'interfacia se carghe inte el mdo justo xe nesesario dixabiłitarlo da łe Prefarense o cavando el òdexe qed se se ga el Monobook.
  • Se conseja ai inisi de doparar VisualEditor par i canbiamenti senplisi: far un laoro longo e dopo inacorxarse che par calche motivo no se riese a salvarlo conporta el dover riscominsiar da cao inte el editor clasego. Mèjo far tanti canbi picenini, tanto xe senpre posibiłe anułar łe modifeghe.
  • Se na pàjina ła ga wikilink rosi, par deso, in fase de modifega, i vien fora blè, come se i puntase a pàjine existenti.

Pàjine ligae canbia

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Wikipedia:VisualEditor/FAQ&oldid=902327"