Bròcoło fiołaro

Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Brocoło fiołaro de Creaso

El brocoło fiołaro el xe na varietà de bròcoło (fameja de łe Cruciferae o Brassicaceae) che el crese su par le cołine de Creaso, in provinsa de Vicensa .El se ciama cusì parché su pal pègoło ghe vien fora altre ramete verde che i vien ciamà fiołi. ła xe na pianta conosuda anca da Johann Wolfgang Goethe cuando che el xe pasà par Vicensa, inte el 18° secoło. El xe na verdura doparà par diversi piati, cofà prima portada e cofà seconda.

Infobox de Gastronomia Bròcolo Fiołaro de Creaso
El brocoło fiołaro
SorteFruta e Verdura
Stato de orìzeneItàlia Cànbia el vałor in Wikidata
Rejon d'orìzeneVeneto
ReconosimentoPAT
Invension}


Magnari fati col brocoło fiołaro canbia

Bigołi coi brocołi fiołari canbia

Par 4 persone ghe vol:

  • 1 c. de bigołi
  • 3 eti de brocołi fiołari
  • 1 spigoło de ajo
  • ojo de oliva veneto
  • formajo Grana padan gratà
  • formajo de piegora gratà
  • sałe e pevare

Cuxinare in acua de bojo i brocołi fiołari par 15 minuti, xontando na man de sałe e pasarli par un criveło. In na farsora sfritegare inte l'ojo un spigoło de ajo fincè no el diventa biondo. Intanto far bojere na pignata de acua e cuxinare i bigołi par 15 minuti.. Versare i brocołi fiołari inte ła farsora a fogo tanto baso. versarghe sora i bigołi, xontare un pugno de grana gratà e uno de formajo de piegora gratà. Smisiare e servire.

Subioti coi brocołi fiołari canbia

Par 4 persone ghe vol:

  • 320 g de subioti
  • 250 g de brocoło fiołaro
  • 50 g de séoła bianca
  • 50 g de lardo
  • 2 spigołi de ajo
  • ojo de oliva
  • sałe e pevare

Ocore bojere i brocołi in acua co un poco de sałe e tegnerli a bojo par 10 minuti. Cuando chei xe coti, tritarli fini fini. Se trita fin fin anca ła séoła e ła se fa inbiondire co un fià de ojo, metendoghe drento anca el lardo e i spigołi de ajo. Dopo 3-4 minuti se mete insieme i brocołi e se regoła el sałe. Cuando che se ga cuxinà i subioti, i se salta in padeła co sta salsa de brocołi. Se versa sui piati, co un poco de ojo e de pevare.

Cotołeta al brocoło fiołaro canbia

Par 4 persone ghe vol:

  • 4 fete de fexa de vedeło de 1 eto ciascuna
  • 3 ovi
  • 300 g de brocoło fiołaro
  • 50 g de panseta stesa
  • 4 fete de formajo Asiago dolxe
  • 4 fete de prosciuto cruo
  • 1 séoła
  • pan gratà

Se boje par 10 minuti in acua de bojo un poco sałà i brocołi, i se scoła e i se fa saltare in padeła co un fià de ojo, ła panseta tajà a strisete e ła séoła trità fina fina. Se slarga col bati-carne łe fete de vedeło, łe se mete drento i ovi sbatù e dopo sul pan gratà. Ste cotołete vien mese a cuxinar inte l'ojo, ma a mexa cotura se ghe mete sora i brocołi e sora na feta de prosuto coverxendo tuto co l'Asiago a fete. Sarare col covercio e continuare ła cotura fincè no se ga desfà el formajo.

Połenta, brocołi fiołari e Axiago mexano canbia

Par 4 persone ghe vol:

  • 300 g de brocołi fiołari
  • 1 spigoło de ajo
  • 40 g de buro
  • 100 g de formajo Asiago mexano
  • 350 g de farina de mais Marano

Tajare i brocołi fiołari e bojerli in acua sałà. Se rosoła l'ajo co un fià de ojo in na padeła e, prima che el diventa biondo, se ghe xonta i brocołi e se lasa lì par 4-5 minuti. Cuxinà ła połenta, se ghe xonta l'Asiago gratà e i brocołi. Mis-ciare e servire sui piati. Na volta versà sta połenta, se pol metarghe sora anca calche feteła de Asiago mexano, cheła se desfa sora.

Linganbi foresti canbia

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Bròcoło_fiołaro&oldid=1110504"