Ayaan Hirsi Ali

Ayaan Hirsi Ali by Gage Skidmore.jpg

Ayaan Hirsi Ali, 2016

Ayaan Hirsi Ali, nasesta Ayaan Hirsi Magan (Mogadiscio, 13 de novènbre 1969), xe na politica e scritrice olandexe, de origini sòmale. La xe nota in tuto el mondo par el so inpegno par i diriti umani e par i diriti de le done, e par le so posizion fortemente critiche rispeto a la religion Islamica.

Nata in Somalia, nel 1992 la xe scapà via par evitar un matrimonio combinà, e la ga domandà asilo politico nei Paesi Bassi, dove in seguito la ga vu la citadinanza e la xe sta eletta in Parlamento. Nel 2004 la ga scrito la scenegiatura del film cortometragio "Sotomision" (Submission), dove se denuncia tuti i abusi che subise le done nei paesi islamici. El stesso anno el regista del film Theo Van Gogh el xe sta copà da un fanatico marochin, e da alora a la Hirsi Ali ghe toca ndar in giro soto scorta par paura de atentati. Dal 2006 la vive nei Stati Uniti, e nel 2007 la ga publicà la so autobiografia Infedele.


Controło de autoritàVIAF (EN100329178 · ISNI (EN0000 0001 1496 0713 · LCCN (ENn2005025022 · GND (DE129730696 · BNF (FRcb14640524z (data) · BNE (ESXX1771890 (data) · NDL (ENJA01141585 · WorldCat Identities (ENn2005-025022
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Ayaan_Hirsi_Ali&oldid=849053"