Anna Falchi



Anna Falchi, a l'anagrafe Anna Kristiina Palomäki Falchi (Tampere, 22 de avril 1972), ła ze na atora, condutora tełeviziva ed ex modeła itałiana co sitadinansa finlandeza, considerada un sex symbol dei ani 1990 e 2000.

Infotaula de personaAnna Falchi

Cànbia el vałor in Wikidata
Biografia
Nasimènto(it) Anna Kristiina Falchi Cànbia el vałor in Wikidata
Eror Lua: callParserFunction: function "

[[Categoria" was not found.

(51 ani)
Tampere (Finlàndia) Cànbia el vałor in Wikidata
Dati personałi
Altura178 cm Cànbia el vałor in Wikidata
Cołor dei ociBlu-verde (it) Traduzi e cełeste Cànbia el vałor in Wikidata
Cołor de cavejiCavejo biondo Cànbia el vałor in Wikidata
Atività
Ocupasion
Eror Lua: callParserFunction: function "

[[Categoria" was not found.

Instrumento muxegałeVoze Cànbia el vałor in Wikidata

Sito webannafalchi.it →  Cànbia el vałor in Wikidata
IMDB: nm0001197


Allocine: 18257

Rottentomatoes: celebrity/anna_falchi


Allmovie: p195876

TCM: 339986
Metacritic: person/anna-falchi





Facebook place: anna.falchi.790
Twitter: 1annafalchi
Instagram: annafalchi22















Spotify: 1vDdrzIDP3PpH3hhUmDiM4






Discogs: 433634

















Biografia canbia

Cariera canbia

Nasùa a Tampere, in Finlandia, el 22 de avril 1972 da mare finlandeze, Kaarina Palomäki Sisko, de profesion indosadora, e pare itałian, Benito Falchi, a l'età de 6 ani ła se ga trasferìo in Itałia: ła ga vivesto dieze ani a Scandiano, par po' trasferirse a Pesaro. Ła ga scumisià ła só cariera inte'l mondo de'l spetacoło clasifégandose segonda a Miss Italia 1989, indove ła ga vinsesto el titoło de Miss Cinema. Dopo aver intraprendesto ła cariera de modeła, inte'l 1992 ła ze stà sielta come testimonial publicitaria de ła Banca de Roma inte'l spot tełevizivo Il sogno, direto da Federico Fellini, inte'l cuało ła ga resità a'l fianco de Paolo Villaggio.

Inte'l 1993 ła ze conparìa darente a Raf inte'l videoclip de ła só canson Due. Ciò el ga dazesto inpulso a ła só cariera sinematogràfega, che ła ze partìa senpre inte'l 1993 co'l film Inte el continente nero de Marco Risi, in cui ła ga resità a fianco de Diego Abatantuono. Inte'l 1994 ła ze aparìa inte'l C'è Kim Novak al telefono, de Enrico Roseo, insieme co Sylva Koscina. Senpre inte'l 1994 ła ze stà sielta da Carlo Vanzina par el só S.P.Q.R. - 2000 e ½ anni fa, in cui ła ga interpretà na manbrùca da'l soranome de Poppea. Ancora inte'l 1994 ła ga interpretà un roło da protagonista, insieme a l'ator ingleze Rupert Everett, inte'l film Dellamorte Dellamore, de Michele Soavi, anbientà in Itałia, che'l conta łe visende de'l guardian de un simitero, Francesco Dellamorte, che'l se inbate in situasion anomałe. A desenbre de'l 1994 ła vedemo protagonista inte ła miniserie tv Desideria e l’anello del Drago di Lamberto Bava. El steso rezista el ła selie par intarpretar inte'l 1997 Mirabella in La Principessa e il Povero e Livia in Caraibi, sfortunada serie in 4 pontade.

L'isteso ano el ga decretà ła definitiva consacrasion a modeła, grasie a łe sfiłade romane de ła stiłista Chiara Boni. Drioman ła ga ciapà parte ai film Palla di neve de Maurizio Nichetti (1995), Celluloide de Carlo Lizzani e Giovani e belli de Dino Risi (entranbi del 1996). In tełevizion ła ga conduzesto el Festival de Sanremo 1995 co Pippo Baudo e Claudia Koll. Senpre in cheł'ano ła ga insidesto el disco dance Pium Paum (Vipula Vapula). Inte'l 1996 ła ze stada intrà i condutori de'l quiz preserałe de Rai 1 Luna Park.

A ła fin dei ani Novanta, inazonta a interpretar el roło de se stesa in Paparazzi e Body Guards - Guardie del corpo, ła ga aumentà ła só prezensa in tełevizion, deventando ospite de numarozi programi. Inte'l 1997 ła ga fato da comàre a ła 40ª edision de'l Zecchino d'Oro (roło che ła ripetarà inte l'edision 2006). Ła ga conduzesto anca l'edision 1998-1999 de Domenica in co Giancarlo Magalli e Tullio Solenghi. Ła ze stada protagonisa de numarozi całendari, anca auto-produzesti, inte i cuałi ła ga puzà nùa, e che i zera stà sponsorizài e difondesti prima da'l mensiłe Max e drioman da Maxim.

Inte'l 2000 ła ze stada ła comàre de ła festa scudeto de ła Lazio, scuadra de ła cuała ła ze tifoza. Inte l'isteso ano ła ga debutà in teatro co Se devi dire una bugia, dilla grossa, a cui ga seguìo łe tournée La Venexiana (2003), A piedi nudi nel parco (2004) e Notting Hill (2007). Inte'l 2001, intervistada inte ła trazmision Satyricon, ła se ga cavà łe mudandine de piso rose e ła łe ga dàe in dono a'l condutor Daniele Luttazzi, che'l łe ga znazàe estazià. Inte'l 2002 ła ze tornada a'l sinema interpretando Operazione Rosmarino, che drioman el ze stà sevità da Nessun messaggio in segreteria (2005).

