Alvaro Vitali

Alvaro Vitali (Roma, 3 de febraro 1950), el ze un ator itałian

Biografia

Nato a Trastevere, inte'l cuor de Roma, Alvaro el ze de siera particołar, baso co ła dopia zbèsoła e co un volto comico; łe só orìzeni łigàe a ła tradision romana e "romanesca" e ła só sinpatìa łe formarà el só parsonazo che, co Lino Banfi, Renzo Montagnani e tanti altri, el caratarziarà ła comedia sexy tra i ani '70 ed '80. Spozà, separà, co un fìo, el vive a Roma co l'atuałe conpanja, ła cantante Stefania Corona.

El suceso

Co el gera oncora studente, co na pasion par el canto e el bało, el ze stà scoverto da Federico Fellini che durante un provìn el ze restà colpìo da l'aspirante ator e inte'l 1969 el ło ga fato ezordir inte'l sinema co na picołisima parte in Satyricon. El mestro rimineze drioman el ło ga vołesto ne I clowns (1971), Roma (1972 - dove el interpreta un bałarìn de tip tap d'avanspetacoło - e in Amarcord (1973).

Ła fama de Alvaro Vitali ła ze łigada a ła comedia erotica a l'italiana che par un pochi de ani ła ga costituìo un fenòmeno sinematogràfego comersiałe un mucio de rimàrco. Dopo aver interpretà La poliziotta co Mariangela Melato, Vitali el vien osarvà par na gag co ła pistòła (dove el zbałia sistemategamente onji colpo) da'l produtor Luciano Martino. Da cui Alvaro el taca łaorar co ła Dania film.

A partir da ła segonda metà dei ani setanta, Alvaro Vitali el ga intarpretà un gran nùmaro de film (veri e propi cult par i pasionà de'l zènare) 'conpanjando atori protagonisti cofà Lino Banfi e Renzo Montagnani, par po' pasàr a dei rołi de prima fiła intarprentando el parsonazo de Pierino, eroe popołar de łe barzełete, co Pierino contro tutti (1981) e Pierino colpisce ancora (1982), entranbi direti da Marino Girolami, e in Pierino medico della Saub (1981) de Giuliano Carnimeo. Segue na sorta de spin off de ła serie, overosìpia film dove Vitali el propone parsonaji simiłari, Gian Burrasca, Giggi il bullo, e Paulo Roberto Cotechiño centravanti di sfondamento.

El declino a'l sinema

Ła stajon de ła comedia erotica ła ga durà poco e co 'st'altra A ze finìa anca ła fortuna de l'ator; inte'l 1990 el tentativo de zlansarlo da novo co un ultarior film de ła serie Pierino torna a scuola, direto da Mariano Laurenti el se ga revełà infati un fałimento. Do sucesivi film Pierino Stecchino de'l 1992 e L'antenati tua e de Pierino de'l 1996 no i ze rivài njanca inte łe sałe, dopo aver perso na cauza co'l comico Martufello.

El rezlanso e ła tełevizion

Dopo un dezenio de conpleto dimenticatoio, ła fegura de Vitali ła ze stà rezlansà, scuazi sensa vołerlo, da Striscia la notizia dopo che, in un servisio che'l tołeva in ziro na "gaffe" de Jean Todt, A gera stà aconparà el diretor zeneral de ła Ferrari de cuel tenpo a'l parsonazo de Pierino, sotołinéandoghe na efetiva e divertente somegiansa fìzega. Co l'imitador Dario Ballantini el ga fato debutar ła só cargaùra de Luca Cordero di Montezemolo inte i só servisi, Antonio Ricci el gavea pensà propio de afiancarghe Vitali inte i pani de Todt, fasendoło tornar cusì so łe sène par el picoło schermo. Senpre inte łe gag de Striscia 'rénte a Ballantini, el ga imità parsonazi cofà ła mare de l'avocato Giulia Bongiorno e ła prensipesa Marina Ricolfi Doria de Savoia inte ła trazmision. El parsonajo de Pierino el ze stà utiłizà da'l 2004 fin vanti da Vitali pa'łe publisità de ła botega de forniménto Mas destinàe a'l sircuido de łe tv privàe de Roma e provinsia.

Inte'l 2006 el ga partesipà a ła tersa edision de'l reality La fattoria, ma daspò un puoco de setimane el ga dovesto zbandonar el reality show, par el fato che ghe gera recresùo l'azmo, małatìa che el ga senpre avùo.

