Ron

Ron, pseudònemo de Rosalino Cellamare (Dorno, 13 de agosto 1953), el ze un un cantaudor e muzicista itałian.

Ron

Biografia
Nasimènto	(it) Rosalino Cellamare 13 de agosto del 1953 (71 ani) Dorno (Itàlia)
Dati personałi
Altri nomi	Ron Rosalino
Atività
Ocupasion	cantautor, conpozitor, cantante, artista discogràfego
Atività	1970 - in atività
Menbro de	Artisti uniti per l'Abruzzo (it)
Zènare	Pop
Instrumento muzicałe	vox, chitara, pianoforte
Targheta discogràfega	It, RCA Italiana, Spaghetti Records
Àlbun	41
Àlbun stùdio	23
Àlbun dal vivo	4
Àlbun compilation	14
Repertòrio
Pop, Folk
Fameja
Fradełi	Italo Cellamare (it)
Festival de Sanremo, premià par Vorrei incontrarti fra cent'anni (it)
Sito web	ron.it

Biografia

I inisi

Rosalino Cellamare nase a Dorno, in provincia de Pavia, ma el crese a Garlasco, a pochi chiłometri de distansa; el pare, pugliexe, el provien da Trani e de profesion el xe comerciante de Ogio de ołiva, mentre uno dei do fradèłi , Italo, pianista (che drioman el sonarà anca in alcuni so dischi, ad exenpio inte l'album Dal nostro livello), ło avisina a ła mùzega.

El taca partesipar ad alguni concorsi, e ‘l primo de un serto rimarco, inte’l 1967, ła cuarta edision della Fiera della Canzone Italiana de Miłan (organizada da'l mestro Angelo Camis).

In uno de 'sti concorsi (in cui el canta 24 mila baci de Adriano Celentano) vien notà da un talent-scout de ła RCA Italiana: el va a Roma co só pare, che firma el contrato (in cuanto Rosalino el ze ncora minorene) par ła It de Vincenzo Micocci, distribuìa da ła RCA.

Ani 1970

Un xovane Ron inte’l 1970

Inte’l 1969 el partesipa, sensa oncora avere incixo un disco, al Cantagiovani, na manifestasion muxicałe itinerante organixada da ła RCA, indove el se exibise co altri artisti de l'eticheta come Gabriella Ferri, Ugolino, i Bertas, Christy e altri.

El debuto discografego avien soło co’l nome de batìxo, Rosalino, a 16 ani al Festival de Sanremo inte’l 1970 in cubia co Nada cantando Pa' diglielo a Ma'.

L'ano sucesivo el prexenta a Un disco par l'estate na canson scrita da Paola Pallottino e Lucio Dalla, Il gigante e la bambina, che otien un discreto suceso; el inçide anca na version itałiana di Father and Son de Cat Stevens in itałian (Figlio mio, padre mio) (“Fiòło mio, pare mio”)

Inte’l steso ano el scrive La storia di Maddalena: sta canson ła vien incixa da Sophia Loren e incluxa inte ła cołona sonora del film La mortadella de Mario Monicelli (co ła stesa Loren, Gigi Proietti, Susan Sarandon e Danny DeVito); Lucio Dalla uxarà po’ l’introdusion strumentałe de ła canson in L'auto targata «TO», da l'album Il dì aveva cinque teste.

A ła fin del 1971 el scrive Piazza Grande insieme a Lucio Dalla par ła mùxica e a Gianfranco Baldazzi e Sergio Bardotti par el testo; ła canson ła vien prexentà dal steso Dalla al Festival de Sanremo 1972, e ła deventa uno dei brani pì çełebri del cantaudor bołognexe. Senpre inte l’isteso ano Ron partesipa a Un disco par l'estate co’l brano Storia di due amici so testo de Umberto Donato, parołier całabrexe de Pizzo; el scrive anca Oggi, domani, sempre par Vanna Brosio, che deventa ła sigla del programa tełevixivo Adesso musica.

Inte’l febraro 1973 el publega el so primo album, uxando da cui in po anca el cognome: Il bosco degli amanti ciapa el titoło de l’omonemo brano so testo de Umberto Donato. A novenbre ese Dal nostro livello: sto ùltemo, che contien Era la terra mia e I bimbi neri non san di liquerizia, el prexenta canson co i testi traxesti dai temi de alcuni ałuni de na scòła ełementar de Cinisello Balsamo.

