Wikipedia:VisualEditor/Parché

Cosa ne dixe i nùmari

El grafego sora el mostra el taso de tratenimento dei novi utente inte el tenpo (in roso) e 'l nùmaro de persona efetivamente ative (in blè) so en.wiki. Xe evidente che no ła xe na situasion ideałe. Wikipedia ła xe drio traversar un periodo de crixi rełativamente al nùmaro de contribudori. Semo drio alontar masa novi rivai cioè chi che - de fato - contribuise. In altre paròłe no ghemo i utenti nesesari a far el laoro che vorisimi/"dovarisimo" far. Ła ròba da far ła xe senpre de pì e ghe xe senpre manco persone a gestir un nùmaro de contributi che invese el xe in cresita.

I motivi

Serti i va via parché no i xe intensionai a contribuir in modo costrutivo, e fin cuà tuto ben. Altri invese i moła parché no i riese a capir 'ndove e a chi rivolxarse par dimandar juto. Po ghe xe chełi che i moła soło che parché xe masa fadiga editar. Co xe sta inprimà Wikipedia (2001) jera normałe, dato che tanti siti i dimandava ła conosensa de calche tipo de markup, par chi che doparava Internet scrivare doparando sintasi particołari, che se tratase de BBCode, comandi IRC, wikisintasi o anca soło che de senplise HTML. El punto xe che semo inte el 2013, e che semo rimasti, se no l'ùgnoło sito a doparar ncora markup, seguramente l'ùgnoło a dopararghine de cusì conpleso.

Sbandonare el markup

Inte el 2013 no xe normal inpara markup par scrivare calcosa so un sito. In tanti i resta donca meravijai co i riva cuà e i se cata costreti a farlo, e ła majoransa de cuesti no ła xe entuxiasta de sta ròba. De sołito se se visina a Wikipedia scominsiando co i canbiamenti picenini (corexere łe virgołe, giustar un eror de batidura...), ma se deve inparar comuncue el markup, anca soło che par riusir a capir cosa che xe scrito inte ła caxeła de canbiamento; del "còdexe" che a volte el ghe da l'inpresion al novo rivà de poder ronpare calcosa par sbałio se 'l ghe mete łe man. Se se scoraja e se rinuncia, come che dimostra i test dei utenti. Ła nesesità de na maniera pì senplise de editar ła xe sta sotołineà pì e pì volte inte el tenpo da ła comunidà stesa: so ła Wikipedia in inglexe, par exenpio, almanco dal 2004. VisualEditor ła xe ła sołusion: ło costruimo parché el ne xe sta dimandà, ma soratuto parché efetivamente ghi ne xe bixogno. Ła wikisintasi Ła ghe fa ciapar paura ai novi rivai, e sarà senpre pexo dato che i altri siti i va vanti co ła senplifegasion de ła modałità de inserimento dei contegùi e invese noaltri no. E se no femo gnente tra calche ano chel grafego mostrà cuà sora el ne mostrarà na situasion pexo de cheła de deso.

No se spetemo che i ło dopare pròpio tuti - 'l editor clasego el sarà ncora disponibiłe - né se spetemo che tuti i sia davero continti de sta nesesità. Ma semo determinai a far un bon laoro e a dimostrar 'l inpato che sto software el pol 'ver sia co i test dei utenti, sia co dati quantitativi. I utenti che inte i ani i ga de fato scrito Wikipedia e contribuio in modo sostansiałe a farla deventar cueło che ła xe uncoò i podaria comuncue trovar comodo VisualEditor durante el so laro so'l namespace 0; cuełi che invese i se da da far par jutar i novi rivai o che i tien lesio o corsi par fasiłitar 'l uxo de l'ensiclopedia i sarà contenti de sta novità. Naturalmente VisualEditor no'l xe che una de łe stratexie adotae par afrontar i problemi rełativi ai contribudori. Par saverghine de pì so ła so storia e ła so evołusion se pol vardar ła pàjina rełativa su MediaWiki.org.