Da'l 2005 ła ze anca produtora sinematogràfega: co'l fradeło Sauro ła ga fondà ła sosietà "A-Movies Production" spesiałizandose inte'l film d'autor e independente. Da marso 2007 ła cołabora co Tiscali Notizie, ła testada zornałìstega de'l portałe Tiscali, indove ła scrive de critica sinematogràfega. Senpre inte'l 2007 ła torna so'l picoło schermo inte ła fiction tełeviziva Piper, so Canale 5, e ła ze tra i concorenti de ła cuarta edision de'l talent-show de Rai 1, Ballando con le stelle, indove ła se clasifega segonda co'l partner Stefano Di Filippo. Inte'l 2008 ła ze tornada a'l sinema, da novo inte ła comedia a l'itałiana co L'allenatore inte el pallone 2 ed Un'estate al mare.

Senpre inte'l 2008 Anna Falchi ła ze stada nomenada diretora artìstega de ła New York Film Academy a ła sede de Cinecittà. Inte ła stazon 2008-2009 ła ga debutà come condutora radiofònega darente a Pierluigi Diaco inte'l progrmma Onorevole DJ, talk show noturno de RTL 102.5, trazmeso in contenporanea anca in tełevizion so RTL 102.5 TV, e ła ga conduzesto co Ale e Franz el programa Buona la prima!. Da'l 21 de setenbre 2009 ła ga condzxesto in prima serada so Rai 1 el varietà Da Nord a Sud... e ho detto tutto!, a fianco de Vincenzo Salemme. A ła fine de'l 2009 ła ga partesipà cofà atora ai film L'uomo nero de e co Sergio Rubini e Ce n'è par tutti, de'l cuało ła ze sta anca co-produtora.

Inte'l 2011 ła ze stada da novo prezente a'l sinema inte'l film de Ezio Greggio Box Office 3D - Il film dei film. Inte'l 2013 ła ga partesipà a'l programa Jump! Stasera mi tuffo, conduzesto da Teo Mammucari, rivando cuarta. In 'sti ani ła ze inazonta produtor de difarenti film da sinema: Appartamento ad Atene, E la chiamano estate, Good As You - Tutti i colori dell'amore, Amaro amore e Come il vento.

Inte i ani drioman ła prezenta alguni programi par redi minori: inte łe stazon tełevizive 2013-2014 e 2014-2015 ła conduze darente a'l zornałista Massimo De Luca ła trazmision sportiva Number Two so l'emitente napołetana Canale 34; inte'l 2015 ła conduze el programa Wedding Fashion World, in onda so'l canałe de Sky La sposa TV. Par el steso canałe, rinominà Donna & Sposa, inte l'autun de'l 2016 ła conduze ła trazmision Sei donna. Inte ła stazon 2018-2019 ła conduze so Telenorba el programa cułinario Anna e i suoi fornelli.

Da'l 29 de zunjo 2020 ła torna in Rai, indove ła conduze insembre a Beppe Convertini C'è tempo per..., programa spin-off estivo de Unomattina Estate, in onda onji matina so Rai 1 da'l łuni a'l vènare[1].

Vita privada canbia

 
Anna Falchi inte'l 2008.

Da'l 1994 a'l 1996 ła ze stada łigada a Fiorello, mentre a ła fine dei ani novanta ła ze stada łigada a Max Biaggi.

Inte'l 2005 ła se ga spozà a l'Argentario co na sarimonia scuarsoza de rimarco nasionałe co l'inpreditor e finansier roman Stefano Ricucci, da'l cuało ła se ga separà un ano drioman.[2][3]

Da'l 2008 a'l 2010 ła ze stada łigada a l'inprenditor romanjoło Denny Montesi, co ła ga avesto na fia de nome Alyssa nasesta inte'l 2010.

Da'l 2012 ła ze łigada a l'avocato, zornałista e autor tełevizivo, nonché deputà de Forza Italia, Andrea Ruggieri, nevodo de'l zornałista Bruno Vespa.

Filmografia canbia

Atora canbia

Sinema canbia

Tełevixion canbia

Videoclip canbia

  • Due de Raf (1993)
  • Due bandiere al vento de Salvo Castagna (2013)
  • Dylan Dog degli Stil Novo feat. Federico Poggipollini (2015)
  • Devi credere in te de Marco Santilli (2017)

Produtora canbia

Programi tełevizivi canbia

Teatro canbia

Discografia canbia

Sìngołi canbia

  • 1995 - Pium Paum (Vipula Vapula)

Radio canbia

Notasion canbia

  1. "C'è tempo per…" il nuovo programma di Rai1 dedicato agli anzianiUfficio Stampa Rai, 29 zugno 2020.
  2. Crac Ricucci, Villa Feltrinelli va all'astaroma.corriere.it. entrada il 26 agosto 2020.
  3. La maledizione di Villa Feltrinelli dopo anni nessun compratore/firenze.repubblica.it. entrada il 26 agosto 2020.

Altri projeti canbia


Linganbi foresti canbia



Controło de autoritàVIAF (EN17177012 · ISNI (EN0000 0001 1438 7873 · El vałore RAVV097311 de SBN no el xe mija bon. · LCCN (ENnr2005001840 · GND (DE1076228275 · BNF (FRcb14176149d (data) · BNE (ESXX5483189 (data) · NLA (EN41025587 · WorldCat Identities (ENnr2005-001840
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Anna_Falchi&oldid=1160490"