Zudea

Ła Xudea (ebraego: יהודה, ebraego moderno Yəhuda, masoretego Yəhûḏāh, grego: Ιουδαία; Latin: Iudaea) ła xe na rejon istorega de ła Pałestina, coinsident col teritorio asignà a ła biblega tribù de Xuda. Ła so sità prinsipał ła xe Jeruxałeme.

Zudea

Sorte	Rejon zeogràfega
Epònemo	Giuda (it)
Parte de	Tera de Israełe
Liogo
Rejon aministrativa	Regno de Zuda
Bagnà da	Zordan e Mar Morto

Mapa del Levante meridional, c.830s BCE.      Regno de Xuda      Regno de Israel      Cità-Stao de la Filistia      Stai Fenici      Regno de Ammon      Regno de Edom      Regno de Aram-Damasco      Tribù Aramaeghe      Tribù Arubu      Tribù Nabatu      Inpero Assiro      Regno de Moab

Storia

Insidiamenti umani in Xudea i risal a un periodo precedente l'età de la Piera e la region la xe conossua dai paleoantropologhi cofà una de le strade che l'homo sapiens el ga traversà par insir da l'Africa e colonizar el resto del mondo cerca 100 000 ani fa. Resti archeolozeghi de insidiamenti umani risalenti a pì de 11 000 ani fa i xe stai catai inte la cità de Xerego, considerada el pì vechio insidiamento ininterotamente abità del mondo.

La Xudea la xe central inte el conto de la Bibia, co i patriarchî Abramo, Isaco e Jacopo che i vien sepolii a Hebron inte la Tonba dei Patriarchî. La ga fà parte de l'antigo regno de Israel fin a la morte del re Salomon, cerca inte el 931 a.C., quando che el regno el se ga diviso in do, el regno de Israel a Nord e el Regno de Xuda a Sud.

El regno setentrional el xe cascà soto i Assiri inte el 722 a.C., invence che la Zudia la ga costituio un stao independente fin al 587 a.C., quando che la xe stà conquistada dai babilonesi.
Da chel momento la ga sevio le vicende storeghe de la Palestina, passando soto le dominazion lenistega, romana, bizantina e mussulmana, e par un periodo curto soto ministrazione inglese dopo de la prima guera mondial.

Dal 1948, co la fondazion del moderno stao de Israel, la Xudea la xe dividua infra sto qua e la Zordania. La parte zordana la xe soto ocupazion israeliana dal 1967, e se prevede che la fazza parte del costituendo stao palestinese.

Voci correlate

• Galilia
• Regno de Israele
• Regno de Xuda
• Israel