Anna Falchi

Anna Falchi, a l'anagrafe Anna Kristiina Palomäki Falchi (Tampere, 22 de avril 1972), ła ze na atora, condutora tełeviziva ed ex modeła itałiana co sitadinansa finlandeza, considerada un sex symbol dei ani 1990 e 2000.

Anna Falchi

Biografia
Nasimènto	(it) Anna Kristiina Falchi 22 de apriłe del 1972 (52 ani) Tampere (Finlàndia)
Dati personałi
Altura	178 cm
Cołor dei oci	Blu-verde (it) e cełeste
Cołor de caveji	Cavejo biondo
Atività
Ocupasion	modeło, cantante, ator, prexentador de tełevixion, ator de tełevixion
Instrumento muzicałe	Voze
Sito web	annafalchi.it →

Biografia

Cariera

Nasùa a Tampere, in Finlandia, el 22 de avril 1972 da mare finlandeze, Kaarina Palomäki Sisko, de profesion indosadora, e pare itałian, Benito Falchi, a l'età de 6 ani ła se ga trasferìo in Itałia: ła ga vivesto dieze ani a Scandiano, par po' trasferirse a Pesaro. Ła ga scumisià ła só cariera inte'l mondo de'l spetacoło clasifégandose segonda a Miss Italia 1989, indove ła ga vinsesto el titoło de Miss Cinema. Dopo aver intraprendesto ła cariera de modeła, inte'l 1992 ła ze stà sielta come testimonial publicitaria de ła Banca de Roma inte'l spot tełevizivo Il sogno, direto da Federico Fellini, inte'l cuało ła ga resità a'l fianco de Paolo Villaggio.

Inte'l 1993 ła ze conparìa darente a Raf inte'l videoclip de ła só canson Due. Ciò el ga dazesto inpulso a ła só cariera sinematogràfega, che ła ze partìa senpre inte'l 1993 co'l film Inte el continente nero de Marco Risi, in cui ła ga resità a fianco de Diego Abatantuono. Inte'l 1994 ła ze aparìa inte'l C'è Kim Novak al telefono, de Enrico Roseo, insieme co Sylva Koscina. Senpre inte'l 1994 ła ze stà sielta da Carlo Vanzina par el só S.P.Q.R. - 2000 e ½ anni fa, in cui ła ga interpretà na manbrùca da'l soranome de Poppea. Ancora inte'l 1994 ła ga interpretà un roło da protagonista, insieme a l'ator ingleze Rupert Everett, inte'l film Dellamorte Dellamore, de Michele Soavi, anbientà in Itałia, che'l conta łe visende de'l guardian de un simitero, Francesco Dellamorte, che'l se inbate in situasion anomałe. A desenbre de'l 1994 ła vedemo protagonista inte ła miniserie tv Desideria e l’anello del Drago di Lamberto Bava. El steso rezista el ła selie par intarpretar inte'l 1997 Mirabella in La Principessa e il Povero e Livia in Caraibi, sfortunada serie in 4 pontade.

L'isteso ano el ga decretà ła definitiva consacrasion a modeła, grasie a łe sfiłade romane de ła stiłista Chiara Boni. Drioman ła ga ciapà parte ai film Palla di neve de Maurizio Nichetti (1995), Celluloide de Carlo Lizzani e Giovani e belli de Dino Risi (entranbi del 1996). In tełevizion ła ga conduzesto el Festival de Sanremo 1995 co Pippo Baudo e Claudia Koll. Senpre in cheł'ano ła ga insidesto el disco dance Pium Paum (Vipula Vapula). Inte'l 1996 ła ze stada intrà i condutori de'l quiz preserałe de Rai 1 Luna Park.

A ła fin dei ani Novanta, inazonta a interpretar el roło de se stesa in Paparazzi e Body Guards - Guardie del corpo, ła ga aumentà ła só prezensa in tełevizion, deventando ospite de numarozi programi. Inte'l 1997 ła ga fato da comàre a ła 40ª edision de'l Zecchino d'Oro (roło che ła ripetarà inte l'edision 2006). Ła ga conduzesto anca l'edision 1998-1999 de Domenica in co Giancarlo Magalli e Tullio Solenghi. Ła ze stada protagonisa de numarozi całendari, anca auto-produzesti, inte i cuałi ła ga puzà nùa, e che i zera stà sponsorizài e difondesti prima da'l mensiłe Max e drioman da Maxim.