Dopo el sìngoło publegà inte’l 1976 (Evviva il grande amore, canson co testo de Mogol e mùxica de Gigi Rizzi, che restarà inedito so album), Ron interonpe ła so carièra de cantante par dedicarse al sinema. Tra ‘l 1975 e ‘l 1979, el interpreta i film Lezioni private de Vittorio De Sisti, L'Agnese va a morire de Giuliano Montaldo, In nome del Papa Re de Luigi Magni e Turi e i paladini de Angelo D'Alessandro, aparindo anca in ùgnołi epixodi de un par de serie tełevixive, xirae par ła TV inglexa e fransexa.

Ron inte’l 1975

Daspuò el pasajo a ła Spaghetti Records, inte’l 1978 el torna in sała de incixion e, co’l sìngoło Occhi verdi mari calmi, el partesipa a l’edision de chel ano del Festivalbar, co rexultadi modesi (pur antisipando łe sonorità sviłupae inte i dischi drìo).

Inte’l 1979 Lucio Dalla e Francesco De Gregori ło ciama par curar i arangiamenti del so tour Banana Republic, che sunarà sentenèra de miàra de spetadori in ti pì grandi stadi d'Itałia e dal cuało vegnarà ciapai fora un disco e un film. Durante sti concerti, viene daxesta ła posibiłità a Ron de exibirse come sołista in I ragazzi italiani e Come va.

Ani 1980

Inte’l 1980 ese l'album Una città par cantare, che contien ła canson omonima, version itałiana del brano The Road del cantaudor statunitense Danny O' Keefe, xa incixa inte’l 1977 dal całifornian Jackson Browne, e altri brani scrivesti co Dalla, via che Inte el deserto co testo de De Gregori e Mannaggia alla musica, fata da De Gregori par intièro. Xe ‘l so primo grando suceso e ‘l primo album in cui l'autor conparise co’l pseudomeno Ron.

Senpre inte’l 1980 el publega un Q-Disc dal titoło Q Concert, co Goran Kuzminac e Ivan Graziani, contegnente tre so canson e l'inedito scrivesto insenbre, overosìpia Canzone senza inganni; al disco ghe va drìo na tournée dei tre artisti.

El 1981 xe l’ano de Al centro della musica, che ripete el suceso del disco presedente e che contien Si andava via, co un testo scrivesto dal cantaudor Renzo Zenobi.

El 1982 xe l’ano de ła vitoria al Festivalbar co Anima, contegnùa inte’l disco Guarda chi si vede, registrà inte i Stati Unii. Senpre del 1982 xe l'album Tutti cuori viaggianti, contegnente Hai caito o no?, version itałiana de I Can't Go for That (No Can Do) del do Daryl Hall & John Oates. L'album (cui partesipa i Stadio, Lucio Dalla e Gianni Morandi) vien registrà in vivo o in studio, davanti a un publego de sołi amiradori e xornałisti.

Inte’l 1983 ese Calypso, che include Sogno e Par questa notte che cade giù e vede ła partesipasion de Jimmy Villotti, Mauro Malavasi e do conponenti dei Stadio o sia Ricky Portera e Fabio Liberatori.

El sucesivo sìngoło Joe Temerario (1984) deventa sigla de Domenica In ‘l e vien uxà da Mario Monicelli a l’interno del so film Speriamo che sia femmina, in te’l cuało Ron conparise anca inte ła parte de se isteso. Ghe va drìo do racolte de sucesi a poca distansa una da chel’altra.

L'album sucesivo, del 1985, se intitoła senplisemente Ron, e contien łe intense Parliamo un po' di te e Caterina indove el dota co l'exordiente Angela Baraldi. Inte l’ano 1986 xe ła volta de È l'Italia che va (strasinà dal suceso del sìngoło omonemo) a cui sevitarà, inte’l 1988, Il mondo avrà una grande anima, so segonda antołoxia dal vivo, co l'inedito omonemo prexentà a Sanremo.

Inte’l 1989 el se dedica, in cuałità de produtor, a un xovane exordiente, Biagio Antonacci, e al so primo album: Sono cose che caitano in tel cuało anca ła voxe de Ron ła xe prexente inte’l doto contegnesto inte ła canson che dà el titoło all'album. El ga anca conponesto ła cołona sonora del film erotico La cintura.

