Ł
El sinboło Ł (in picoło: ł) el xe na letera doparà inte un paro de lengue slave e in serte łengue dei nativi mericani. El vien anca doparà da serte grafie venete.
| Ł | |
 | |
| Unicode maiùscoło | U+0141 |
|---|---|
| Unicode menùscoło | U+0142 |
| Braille | ⠣ (braille połaco) |
Ła Ł inte łe lengue slave
canbiaInte el połaco moderno ła vien pronuncià /w/.
Ła vien doparà anca par trascrivar el biełoruso in alfabeto latin (sta particołar variansa del alfabeto latin ła vien ciamà Łacinka).
El simboeo "ł" el śe sta usà pà a prima völta inte el XV secoeo in un trattà poeacco
Ła Ł in veneto
canbiaSerte grafie venete łe uxa sto sinboło (ciamà ele-tajà) par raprexentar ła ele evanesente. Speso, al posto del segno Ł vien doparà diritura el segno £ che el se cata pì fasilmente inte łe tastiere.
Ła GVU ła dixe de doparar el segno Ƚ invese de Ł, parché sto ultemo el xe xà doparà dal alfabeto połaco pa' raprexentar un sono difarente. Ła Grafia Veneta Clasega invese ła dopara ła L normałe anca pa' raprexentar ła ele evanesente.