Raf el cui nome vero xe Raffaello Riefoli (Margherita de Savoia 29 setenbre 1959, xe un cantante itałian.

Raf
Nome veroRaffaele Riefoli
Raffaele Riefoli.jpg
Nasesto/a29 de setenbre 1959 Margherita di Savoia
In atività dal1977
Xènaro muxicałeEłetropop, Rock, Pop Rap
Eticheta discografegaColumbia Records Sony Music
Instrumento/ivoxe - chitara
Atività prinsipałecantante
Discografia
Albun17
Stùdio11
En vivo1
Racolte3
Sito webhttp://www.raf.it/
IMDB: nm1488079
Twitter: rafriefoli Musicbrainz: c3437825-f871-4754-acc7-fd1556636e13 Songkick: 519767 Discogs: 599002 Allmusic: mn0000856075

BiografiaModìfega

I primi pasiModìfega

Fin da bòcia el mostra de aver 'na granda pasion par la muxica. Durante łe stagion estive dei primi ani setanta, tute łe sere no manca l'ascolto de ła musicà sonà dal grupo "The Friends", na formasion locałe un mucio conosùa a quel tenpo, sia a Margherita de Savoia, sia in altre sità łimitrofe del barexe e del fogian.

A 17 ani el se trasferise a Firense par studiàr architetura, par po' rivàr a Londra, indove el fonda, co' Ghigo Renzulli, futuro chitarista dei Litfiba, un grupo rock/punck, i Cafè Caracas, co' i quałi el insìde 'na cover de Mina Tintarella di Luna, 'na canson che i londinexi no conoseva. El laora cofà camarièr tutofàr, e se mantien coi so sparàgni. Un xorno el se càta co' Giancarlo Bigazzi, co'l quałe el forma un sodałisio che ghe vałe i primi ani de ła so carièra. Tornà a Firense ne l'era capitałe de ła New Wave itałiana, Raf trae dal so bagàgio de esperiensa tuto el materiałe necesario par far nasèr un novo progeto muxicałe. Da quei fogi scriti de so pugno, nase Self Control, el so primo suceso discografego, cantà in lengua inglexe cofà el albun d'exordio, a cui seguirà 'na longa carièra de canson cantàe marelengua.

Co'l nome de Raf, donca, el taca ła so carièra 'ntel 1983 insidendo altri singołi de suceso trati da Self Control sarà: Change your mind; London Town; Hard. Senpre in quel'ano el se mete a scrivare co' Bigazzi il principe par Claudia Mori che vegnarà utiłixà cofà sigla de saràda del programa tv Hit Parade.

Cronołogia sucesiModìfega

'Ntel 1983 el porta al suceso Self Control, brano pop-rock che subito monta 'nte łe clasifeghe itałiane, grasie anca a 'na version de ła 'mericana Laura Branigan. Altri singołi trati dal so primo albun xe Change your mind e London Town. 'Ntel 1987, el scrive el testo Si può dare di più che vinse el Festival de Sanremo. 'Ntel steso ano, el riva terso a l'Eurovision Song Contest in cubia co' Umberto Tozzi co' Gente di mare, che raprexenta el so debuto in lengua itałiana.

'Ntel 1988 el partesìpa par la prima volta al Festival de Sanremo co' Inevitabile follia, dopo el quało el publica l'albun Svegliarsi un anno fa, el cui brano de baxe par la staxon estiva xe scrito da Gaetano Curreri, Il sapore di un bacio. L'ano drìo el torna a Sanremo co' Cosa resterà degli anni '80, incluxa ne l'albun Cosa resterà... che contien anca Ti pretendo, canson che ghe fa vinsèr el Festivalbar.

'Ntel 1991, ancora a Sanremo, el prexenta Oggi un dio non ho, e segue po' l'albun Sogni... è tutto quello che c'è, che contien altri sucesi: Interminatamente (publicà cofà singoło prima del Festival) e Siamo soli nell'immenso vuoto che c'è. In sto disco ghe xe anca 'na canson cantàda co' Eros Ramazzotti, se ciama Anche tu.

'Ntel 1993, el inpresta ła so voxe par el debuto discografego de Laura Pausini (ła so prexensa xe espresamente richiesta da ła xovene cantante); i canta insieme Mi rubi l'anima. El vinse da nòvo el Festivalbar 'ntel 1993 co' Il battito animale, che se cata ne l'albun Cannibali dal quało sarà po' estrati do singołi de suceso cofà Due e Stai con me. Cannibali sarà el so disco de mazor suceso a liveło discografico.

'Ntel xugno del 1995 vien publicà Manifesto (primo CD-ROM muxicałe itałian)[sensa fonte]. El singoło de vertaùra xe Sei la più bella del mondo. I singołi sucesivi sarà: Il suono c'è, Dentro ai tuoi occhi e Prima che sia giorno. Ne l'autuno del 1996 ese ła prima racòlta de ła so carièra intitołà Collezione temporanea. Sedexe grandi sucesi del so repertorio xe rirangiài par l'ocasion, oltra ała nova canson Un grande salto.