Ani 1990

Inte’l 1990 el scrive Attenti al lupo, inisialmente intitołada La casetta, che vien incixa da Lucio Dalla par l'album Cambio vendendo un miłion de copie.

Drìo un novo contrato discografego firmà co ła WEA, el cantaudor xe pronto ad afrontar i ani 1990 co un disco intitołà Apri le braccia e poi vola, slansà dal sìngoło Un momento anche par te destinà ad aver un bon suceso comerciałe.

Inte’l 1992 el publega un novo album, Le foglie e il vento, che otien oncora na volta un stragrando suceso. Tanti i brani sielti come sìngołi, tra i cuałi Non abbiam bisogno di parole (che deventa una de łe so canson piasè famoxe) e A un passo dai miei sogni. Do ani drìo xe ła volta de Angelo, co i sìngołi Sono uguale a te, Tutti quanti abbiamo un angelo e Il sole e la luna.

Inte’l 1996 el vinse el Festival de Sanremo co Vorrei incontrarti intrà cent'anni cantada in cubia co Tosca. Par l’ocaxion ese na nova racolta co alcuni dei so brani rivixitai co novi arangiamenti, e co Ferite e lacrime, version itałiana de un suceso dei Ten Sharp del 1992 intitołà You. Ferite e lacrime sarà el sìngoło sernìo par ła staxon estiva. Inte’l disenbre del 1996, Ron partesipa al Concerto di Natale in Vaticano co’l brano inedito Natale tutto l'anno.

Inte’l 1997 esce l'album Stelle e inte’l 1998 el torna a Sanremo co’l brano Un porto inte el vento.

Xe del 1999 el 14º album de Ron: Adesso, scrivesto par intièro in una bàita de Livigno.

Ani 2000

El 27 de febraro 2000, Ron festegia i 30 ani de carièra co l’usida de 70/00, un dopio album contegnente doti co Gianni Morandi, Biagio Antonacci, Tosca, Lucio Dalla e Jackson Browne, e co na trasmision tełevixiva a łu dedicada par intièro intitołada Una città par cantare.

Inte’l 2001 el incide ła hit Sei volata via, usìa da ła pena de Jovanotti. Inte l’album che ese a poca distansa, intitołà Cuori di vetro, xe includeste canson scriveste in cołaborasion co Francesco De Gregori, Renzo Zenobi, Renato Zero, Gianluca Grignani e Carmen Consoli.

Inte’l 2002 el intraprende na serie de concerti in conpagnia de Pino Daniele, Francesco De Gregori e Fiorella Mannoia; usirà un dopio album e un DVD a ricordo dei stesi.

Ese inte’l febraro del 2004 Le voci del mondo, album conceto ispirà a l’omonemo romanxo de Robert Schneider co mùxiche de Ron e testi de Alfredo Rapetti (in arte Cheope).

Inte l’otobre del 2005, ese, xontà al Corriere della Sera, l'album Ma quando dici amore, contegnente 13 doti co 14 grandi artisti de ła mùxica itałiana e internasionałe (Anggun, Claudio Baglioni, Samuele Bersani, Loredana Bertè, Luca Carboni, Carmen Consoli, Lucio Dalla, Elisa, Jovanotti, Mario Lavezzi, Nicky Nicolai e Stefano Di Battista, Raf, Tosca) e na trasa rom co Renato Zero (varda soto). L'intièro recavado de ła vendita de l'album, vien devołùo a l'AISLA, asociasion itałiana scleroxi łaterałe amiotrofega, el cui presidente xe ‘l so caro amigo Mario Melazzini. Par dar oncora maxor vixibiłità al progeto, inte’l 2006 el torna al Festival de Sanremo co’l brano L'uomo delle stelle.

Inte’l magio del 2007 ese el sìngoło L'amore ze una bombola di gas e cominsia na łonga serie de concerti che ło mena da un cao a chel’altro de penìzoła. Xe senpre de l’isteso ano, ła cołaborasion co Ivana Spagna e Tristan B - artista maltexe - par l'album de sto ùltemo.

