Alessio Morosin

Alessio Morosin (nasesto el 20 de zugno del 1955 a Noał) el xe on avogador e poidego vèneto venetista.

El xe stà consijer rejonał e el xe soratuto conosesto par esar on dei fondatori e presidente onorario de Independensa Vèneta e esar stà candidà presidente al ełesion rejonał del Vèneto del 2015 co IV.

VitaCànbia

XoventùCànbia

Alessio Morosin el xe nasesto el 20 de zugno del 1955 a Noał. El ga fato l'Università de Pàdoa e el se ga łaureà en łexe 'ntel 1981. Dopo ła łaurea el xe deventà avogador al foro de Venesia.

Carièra poìdegaCànbia

El xe intrà en poidega co ła Łiga Vèneta 'ntei primi ani '90 e par łe so idee e ła so braura el xe stà incaregà al Conséjo Rejonał del Vèneto al Ełesion rejonał del Vèneto 'ntel 1995.

Vero vènetista, el se ga fato conosar par esar stà el autor de ła risołusion 42/1998, dal titoło I popołi de ieri e de ancò e el dirito al autodeterminasion, sol dirito al autodeterminasion del popoło vèneto. Ła risołusion ła xe stà aprovà a majoransa del Consejo Rejonał el 22 de avrił 1998.

El so forte vènetismo ga portà Morosin a łasar ła Lega Nord 'ntel otobre del 1998, par far nasar a ła Łiga Vèneta Republica, co anca Fabrizio Comencini e altri cuatro consijeri rejonai.

Distintose par łe so idee e ła so braura, 'ntel 2004 el xe stà incaregà presidente del partido, caréga tegnesta fin al 2007. 'Ntel setenbre del 2010 el ga guidà a ła nasita del partido Vèneto Stado drento che el xe intrà e diventà on menbro inportante.

El 12 de majo del 2012 lu e altri noti poideghi independentisti vèneti i ga fato nasar el movimento Independensa Vèneta (IV), e el ghe xe deventà presidente onorario[1][2][3].
Deventà indescuso lider del partido ło ga fato cresar e 'l ga portà intrar altri poideghi cofà Lucio Chiavegato e Fabio Padovan.

Morosin ga scrito anca on łibro Auto•Determinasion (Self•Determination en inglexe) tradusesto en varie łengoe uxà 'nte łe università britaneghe cofà testo, el parla del dirito al Autodeterminasion dei popołi e de ła via par l'Independensa de ła Repùblega Vèneta; el xe stà publegà el 19 de avrił del 2015[4][5].

Morosin sostegnù da Independensa Vèneta el ga corsesto par l'ełesion rejonał del Vèneto 'ntel 2015 e ga ciapà el 2,6% e 55.760 voti, ma no ga podù ver careghe en Consejo Rejonał. Independensa Vèneta e el stes Morosin i ga dito che el risultà, pì ceo de chel che se spetea, jera dovù a ła creasion de pì łiste sivete che łe sostegnea scuaxi tuti i candidai, soratuto una de nome Indipendenza noi Veneto (el noi jera scrito masa en picenin) col nome conpagno a chel de Indipendenza Veneta e al fato che Morosin e Independensa Vèneta łe jera stae tajae fora dai mexi de comunicasion e dibatiti poideghi so tełevixion, radio, xornai, ecc...

Alessio Morosin xe stà on dei ugnoi a gaver rinunsà al vidałisio so pì de 4000 ex parlamendari, senadori e consijeri rexonai el xe stà el primo a gaveghene rinunsà e xe stà seguì sol da 9 altri poideghi[6][7].

ÒpareCànbia

Alessio Morosin ga scrito anca on łibro:

  • Auto•Determinazione (Self•Determination), 2015.

NotasionCànbia

  1. Nasce Indipendenza Veneta: ora è il nome di un movimento, a breve sarà la realtà. Indipendenza Veneta, 2012-05-28. Lingambo vardà el 2013-10-24.
  2. Pizzati è eletto segretario di Indipendenza veneta - Veneto - il Mattino di Padova. Mattinopadova.gelocal.it, 2012-05-28. Lingambo vardà el 2013-10-24.
  3. Congresso Indipendenza Veneta: Pizzati segretario. Trevisotoday.it. Lingambo vardà el 2013-10-24.
  4. https://www.ibs.it/auto-determinazione-ebook-alessio-morosin/e/9788868557669
  5. https://www.amazon.com/Self-determination-Alessio-Morosin-ebook/dp/B079Z8MMZ5
  6. https://www.miglioverde.eu/veneto-su-226-ex-consiglieri-regionali-solo-uno-ha-rinunciato-al-vitalizio/
  7. http://www.lindipendenzanuova.com/ma-il-solo-indipendentista-candidato-presidente-in-veneto-e-morosin-politico-senza-vitalizio/
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Alessio_Morosin&oldid=848699"