Curiozità

• El primo tìbio de Alvaro Vitali el ze cueło de ełetrisista, mensonà propio da eło steso inte'l film Roma de Federico Fellini.
• El ze el soło ator ad èser stà scriturà cuatro volte consecutive da Federico Fellini.
• Inte'l film I Clowns el ze dopià.
• Inte'l film Che? de Roman Polanski, no'l parla. Inte el roło de un inbiancador el depenxe d'azuro na ganba de Sydne Rome.
• Par ani l'è stà testimonial de na publisità tełeviziva de gran magazen de Roma, trazmeso da łe prensipałe TV łocałe romane.
• L'ator el ze stimà ed apresà anca da critici autorevołi come Enrico Ghezzi.
• Alvaro Vitali el se senjała cofà bałarìn in Roma - anca se'l reseve un gato morto come omagio da un pùblego de teatro daseno malsestà - e in Gigi Bullo, e anca cofà acrobata in Pierino colpisce ancora inte un incontro de boxe un mucio comico.
• El ze un tifozo de ła Roma
• Alvaro Vitali el ze conparìo inte l'epizodio de Avanti un altro! de l'11 novenbre 2012.

Alvaro Vitali e i so "Pierini"

Existe do serie de "Pierini", ła serie uficiałe e ła serie apocrifa. Eco i titołi de entranbe łe serie interpretàe da Vitali e non :

Serie uficiałe:

• Pierino contro tutti, co Alvaro Vitali (1981)
• Pierino colpisce ancora, co Alvaro Vitali (1982)
• Pierino medico della Saub, co Alvaro Vitali (1981) - Inte el film Vitali se ciama Alvaro Gasperoni a difarensa del titoło che łasarìa inténder tut'altro
• Pierino torna a scuola, co Alvaro Vitali (1990)

Serie apocrifa:

• Pierino il fichissimo, co Maurizio Esposito (1981)
• Pierino la Peste alla riscossa, co Giorgio Ariani (1982)
• Che casino... co Pierino, co Roberto Gallozzi (1982)
• Quella peste di Pierina, co Marina Marfoglia (1982)

Questa xe una vera e pròpia serie parałeła a queła uficiałe interpretàda da Vitali. Xe stài sielti altri atori diversi da łù parché łe caxe sinematografeghe non gà vosùo spetàr che fenìse el contrato co ła Medusa Film. No ła xe gnancora finìa, inte i ani 90 s'a proà a rislansàr Pierino inte el panorama del sinema itałian co dei titołi che xe restài scriti soło so' łe pise dei film; no xe stài mai distribuìi inte i sìnema. Eco i titołi:

• Pierino Stecchino, co Alvaro Vitali (1992) - El film gera stà fenìo ma mai distribuìo.
• L'antenati tua e de Pierino, co Alvaro Vitali (1996) - Mai distribuìo. El xe un prodòto semi-amatoriałe, se dixe ch'el sia che sia sircołà soło che in Siciłia.