Inte l’otobre del 2007 ese l'album Rosalino Cellamare - RON - in concerto, registrà dal vivo co el conpagnamento de l’'Orchestra Toscana Jazz. L'album, tirà da l’únego inedito Canzone dell'acqua, el cui testo xe de Renzo Zenobi, xe anca un DVD, indove, spasejando par Garlasco, paexe indove Ron oncora vive, viene intervistà da Natasha Stefanenko. Inte’l 2007 el ciapa parte a un tour de Lucio Dalla; al tour ciapa parte anca i Kataklò in alcuni spetacołi par ła regia de Pepi Morgia.

Xe del magio del 2008 el so album de inediti Quando sarò capace d'amare, che ciapa el titoło da na canson de Giorgio Gaber del 1994. L'album contien 10 canson scriveste co inportanti cołaboradori come Neffa, Renzo Zenobi, Kaballà e sonae co Lucio Dalla e Alex Britti.

Inte l’avril del 2009 el ga partesipà a l’incixion del brano Domani 21/04.2009 de Mauro Pagani, i cui vadagni xe stai devołùi a łe popołasion colpìe dal taramoto de l'Aquila. Inte l’isteso ano el ga partesipà a l’album de Claudio Baglioni Q.P.G.A., cantando inte ła canson Mia libertà.

Ani 2010

Ron in concerto inte’l 2015

Inte’l 2010 el verxe el vołume 2 de ła cołana "Cao Verde, terra d'amore" produxesta par el World Food Programme de łe Nasion Unìe da Alberto Zeppieri, dotando co Cesária Évora in "La voce dell'amore"; el partesipa a l’incixion de l’album È già domenica dei Statuto dotando co Oscar Giammarinaro, cao del grupo, inte ła canson Una città par cantare, canson che l’isteso Rong a conponesto e interpretà , a cui el grupo torinexe ga vołesto rénder omagio; l'11 de febraro 2011 el continua ła so cołaborasion co i Statuto partesipando a ła registrasion del live Undici, durante un concerto a l'Hiroshima mon amour. Inte l’utuno del 2011 el ga partesipà come tutor al talent show Star Academy.

El 29 de xenaro del 2013 el publega Way Out un album che contien 12 cover de cantaudori angloamericani come John Mayer, David Gray, K'naan, Ben Howard, Damien Rice, Jamie Cullum, Amos Lee, Michael Kiwanuka, The Weepies, Alexi Murdoch, The Boy Who Trapped The Sun e Badly Drawn Boy. L'album xe stà registrà a Garlasco, in prexa direta, a caxa soa. L'album vede ła cołaborasion par i testi co l’autor Mattia Del Forno, voxe o cao del grupo roman La Scelta.

El ga partesipà al Festival de Sanremo 2014 co łe canson Sing in the Rain, scrivesta a cuatro man co’l xa mensonà Mattia Del Forno, e Un abbraccio unico, ełiminada a ła prima serada. Par ła cuarta serada dedicada ai cantaudori el canta Cara de Lucio Dalla. Inte’l febraro del 2014 ese l'album Un abbraccio unico, produxesto da Roberto Vernetti e che vede ła cołaborasion co Mattia Del Forno in difarenti brani.

El 13 de otobre 2015 ese ła so autobiografia Chissà se lo sai (Tutta una vita par cercare me), publegada da Piemme.

L'11 de marso 2016 vien fora l'album dopio La forza di dire sì. Come il presedente Ma quando dici amore del 2005, xe finałixà a ła racolta de fondi a favor de ła AISLA, asociasion che se ocupa de riserca contro ła sclerosi łaterałe amiotrofega. Ghe partesipa 26 artisti itałiani interpretando in do co Ron numaroxi sucesi che abrasa l’intièro arco de ła so carièra de cantaudor.

Inte’l febraro del 2017 el partesipa al sesantasetexemo Festival de Sanremo co’l brano L'ottava meraviglia, vegnendo ełiminà durante ła semifinałe. El brano, insenbre a l’inedito Ai confini del mondo, vien includesto in una riedision de l'album La forza di dire sì publegà l’ano prima.

El 15 de disenbre 2017 durante el programa Sarà Sanremo vien anunciada ła so partesipasion al Festival de Sanremo 2018 co’l brano Almeno pensami. El brano ga come autor Lucio Dalla e Ron otien un bon suceso, restando durante tute łe serade inte ła fasa alta de ła clasifega provixoria, rivando in finałe al cuarto posto e otegnendo anca el Premio de ła Critica del Festival de ła Canson Itałiana "Mia Martini" rexultando el pì votà presedendo łe interpretasion del trio Ornella Vanoni/Bungaro/Pacifico e de Max Gazzè.