Inte'l 2000 ła ze stada ła comàre de ła festa scudeto de ła Lazio, scuadra de ła cuała ła ze tifoza. Inte l'isteso ano ła ga debutà in teatro co Se devi dire una bugia, dilla grossa, a cui ga seguìo łe tournée La Venexiana (2003), A piedi nudi nel parco (2004) e Notting Hill (2007). Inte'l 2001, intervistada inte ła trazmision Satyricon, ła se ga cavà łe mudandine de piso rose e ła łe ga dàe in dono a'l condutor Daniele Luttazzi, che'l łe ga znazàe estazià. Inte'l 2002 ła ze tornada a'l sinema interpretando Operazione Rosmarino, che drioman el ze stà sevità da Nessun messaggio in segreteria (2005).

Da'l 2005 ła ze anca produtora sinematogràfega: co'l fradeło Sauro ła ga fondà ła sosietà "A-Movies Production" spesiałizandose inte'l film d'autor e independente. Da marso 2007 ła cołabora co Tiscali Notizie, ła testada zornałìstega de'l portałe Tiscali, indove ła scrive de critica sinematogràfega. Senpre inte'l 2007 ła torna so'l picoło schermo inte ła fiction tełeviziva Piper, so Canale 5, e ła ze tra i concorenti de ła cuarta edision de'l talent-show de Rai 1, Ballando con le stelle, indove ła se clasifega segonda co'l partner Stefano Di Filippo. Inte'l 2008 ła ze tornada a'l sinema, da novo inte ła comedia a l'itałiana co L'allenatore inte el pallone 2 ed Un'estate al mare.

Senpre inte'l 2008 Anna Falchi ła ze stada nomenada diretora artìstega de ła New York Film Academy a ła sede de Cinecittà. Inte ła stazon 2008-2009 ła ga debutà come condutora radiofònega darente a Pierluigi Diaco inte'l progrmma Onorevole DJ, talk show noturno de RTL 102.5, trazmeso in contenporanea anca in tełevizion so RTL 102.5 TV, e ła ga conduzesto co Ale e Franz el programa Buona la prima!. Da'l 21 de setenbre 2009 ła ga condzxesto in prima serada so Rai 1 el varietà Da Nord a Sud... e ho detto tutto!, a fianco de Vincenzo Salemme. A ła fine de'l 2009 ła ga partesipà cofà atora ai film L'uomo nero de e co Sergio Rubini e Ce n'è par tutti, de'l cuało ła ze sta anca co-produtora.

Inte'l 2011 ła ze stada da novo prezente a'l sinema inte'l film de Ezio Greggio Box Office 3D - Il film dei film. Inte'l 2013 ła ga partesipà a'l programa Jump! Stasera mi tuffo, conduzesto da Teo Mammucari, rivando cuarta. In 'sti ani ła ze inazonta produtor de difarenti film da sinema: Appartamento ad Atene, E la chiamano estate, Good As You - Tutti i colori dell'amore, Amaro amore e Come il vento.

Inte i ani drioman ła prezenta alguni programi par redi minori: inte łe stazon tełevizive 2013-2014 e 2014-2015 ła conduze darente a'l zornałista Massimo De Luca ła trazmision sportiva Number Two so l'emitente napołetana Canale 34; inte'l 2015 ła conduze el programa Wedding Fashion World, in onda so'l canałe de Sky La sposa TV. Par el steso canałe, rinominà Donna & Sposa, inte l'autun de'l 2016 ła conduze ła trazmision Sei donna. Inte ła stazon 2018-2019 ła conduze so Telenorba el programa cułinario Anna e i suoi fornelli.

Da'l 29 de zunjo 2020 ła torna in Rai, indove ła conduze insembre a Beppe Convertini C'è tempo per..., programa spin-off estivo de Unomattina Estate, in onda onji matina so Rai 1 da'l łuni a'l vènare.