El novo albun de inediti xe 1998. La prova, albun da łe sonorità decixamente rock che otien otimi riscontri da parte de ła critica, ma non artànti dal pùblico. Da l'albun sarà estrati tre singołi: Vita, Storie e pensieri di un alieno, La danza della pioggia e Little girl. 'Ntel 2001 'riva Iperbole antisipà dal singoło Infinito che ghe fa vinser par la tersa volta el Festivalbar. L'albun gà un gran suceso otegnùo anca grasie ai altri tre brani estrati (Via, Nei silenzi ed Oasi).

L'albun seguente vien publicà ne ła primavera del 2004, el cui titoło gera: Ouch!, el cui brano trainante xe ła bałada In tutti i miei giorni. Pochi xorni drìo l'insìda de Ouch, ła Mondadori publica l'autobriografia Cosa resterà... scrita a quatro man co' Domenico Liggeri. 'Ntel 2005 vien fora ła segonda racolta intitołà Tutto Raf. Divixa in do dischi, ła racòlta no contien inediti però gà do bonus track: E penso a te cover de ła canson de Lucio Battisti e Amarse o no amarse version spagnoła de Amarsi o non amarsi.

Senpre 'ntel 2005 el partesipa a vari progeti. El dota co' Edoardo Bennato in Ogni favola è un gioco co' ała chitara Alex Britti, po' el presta ła voxe al projeto Jetlag 'ntel brano E' necessario, e infine, el ciapa parte al disco de doti de Ron Ma quando dici amore?, cantando co' łu nel brano La pace.

'Ntel 2006, el canbia casa discografega pasando da ła CGD/WARNER a ła Sony-BMG e a magio el publica l'albun Passeggeri distratti, antisipà dal singoło Dimentica conposto da Saverio Grandi, dirigendo anca el videoclip e che intra subito in clasifica, restandoghe par un mucio de setimane. Ne l'istà del steso ano el partesipa a ła IV edision de O'Scià, el festival canoro organixà da Claudio Baglioni a Lanpeduxa.

El 26 setenbre 2008 el publica Metamorfosi da cui, co' antisipo, estrae el singoło Ossigeno insìo el 29 agosto. Non è mai un errore xe el singoło despirà da Metamorfosi, el videoclip xe firmà dal regista Claudio D'Avascio. El terso singoło, Ballo ese invese ne l'Istà del 2009 . Conclude el Metamorfosi Tour Parte II in Piasa Garibaldi a Porto Sant'Elpidio sabo 24 otobre 2009 in una piasa gremìa in ocasion de ła festa del patrono San Crispino.

El 30 otobre 2009 vien publicà Soundview, el primo CD-DVD de Raf, suportà dal brano mai proposto Per tutto il tempo. Le imàxeni xe del concerto del Forum de Asago (sold-out par l'ocasion), xiràe durante el Metamorfosi tour del 27 febraro 2009. El dota co' Savero Grandi nel brano Il doppiatore che se cata ne l'albun Pattinando sul ghiaccio sottile vegnìo fora ne l'apriłe del 2010.

El novo albun, Numeri, xe vegnùo fora el 10 magio 2011 par la Sony BMG, e dòboto a tre ani da l'ultimo łavoro discografico. Cofà singoło introdutivo xe stà sielto Un'emozione inaspettata, in tute łe radio dal 15april. El disco de colpo xe balsà al primo posto de łe vendite i-tunes, mentre ne ła clasifica uficiałe FIMI dei dischi pì vendùi in Itałia el gà debutà a ła poxision #6. 1 La title track xe cantàda co' Frankie HI-NRG MC e Nathalie. El secondo singoło estrato da l'albun xe Senza cielo.

Vita privàModìfega

Dal 1996 el xe sposà co' ła soubrette Gabriella Labate, che ghe gà dà do fiòi: Bianca (1996) e Samuełe (2000).

DiscografiaModìfega

AlbunModìfega

RacòlteModìfega

LiveModìfega

SingołiModìfega

CoverModìfega

'Ntel 2006 Laura Pausini gà reałixà 'na cover de Due nel so albun Io canto. Ła canson xe stà prodota anca in version spagnoła (Dos).

NoteModìfega

Altri progetiModìfega


Łigadure foresteModìfega

  • Sito uficiałe
  • Pagina so facebook
  • Raf so MTV.it
  • pagina de raf so myspace (par i fans, raf tribute) e pagina personałe
  • Pagina so google co' somegie e video
Controło de autoritàVIAF (EN48145971484332332237 · ISNI (EN0000 0000 5489 7248 · LCCN (ENn93054226 · GND (DE129463477 · BNF (FRcb139385064 (data) · WorldCat Identities (ENn93-054226