El 31 de agosto 2018 el xe protagonista del programa tełevixivo Lucio! trasmetesto so Canale 5 insieme a Michelle Hunziker e tanti altri artisti par rendar omagio a Lucio Dalla. El concerto xe stà registrà el 2 de zugno 2018 al Teatro Romano de Verona.

Partesipasion al Festival de Sanremo

Ano e Categoria	Brani	Dotante	Piasamento
Sanremo Artisti 1970	Pa' diglielo a ma'	In abinamento co Nada	7º
Sanremo Artisti 1988	Il mondo avrà una grande anima		21º
Sanremo Artisti 1996	Vorrei incontrarti intrà cent'anni	Tosca	1º
Sanremo Artisti 1998	Un porto inte el vento		9º
Sanremo Artisti 2006	L'uomo delle stelle	Tosca e Loredana Bertè	Semifinałista
Sanremo Artisti 2014	Sing in the rain / Un abbraccio unico		13º
Sanremo Artisti 2017	L'ottava meraviglia		Non finałista
Sanremo Artisti 2018	Almeno pensami	Alice	4º

Festivalbar

• Festivalbar 1978 - Occhi verdi mari calmi (concorso DiscoVerde)
• Festivalbar 1981 - Al centro della musica
• Festivalbar 1982 - Anima (canson vinsidora de cuel'ano)
• Festivalbar 1990 - Un momento anche par te
• Festivalbar 1993 - A un passo dai miei sogni
• Festivalbar 1995 - Il sole e la luna
• Festivalbar 1996 - Ferite e lacrime

Discografia

Album in studio

• 1973 - Il bosco degli amanti
• 1973 - Dal nostro livello
• 1975 - Esperienze
• 1980 - Una città par cantare
• 1981 - Al centro della musica
• 1982 - Guarda chi si vede
• 1983 - Calypso
• 1985 - Ron
• 1986 - È l'Italia che va
• 1990 - Apri le braccia e poi vola
• 1992 - Le foglie e il vento
• 1994 - Angelo
• 1997 - Si te encontrara tras cien años
• 1997 - Stelle
• 1999 - Adesso
• 2001 - Cuori di vetro
• 2004 - Le voci del mondo
• 2005 - Ma quando dici amore
• 2008 - Quando sarò capace d'amare
• 2013 - Way Out
• 2014 - Un abbraccio unico
• 2016 - La forza di dire sì
• 2018 - Lucio!

Album dal vivo

• 1983 - Tutti cuori viaggianti
• 1988 - Il mondo avrà una grande anima
• 2002 - In tour (con Fiorella Mannoia, Francesco De Gregori e Pino Daniele)
• 2007 - Rosalino Cellamare - RON - in concerto
• 2019 - Lucio!! Live

Racolte

• 1981 - Incontro con Ron (Spaghetti Records)
• 1982 - RON (Spaghetti Records)
• 1984 - I grandi successi di Ron (Sigla Quattro)
• 1984 - Super Ron (Spaghetti Records)
• 1993 - Ron (RCA)
• 1996 - Vorrei incontrarti intrà cent'anni (WEA – CD)
• 1996 - Superbest (RCA)
• 1997 - A modo mio (BMG Ricordi)
• 2000 - 70/00 (CGD East West – doppio CD)
• 2001 - I miti (BMG Ricordi)
• 2002 - Beccati 'sta canzone (BMG Ricordi)
• 2003 - Ron (RCA-BMG Ricordi)
• 2006 - Le più belle canzoni di Ron
• 2013 - Un'ora con Ron

Extended play

• 1972 - il gigante e la bambina, Cielo di maggio cielo di zugno/Strade su Strade, Figlio Mio Padre Mio (TP-638 RCA Victor)
• 1973 - Pa' diglielo a Ma',Occhi di Lillà/...Fino a morire,Felicità (TP-662 RCA Victor)
• 1980 - Q Concert (co Ivan Graziani e Goran Kuzminac)