Vita privada

Anna Falchi inte'l 2008.

Da'l 1994 a'l 1996 ła ze stada łigada a Fiorello, mentre a ła fine dei ani novanta ła ze stada łigada a Max Biaggi.

Inte'l 2005 ła se ga spozà a l'Argentario co na sarimonia scuarsoza de rimarco nasionałe co l'inpreditor e finansier roman Stefano Ricucci, da'l cuało ła se ga separà un ano drioman.

Da'l 2008 a'l 2010 ła ze stada łigada a l'inprenditor romanjoło Denny Montesi, co ła ga avesto na fia de nome Alyssa nasesta inte'l 2010.

Da'l 2012 ła ze łigada a l'avocato, zornałista e autor tełevizivo, nonché deputà de Forza Italia, Andrea Ruggieri, nevodo de'l zornałista Bruno Vespa.

Filmografia

Atora

Sinema

• Inte el continente nero, regia de Marco Risi (1993)
• Anni 90 - Parte II, regia de Enrico Oldoini (1993)
• S.P.Q.R. - 2000 e ½ anni fa, regia de Carlo Vanzina (1994)
• Miracolo italiano, regia de Enrico Oldoini (1994)
• C'è Kim Novak al telefono, regia de Riki Roseo (1994)
• Dellamorte Dellamore, regia de Michele Soavi (1994)
• L'affaire, regia de Sergio Gobbi (1994)
• Palla di neve, regia de Maurizio Nichetti (1995)
• Celluloide, regia de Carlo Lizzani (1995)
• Giovani e belli, regia de Dino Risi (1996)
• Paparazzi, regia de Neri Parenti (1998)
• Body Guards - Guardie del corpo, regia de Neri Parenti (2000)
• Operazione Rosmarino, regia de Alessandra Populin (2001)
• Nessun messaggio in segreteria, regia de Paolo Genovese e Luca Miniero (2005)
• Bambini, regia de Alessio Maria Federici, Peter Marcias, Andrea Burrafato, Michele Rho e Devor De Pascalis (2006)
• L'allenatore inte el pallone 2, regia de Sergio Martino (2008)
• Un'estate al mare, regia de Carlo Vanzina (2008)
• Ce n'è par tutti, regia de Luciano Melchionna (2009)
• L'uomo nero, regia de Sergio Rubini (2009)
• Box Office 3D - Il film dei film, regia de Ezio Greggio (2011)
• I corvi, regia de Marco Limberti – cortometraggio (2012)
• Milionari, regia de Alessandro Piva (2014) - Cameo
• Silent Night, regia de Luca Fortino – cortometraggio (2015)
• The Tracker, regia de Giorgio Serafini (2019)

Tełevixion

• Casa Vianello – sitcom, 5 epixodi (1993)
• Desideria e l'anello del drago, regia de Lamberto Bava – miniserie TV (1994)
• Gli eredi (Les héritiers), regia de Joseé Dayan - film TV (1997)
• La principessa e il povero, regia de Lamberto Bava – miniserie TV (1997)
• Caraibi, regia de Lamberto Bava – miniserie TV (1998)
• La casa delle beffe, regia di Pier Francesco Pingitore – miniserie TV (2000)
• Gli occhi dell'amore, regia de Giulio Base (2005)
• Piper (film Tv)regia Carlo Vanzina(2005)
• Piper-la serie , regia de Francesco Vicario – miniserie TV (2009)

Videoclip

• Due de Raf (1993)
• Due bandiere al vento de Salvo Castagna (2013)
• Dylan Dog degli Stil Novo feat. Federico Poggipollini (2015)
• Devi credere in te de Marco Santilli (2017)

Produtora

• Nessun messaggio in segreteria, regia de Paolo Genovese (2005)
• Ce n'è par tutti, regia de Luciano Melchionna (2009)
• Due vite par caso, regia de Alessandro Aronadio (2010)
• Appartamento ad Atene, regia de Ruggero Dipaola (2012)
• E la chiamano estate, regia de Paolo Franchi (2012)
• Good As You - Tutti i colori dell'amore, regia de Mariano Lamberti (2012)
• Amaro amore, regia de Francesco Henderson Pepe (2013)
• Come il vento, regia de Marco Simon Puccioni (2013)

