Asmara

Ł'Asmara ła xe ła cavedal de l'Eritrea e ła ga na popołasion de sirca 579 000 abitanti. Ła se cata sora on altopiano a oltre 2 300 m s.l.m. e ła gode de on clima particołarmente mite e sałubre (ła tenperatura mèdia anua ła xe de sirca 17 °C). Ła xe sede de università e ła xe el masimo sentro industriałe del Paese.

Asmara

ኣስመራ (ti)
Pozision
15°20′N 38°55′E15°20′N, 38°55′E (Asmara)
Stato	Eritrea
Regioni dell'Eritrea (it)	regione Centrale (it)
Cavedałe de	Eritrea
Popołasion
Totałe	963 000 (2020)
Densità	79,21 hab./km²
Demònemo	asmarini ,
Zeografia
Àrea	12 158,1 km²
Altitùdene	2 325 m
Còdazi de identifegasion
Còdaze de matricołasion	ER
Fuzo oràrio	UTC+3

Storia

La sità de Asmara la xe nata co la fusion de quatro paexoti, abità da quatro clan: i Gurtom, i Shelele, i Serenser, e i Asmae. El nome originale de la sità el xera Arbaete Asmera, le quatro mese insieme. Co el tempo, la sità la xe diventà Asmara, anca se el nome Asmera (par le done) se cata ancora. Asmara xe sempre stà on sentro importante par la so posision strategica tra l’altipian e le zone base. En tel 1830 la gavea 2000 abitanti. I italiani xe entrà in Asmara in tel 1889. I colonialisti ga costruio la ferovia par colegarla a la costa (porto de Masaua), strade, case e palasi par l’aministrasion. Asmara la vegnea ciamà La Piccola Roma. Dopo l’indipendensa da l’Italia, l’Eritrea ga combatù par l’indipendenza da l’Etiopia (1993). Ancò, Asmara xe stà ricostruia dopo i dani de la guera co l’Etiopia. L’università la xe stà serà dal governo, che ga mandà tuti i studenti al servisio militare. La povertà del paexe se riflete su la sità, che ga perso importansa come sentro de marcà. La zente la parla tigrinya, italian e inglexe.

Architetura

Asmara la xe uno de i pochi esempi de sità moderne pianificà da architeti. Al tempo de la colonia, i architeti pi famosi de l’Italia e altri paexi ga podù progetar lo svilupo de la sità e de le costrusioni. Ancora ancò se cata esempi de cubismo e futurismo. Tante vile e case le xe considerade de le opere maestre. L’UNESCO ga anca proposto de nominar Asmara Patrimonio de l’Umanità par la so architetura.

Religion

Na cexa cristiana a l'Asmara

A Asmara ghe la cexa ortodoxa autocefala. El Patriarca Antonios el xe stà meso in presòn dal governo e al so posto ghe on laico. El governo ga anca para via tuti i misionari stranieri (novembre 2007). I pochi protestanti che vive in tel paexe iè sempre soto minacia de esare mesi in presòn.

Portałi:
• Portałe de Africa
|

Altri progetti

• Wikimedia Commons

• Wikimedia Commons el detien imàjini o altri file so Asmara
• el detien schemi gràfeghi so