Singoli

• 1970 - Pa' diglielo a ma'/Occhi di lillà (It, ZT 7002)
• 1970 - Passeggiata/Dolce Susanna (It, ZT 7004)
• 1970 - Fino a morire/Felicità (It, ZT 7007) usìo anca in formado juke-box łado A "Daniela Modigliani - La vita non finisce stasera - Apollo" łado B "Rosalino - Fino a morire - It" numero di catalogo comune JBZTA 101 - ano 1970)
• 1971 - Il gigante e la bambina/Strade su strade (It, ZT 7012)
• 1972 - Figlio mio, padre mio/Cielo di maggio cielo di zugno (It, ZT 7025)
• 1972 - Storia di due amici/Prova a immaginare (It, ZT 7027)
• 1973 - Il bosco degli amanti/Questa casa questo cuore (It, ZT 7043)
• 1973 - Era la terra mia/I bimbi neri non san di liquerizia (RCA Italiana, PM 3740)
• 1975 - Esperienze/Fenomeni naturali (RCA Italiana, TPBO 1107)
• 1976 - Evviva il grande amore/La mia scimmia (RCA Italiana, TPBO 1193)
• 1978 - Occhi verdi mari calmi/Come va? (Spaghetti Records, ZBSR 7061; ła version de Come va? ła xe desconpagna da łe registrasion sucesive so 45 xiri e 33)
• 1979 - I ragazzi italiani/Come va? (Spaghetti Records, ZBSR 7126)
• 1980 - Una città par cantare/Nuvole (Spaghetti Records, ZBSR 7166)
• 1981 - Al centro della musica/Stelle di dicembre (Spaghetti Records, ZBSR 7215)
• 1982 - Anima
• 1983 - Hai caito o no/Era la terra mia (RCA italiana)
• 1984 - Joe temerario/Voglio andare via (RCA Italiana, PB 6752)
• 1985 - Un poco di vino/I ragazzi italiani (Spaghetti Records)
• 1985 - Teresa e Michele/Caterina (RCA italiana)
• 1985 - Parliamo un po' di te/Beati noi (RCA italiana)
• 1986 - È l'Italia che va (RCA italiana - promo)
• 1988 - Il mondo avrà una grande anima/Helena (RCA italiana)
• 1992 - Non abbiam bisogno di parole
• 1994 - Tutti quanti abbiamo un angelo (WEA - promo)
• 1996 - Vorrei incontrarti intrà cent'anni
• 1996 - Ferite e lacrime
• 2001 - Sei volata via
• 2001 - Cambio stagione
• 2004 - Caro amico fragile
• 2006 - L'uomo delle stelle
• 2007 - Canzone dell'acqua
• 2008 - L'amore ze una bombola di gas
• 2014 - Un abbraccio unico
• 2014 - Sing in the Rain
• 2014 - America
• 2016 - Una città par cantare (brano corałe cantà da tuti i artisti de ll'album La forza di dire sì)
• 2016 - Aquilone
• 2017 - L'ottava meraviglia
• 2017 - Ai confini del mondo
• 2018 - Almeno pensami
• 2018 - Tu non mi basti mai
• 2019 - Tutta la vita

