Verxi el menu prinsipałe
Independensa Vèneta
(IT) Indipendenza Veneta
Prinsipałi raprexentanti
Leader Juri De Luca
Vicesecretario Silvia Nizzetto
Coordinador Barbara Rossetto
Dati xenerałi
Stato bandiera Itałia
Sede Via Aldo Moro n.4 Pieve (TV)
Fondasion 12 de majo de 'l 2012
Ideołoxia vènetixmo
independentixmo
Careghe Camara de i Deputai
0 / 630
 (2013)
Careghe Senado de ła Republega Tałiana
0 / 315
 (2013)
Careghe Consejo Rexionał Vèneto
0 / 50
 (2015)
Iscriti 2900 'nte 'l 2015
Sito uficiałe


Independensa Vèneta (par tałian Indipendenza Veneta[1], scursà IV) el xe on movimento połitego independentista vèneto, nasesto 'nte 'l 2012. El so obietivo prinsipał xe cuel de far deventar el Vèneto na republega independente e sorana da 'l Stado tajan par via istitusionał, co on referendum traverso el prinsipio de aotodeterminasion de i popoi, donca par via pasifega, sensa ati de vioensa, łexitema, traverso el dereto, e democradega, co 'l vołer dito par via de 'l voto. El 9 de avrił Independensa Vèneta se unise co i antri partidi independentisti vèneti par far nasar el Partido de i Vèneti.

El menbro pì riłevante de Independensa Veneta el xe Alessio Morosin (ex consejer co ła Łiga Vèneta-Lega Nord), fondator e candidà presidente del partido par l'ełesion Rejonał de'l 2015. Altri poideghi e ex primi consejeri inportanti i xe Michele Favero e Massimo Vidori, a otobre del 2017 el xe stà ełeto Juri De Luca novo segratario de'l movimento.

El movimento el xe el promotor de ła "Risoluzione 44" (Risołusion 44) e del progetto di legge 342 (projeto de łexe 342) par l'indision de 'l referendum par l'independensa. IV ła ga sindisi e consejeri comunai ma gnancora rejonai.

IstòriaModìfega

El movimiento połidego Independensa Vèneta nase el 12 de majo del 2012. 'Ntel so primo congreso, a Trevixo, i vien ełeti Lodovico Pizzati cofà secretario, Luca Azzano Cantarutti cofà presidente e 'l presidente onorario Alessio Morosin.[2][3][4]

Campagna par el referendumModìfega

In sol che tre mexi Independensa Vèneta ła toe so pì de 20.000 firme (i gavea tacà a torłe so co i jera rento a Vèneto Stado) par far on referendum so l'independensa del Vèneto. El 22 de majo i porta łe firme al presidente del Vèneto Luca Zaia, che no se mostra masa interesà a portar vanti el projet.[5]

El 28 de agosto el presidente de ła Comision Eoropea, José Barroso, toe poxision so ła costion de łe nasion sensa stado e se dixe verto al parlar co IV par on referendum so l'aotodeterminasion del Vèneto.[6]

El 6 de otobre Independensa Vèneta organixa na manifestasion a Venesia, che co pì de domie parsone ła taca da ła fondamenta Santa Łusia e riva a ła fondamenta de ła Saude, par sostegner ła "Risołusion 44" (Risoluzione 44) so 'l dirit a l'independensa de 'l Popoło Vèneto. Rivai a 'l Consejo Rejonał de 'l Vèneto ghe xe stà ła consegna ofisiał de ła Risołusion 44[7]. El 17 de otobre 42 consejeri rexonai so 60 i fat ła domanda ofisiał par na discusion so ła costion, cusìta IV ła ga vuo l'atension tajana e internasionał.[8][9]

El 28 de novenbre vien votà ła resołusion, che canbia da "independensa" a "aotodeterminasion", pasa co 29 voti par el si, 2 par el no e 5 astensioni, i 14 consejeri de 'l PD i va fora da 'l Consejo prima de ła votasion cofà protesta contro el dirit de aotodeterminasion.[10]

El 12 de zenaro Independensa Vèneta porta pì de 50.000 firme, otignue in poco pì de do mexi, a Borsea e łe consegna a ła Comision Eoropea par el poxo a 'l referendum so l'autodeterminasion de 'l Vèneto.

RołiModìfega

Rołi de desModìfega

  • Primo Consejer deventà Portavoxe dal 2017: Michele Favero (2014–2016), Massimo Vidori (2016–2017), Juri De Luca (2017–des)
  • Vixe Portavoxe: Silvia Nizzetto (-des)
  • Primo Coordenador: Daniele Baratella (2014–2015), Nico Gaiani (2015–2017), Barbara Rossetto (2017–des)
  • Texorier: Cristiano Zanin (2012–2013), Pietro Bortolin (2013), Marco Zaninelli (2013–2014), Andrea Bisello (2014–2016), Mario Scapolo (2016–2017), Andrea Bisello (2017–present)

Rołi ghe no ghe xe pìModìfega

NotasionModìfega

Łigami forestiModìfega