Filmografia

• Satyricon, non acredità, regia de Federico Fellini (1969)
• I clowns, regia de Federico Fellini (1971) (documentario TV)
• Che?, regia de Roman Polanski (1972)
• Meo Patacca, non acredità, regia de Marcello Ciorciolini (1972)
• Roma, non acredità, regia de Federico Fellini (1972)
• La Tosca, regia de Luigi Magni (1973)
• Amarcord, regia de Federico Fellini (1973)
• Polvere di stelle, non acredità, regia de Alberto Sordi (1973)
• Rugantino, non acredità, regia de Pasquale Festa Campanile (1973)
• Anche gli angeli mangiano fagioli, non accreditato, regia di E.B. Clucher
• Mordi e fuggi, non acredità, regia de Dino Risi (1973)
• Partirono preti tornarono... curati, regia de Stelvio Massi (1973)
• Il colonnello Buttiglione diventa generale, non acredità, regia de Mino Guerrini (1973)
• 4 marmittoni alle grandi manovre, non acredità, regia de Marino Girolami (1974)
• Romanzo popolare, regia de Mario Monicelli (1974)
• Profumo di donna, regia de Dino Risi (1974)
• La poliziotta, regia de Steno (1974)
• L'arbitro, non acredità, regia de Luigi Filippo D'Amico (1974)
• La liceale, regia de Michele Massimo Tarantini (1975)
• L'insegnante, regia de Nando Cicero (1975)
• La poliziotta fa carriera, regia de Michele Massimo Tarantini (1975)
• Il tempo degli assassini, regia de Marcello Andrei (1975)
• Frankenstein all'italiana, regia de Armando Crispino (1975)
• Due cuori, una cappella, regia de Maurizio Lucidi (1975)
• La pupa del gangster, regia de Giorgio Capitani (1975)
• Malia, vergine e di nome Maria, regia de Sergio Nasca (1975)
• La dottoressa sotto il lenzuolo, regia de Gianni Martucci (1976)
• Spogliamoci così, senza pudor, regia de Sergio Martino (1976)
• La segretaria privata di mio padre, regia de Mariano Laurenti (1976)
• Classe mista, regia de Mariano Laurenti (1976)
• La dottoressa del distretto militare, regia de Nando Cicero (1976)
• Telefoni bianchi, regia de Dino Risi (1976)
• La professoressa di scienze naturali, regia de Michele Massimo Tarantini (1976)
• La vergine, il toro e il capricorno, regia de Luciano Martino (1977)
• Taxi Girl, regia de Michele Massimo Tarantini (1977)
• La compagna di banco, regia de Mariano Laurenti (1977)
• Uomini si nasce poliziotti si muore, regia de Ruggero Deodato (1977)
• Par amore di Poppea, regia de Mariano Laurenti (1977)
• La soldatessa alla visita militare, regia de Nando Cicero (1977)
• L'insegnante balla... co tutta la classe, regia de Giuliano Carnimeo (1978)
• La soldatessa alle grandi manovre, regia de Nando Cicero (1978)
• L'insegnante va in collegio, regia di Mariano Laurenti (1978)
• Scherzi da prete, regia de Pier Francesco Pingitore (1978)
• Dove vai se il vizietto non ce l'hai?, regia de Marino Girolami (1979)
• La liceale, il diavolo e l'acquasanta, regia de Nando Cicero (1979)
• La liceale nella classe dei ripetenti, regia de Mariano Laurenti (1979)
• L'insegnante viene a casa, regia de Michele Massimo Tarantini (1979)
• La liceale seduce i professori, regia de Mariano Laurenti (1979)
• L'insegnante al mare co tutta la classe, regia de Michele Massimo Tarantini (1979)
• L'infermiera di notte, regia de Mariano Laurenti (1979)
• Cocco mio, regia de Jean-Pierre Rawson (1979)
• La poliziotta della squadra del buon costume, regia de Michele Massimo Tarantini (1979)
• La ripetente fa l'occhietto al preside, regia de Mariano Laurenti (1980)
• L'infermiera nella corsia dei militari, regia de Mariano Laurenti (1980)
• La dottoressa ci sta col colonnello, regia de Michele Massimo Tarantini (1980)
• La liceale al mare co l'amica di papà, regia de Marino Girolami (1980)
• Pierino contro tutti, regia de Marino Girolami (1981)
• Pierino medico della Saub, regia de Giuliano Carnimeo (1981)
• L'onorevole co l'amante sotto il letto, regia de Mariano Laurenti (1981)
• La poliziotta a New York, regia de Michele Massimo Tarantini (1981)
• La dottoressa preferisce i marinai, regia de Michele Massimo Tarantini (1981)
• Pierino colpisce ancora, regia de Marino Girolami (1982)
• Il tifoso, l'arbitro e il calciatore, regia de Pier Francesco Pingitore (1982)
• Giggi il bullo, regia de Marino Girolami (1982)
• Gian Burrasca, regia de Pier Francesco Pingitore (1982)
• Paulo Roberto Cotechiño centravanti di sfondamento, regia de Nando Cicero (1983)
• Zanzibar, episodio La vedova, regia de Marco Mattolini (1986) (miniserie TV)
• Festa di Capodanno, regia de Piero Schivazappa (1988)
• Mortacci, regia de Sergio Citti (1989)
• Pierino torna a scuola, regia de Mariano Laurenti (1990)
• Pierino Stecchino (1992), non distribuìo
• Club vacanze, regia de Alfonso Brescia (1995)
• S.P.Q.R., epixodio Fantasmi a Roma, regia de Claudio Risi (1998) (miniserie TV)
• Se lo fai sono guai, regia de Michele Massimo Tarantini (2001)
• Cinecittà, regia de Alberto Manni (2003) (miniserie TV)
• Ladri di barzellette, regia de Bruno Colella e Leonardo Giuliano (2004)
• Domani ze un'altra truffa, regia de Pier Francesco Pingitore (2006) (film TV)
• Impotenti esistenziali, regia de Giuseppe Cirillo (2009)
• Vacanze a Gallipoli, regia de Tony Greco (2011)

Linganbi foresti

• Alvaro VitaliLast.fm, CBS Interactive.
• (EN) Alvaro VitaliDiscogs, Zink Media.
• (EN) Alvaro VitaliMusicBrainz, MetaBrainz Foundation.
• (EN) Alvaro Vitaligenius.com.
• Alvaro VitaliCineDataBase, Rivista del cinematografo.
• Alvaro VitaliMYmovies.it, Mo-Net Srl.
• Alvaro VitaliMovieplayer.it.
• Alvaro VitaliFilmTv.it, Arnoldo Mondadori Editore.
• (EN) Alvaro VitaliInternet Movie Database, IMDb.com.
• (EN) Alvaro VitaliAllMovie, All Media Network.
• (EN) Alvaro VitaliRotten Tomatoes, Flixster Inc.

Scheda su Alvaro Vitali de l'Internet Movie Database

Altri progetti

• Wikimedia Commons

• Wikimedia Commons el detien imàjini o altri file so Alvaro Vitali