Bruce Springsteen

Bruce Springsteen, (Long Branch, 23 de setenbre 1949), el xe un cantante, chitarista statunitense granfàto famoxo e co gran nùmaro de fans in volta par el mondo.

Bruce Springsteen
Bruce Springsteen - Roskilde Festival 2012.jpg
Nasesto/a23 de setenbre 1949 Long Branch
In atività dal1972 - in atività
Xènaro muxicałeRock
Eticheta discografegaColumbia Records
Instrumento/iVoxe, chitara
Atività prinsipałecanntante, chitarista
Discografia
Albun35
Stùdio20
En vivo7
Racolte8
Sito webhttp://www.brucespringsteen.net
IMDB: nm0819803 Rottentomatoes: celebrity/bruce_springsteen TV.com: people/bruce-springsteen IBDB: 515481
Facebook place: brucespringsteen Twitter: springsteen Instagram: springsteen MySpace: brucespringsteenestreet Youtube: UCcu7ANuD9J7hnTQCREqIc4Q Souncloud: brucespringsteen Spotify: 3eqjTLE0HfPfh78zjh6TqT iTunes: 178834 Last fm: Bruce+Springsteen Musicbrainz: 70248960-cb53-4ea4-943a-edb18f7d336f Songkick: 227030 Discogs: 219986 Allmusic: mn0000530745

«The Boss», come ch'el xe senpre soranomenà, el xe uno dei artisti pì conosùi e raprexentativi in te l'anbito de ła muxega rock.[1] Conpagnà par gran parte de ła so carièra da ła E Street Band, el xe deventà famoxo soratuto par łe so coinvolxenti exibision dal vivo, raxonxendo ła sima de ła popołarità fra ła segonda metà dei ani setanta e 'l desenio sucesivo.

Fra i suoi album de maxor suceso se recorda Born to Run, Darkness on the Edge of Town, The River e Born in the U.S.A., łaori enblemateghi de ła so poetega che conta – co l'imediatesa de ła mùxega rock – ła cuotidianità dei "ùltemi" d'America, inte'l solco de ła tradsion dei cusìditi «storyteller», ofrendo un spacà de ła grandesa e de łe contradision de ła soçietà statunitense;[2][3] co'l disco The Rising el xe intervegnìo anca so ła tragedai dei atentati de l'11 setenbre 2001.[4] Springsteen el xe conosùo anca par el so sostegno a nùmaroxe inisiative de carater soçiałe e par el so inxegno a favor del sviłupo del so Stato d'orixene, el New Jersey. Inte i ani domiłe el ga parteçipà ativamente al dibatito połìtego inte i Stati Unìi, puxando łe canpagne prexidensiałi de John Kerry e de Barack Obama.[5]

In pì de cuarant'ani di carièra el ga vendesto 65 miłion de dischi inte'l so paexe e, drìo alcune stime, sìrca 120 miłion inte'l mondo.[6][7] El so łaor ghe ga frutgà un muciuo de riconosimenti, ra cui vìnti Grammy, un Oscar, un Tony Award e 'l Kennedy Center Honor, che ghe xe stà atribuìo par el so contributo a ła difuxion de ła cultura dei Stati Unìi inte'l mondo; el xe stà acna insegnìo de ła medaja prexidensiałe de ła łibartà, masima onorificensa çiviłe statunitense.[8][9][10]

BiografiaCànbia

L'infansia e l'adołesensaCànbia

Bruce Springsteen xe nasesto al Monmouth Memorial Hospital de ła łocalità balnear de Long Branch, inte'l New Jersey, ma 'l ga pasà l'infansia e l'adołesensa inte ła visina Freehold, sitadina operaia de l'entrotera.[11][12] So pare Douglas Frederick el gaveva asendese irlandexe e ołandexe, da cui el cognome a volte eroneamente considerà d'orixene xudìa.[13] La madre, Adele Ann Zirilli (o Zerilli), è invece di origine italiana, provegnente da na fameja emigrà inte i Stati Unìi a ła fin de l'Otosento da Vico Equense, da łe bande de Napołi.[14][15] I Springsteen gavea avesto altre do fie, Virginia (dita Ginny, nasùa inte'l 1950) e Pamela (dita Pam, nasùa inte'l 1962), drìoman atora e fotografa de suceso.[16]