Doti

• Co Anna Oxa: La promessa (1986)
• Co Fiorella Mannoia: Non arrendersi (in Canzoni par parlare de Fiorella Mannoia, 1988) e Felicità (in A te di Fiorella Mannoia, 2013).
• Co Samuele Bersani: Boys in Time (in Stelle de Ron, 1998)
• Co Biagio Antonacci: Sono cose che caitano (in Sono cose che caitano de B. Antonacci del 1989 e 70/00 de Ron, 2000)
• Co Gianni Morandi: Occhi di ragazza - Joe Temerario (in 70/00 de Ron, 2000)
• Co Jackson Browne: Una città par cantare (in 70/00 de Ron, 2000)
• Co Lucio Dalla: Chissà se lo sai (in 70/00 de Ron, 2000)
• Co Luna: Anima (in 70/00 de Ron, 2000)
• Co Ivana Spagna e Tristan B.: You raise me up
• Co Anggun: Catch You (in Ma quando dici amore di Ron, 2005)
• Co Carmen Consoli: Cambio stagione (in Ma quando dici amore de Ron, 2005)
• Co Claudio Baglioni: Non abbiam bisogno di parole (in Ma quando dici amore de Ron, 2005)
• Co Elisa: Ma quando dici amore (in Ma quando dici amore de Ron, 2005)
• Co Jovanotti: Sei volata via (in Ma quando dici amore de Ron, 2005)
• Co Loredana Bertè: Una città par cantare (in Ma quando dici amore de Ron, 2005)
• Co Luca Carboni: Anima (in Ma quando dici amore de Ron, 2005)
• Co Lucio Dalla: Le ragazze (in Ma quando dici amore di Ron, 2005)
• Co Mario Lavezzi: Cosa sarà (in Ma quando dici amore de Ron, 2005)
• Co Nicky Nicolai e Stefano di Battista: Chissà se lo sai (in Ma quando dici amore de Ron, 2005)
• Co Raf: La pace (in Ma quando dici amore de Ron, 2005)
• Co Renato Zero: TRACCIA ROM (in Ma quando dici amore de Ron, 2005)
• Co Samuele Bersani: Le foglie e il vento (in Ma quando dici amore de Ron, 2005)
• Co Tosca: Chissà se lo sai - Quanto amore c'è (in Ma quando dici amore de Ron, 2005) - Vorrei incontrarti intrà cent'anni
• Co Tosca e Loredana Bertè: L'uomo delle stelle (live al Festival de Sanremo 2006)
• Co Cesária Évora: La Voce dell'Amore de Chantre - Zeppieri (da "Cao Verde, terra d'amore - vol. 2", 2010)
• Co Alice: Almeno pensami (live al Festival de Sanremo 2018)

Filmografia

• Lezioni private, regia de Vittorio De Sisti (1975)
• L'Agnese va a morire, regia de Giuliano Montaldo (1976)
• In nome del Papa Re, regia de Luigi Magni (1977)
• La riva di Charleston - miniserie TV, 3 episodi (1978)
• Il ritorno di Simon Templar - serie TV, 1 epixodio (1979)
• Il était un musicien - serie TV, 1 epixodio (1979)
• Turi e i paladini, regia de Angelo D'Alessandro (1979)

Premi

• 2007 - Premio Lunezia Menzione Speciale, par el brano Vorrei incontrarti intrà cent'anni.
• 2008 - Venice Music Awards.
• 2013 - Premio Lunezia Cover d'Autore, par il valore Musical-Letterario dell'album Way out.
• 2016 - Premio Anacapri ''Bruno Lauzi'' - Penna d'Autore, par la scrittura e la canzone d'autore.
• 2017 - Premio ''Ambasciatore di terre di Puglia''.
• 2017 - ''Meraviglioso Modugno'' - Premio Città di Polignano a Mare.
• 2018 - Premio della Critica ''Mia Martini'', par il brano Almeno Pensami.
• 2018 - Special Award - XVI Edizione Roma Videoclip, alla carriera e par il videoclip del brano Almeno pensami.
• 2019 - Turrita d'Argento di Bologna.
• 2018 - Premio ''Bindi'' alla carriera.

Bibliografia

• 1998 -"Ron: musica!" Un ritratto artistico di Ron. Autore: Dina Risolo -edizioni Tarab
• Autori vari (a cura di Gianluca Testani, Enciclopedia del Rock Italiano, editore Arcana, 2007; alla voce Ron, pagg. 349-350
• 2010 -"Ron si racconta" la gioia di fare musica. Autore: Andrea Pedrinelli - edizioni Ancora
• 2015 - Autobiografia "Chissà se lo sai" Tutta una vita par cercare me. Autore: Ron - edizioni Piemme

Linganbi foresti

• Sito ufisałeron.it.
• RonFC (canale ufisałe)YouTube.
• RonTreccani.it – Enciclopedie on line, Istituto de ła Ençiclopedia Italiana.
• Rosalino Cellamare / Ron / RosalinoDiscografia nazionale della canzone italiana, Istituto centrale per i beni sonori ed audiovisivi.
• (EN) RonAllMusic, All Media Network.
• (EN) Ron (16) / Rosalino CellamareDiscogs, Zink Media.
• (EN) Ron (Italian pop singer)MusicBrainz, MetaBrainz Foundation.
• (EN) RonWhoSampled.
• (EN) RonSecondHandSongs.
• (EN) Rongenius.com.
• (EN) RonInternet Movie Database, IMDb.com.