Programi tełevizivi

• Miss Italia (Rai 1, 1989) Concorente
• 45º Festival di Sanremo (Rai 1, 1995) Co-condutora
• Papaveri e papere (Rai 1, 1995) 2ª pontada
• Modamare a Positano (Canale 5, 1996)
• Donna sotto le stelle (Canale 5, 1996)
• Luna Park (Rai 1, 1996-1997)
• Le torri della Zingara (Rai 1, 1996-1997)
• Bentornato Luna Park (Rai 1, 1996)
• Stelle a quattro zampe (Canale 5, 1997)
• Quaranta Zecchini d'Oro (Rai 1, 1997)
• Zecchino d'Oro (Rai 1, 1997, 2006)
• Sanremo magica (Rai 1, 1998)
• Tai-Tanic (Rai 2, 1998)
• Italiani in vacanza (Italia 1, 1998)
• Domenica in (Rai 1, 1998-1999)
• Premio Barocco (Rai 1, 1999, 2006, 2011)
• Premio Regia Televisiva (Rai 1, 2000)
• Una notte di fiaba (Rai 1, 2001)
• Danger Zone (Sky Cinema Max, 2006)
• Ballando con le stelle 4 (Rai 1, 2007) Concorrente
• Onorevole DJ (RTL 102.5 TV, 2008-2009)
• Buona la prima! (Italia 1, 2009)
• Una notte par Caruso (Rai 1, 2009)
• Da Nord a Sud... e ho detto tutto! (Rai 1, 2009)
• Superbrain - Le supermenti (Rai 1, 2012-2013) Opinionista
• Jump! Stasera mi tuffo (Canale 5, 2013) Concorente
• Number Two (Canale 34, 2013-2015)
• Wedding Fashion World (La Sposa TV, 2015-2016)
• Sei donna (Donne & Sposa, 2016)
• Anna e i suoi fornelli (Telenorba, 2018-2019)
• C'è tempo per... (Rai 1, 2020)
• Oggi ze un altro dì (Rai 1, 2020) - ospite ricorente

Teatro

• Se devi dire una bugia dilla grossa, di Ray Cooney, regia de Pietro Garinei (2000)
• La Venexiana, de Anonimo Veneziano del Sincuesento, regia de Fernando Balestra (2003)
• A piedi nudi inte el parco, de Neil Simon, regia de Gianluca Guidi (2004)
• Notting Hill, traxesto da l'omonemo film, regia de Massimo Natale (2007)
• La banda degli onesti, traxesto da l'omonimo film, regia de Gaetano Liguori (2017)

Discografia

Sìngołi

• 1995 - Pium Paum (Vipula Vapula)

Radio

• Onorevole DJ (RTL 102.5, 2008-2009)

Altri projeti

Altri progetti

• Wikimedia Commons

• Wikimedia Commons el detien imàjini o altri file so Anna Falchi
• el detien schemi gràfeghi so

Linganbi foresti

• Sito ufisałeannafalchi.it (archivià dal URL orizenałe il 9 de aprile 2019).
• (EN) Anna FalchiFashion Model Directory, Fashion One Group.
• (EN) Anna FalchiDiscogs, Zink Media.
• Anna FalchiCineDataBase, Rivista del cinematografo.
• Anna FalchiMYmovies.it, Mo-Net Srl.
• Anna FalchiMovieplayer.it.
• Anna FalchiFilmTv.it, Arnoldo Mondadori Editore.
• (EN) Anna FalchiInternet Movie Database, IMDb.com.
• (EN) Anna FalchiAllMovie, All Media Network.
• (EN) Anna FalchiRotten Tomatoes, Flixster Inc.
• (EN) Anna FalchiMetacritic, CBS Interactive Inc.
• (EN) Anna FalchiBFI Film & TV Database, British Film Institute.