 
Scurso de ła South Street a Freehold

Bruce xe cresùo in una fameja de ła cusìdita working class che ła se catava speso in condision conomeghe precarie. El pare, veteran de ła segonda guera mondiałe, el canbiava speso łaoro: in tenpi desconpagni el xe stà inpiegà cofà tasista, conduxente de autobus, operaio e vardia carceraria, el tuto alternà a periodi de dixocupasion; ła mare ła gaveva invese un łaoro stabiłe come segretaria in uno studio łegałe.[12][13][17] A cauxa de łe dificoltà finansiarie, el nucleo famejar xe stà costrenxesto a canbiar speso ałoxo: inisialmente Doug e Adele Springsteen abitava so un picoło partamento inte'l cuartier de Jerseyville, ma a ła nasita del fio i se ga trasferìi al numaro 87 de Rundolph Street in te ła caxa dei noni paterni;[18] inte'l 1954 può i se ga spostà in Institute Street e inte'l 1962, co' xe nasesta ła tersoxenita Pam, al numaro 68 de South Street in una viłeta a do piani in afito;[19] par calche tenpo i xe stà ospitai dai noni materni, i Zirilli.[12] El raporto de Bruce co'l pare jera conflituałe, contradistinto da łonghi periodi de siłenzio interasi a béghe rùspie , el che xe andà a detrimento de l'armonia famejar.[20] Inte'l 1969 Doug Springsteen xe emigrà infin in Całifornia co ła fameja par sercar łaor, ma el fio maxor – ormai grando – el xe restà a vivar in te ła caxa dei xenitori finmente che no'l xe stà sfratà.[21]

Bruce ga frecuentà ła scòła prima a l'istituto de ła so parochia, ła St. Rose of Lima, fra el 1955 e 'l 1963, par trasferirse drìoman a ła Freehold High School indove ch'el s'a diplomà inte'l 1967.[22][23] L'aprocio del toxo co ła scòła catołega no l'è stà fàçiłe: poco propenso ad adeguarse a ła rigida disiplina inponesta de łe mùneghe, el ga vivesto chel periodo co sofarensa rivando a ixołarse dai so coetanei.[18]

El primo incontro de Springsteen co ła muxica xe avegnesto a l'età de sete ani, el 6 de setenbre 1956, co'l gaveva asistìo a ła prima çełebre exibision de Elvis Presley all'Ed Sullivan Show, una de łe trasmision tełevixive pì popołari de l'epoca.[23] Ancora putèło, Springsteen ga deçidesto che'l sarìa vołesto deventar come Elvis e a Nadałe l'a otegnesto in dono na chitara xogatoło de plastega.[24] Do ani pì tardi so mare ga tolto in afito par Bruce un strumento vero, drìo ła promesa che'l toxo gavarìa ciapà łesion; a chel età però łe so man xera masa picenine e Springsteen ga perdesto interese presto de ła chitara par dedicarse al baseball e ad altre atività.[25] Inte'l 1963 el ga conprà na chitara acustica usaxa par ła cifra de 18 dołari, vadagnai grasi a picołi łaoreti inte'l cuartier, e 'l ga scominsià a cipar łesion da un so cuxin che ghe ga insegnà i primi rudimenti.[19][26] El xovanisimo Sringsteen a scumisià cusì a pasar un mucio de tenpo serà in caxa par sercar de mejorar ła so tècnega. Colpìa da l'inpegno de so fiòło, inte'l Nadałe del 1964 so mare ghe ga regałà na chitara ełetrica Kent e un anplificador: ła strumentasion xera costà 60 dołari che so mare se gaveva fata inprestar e che ła ga restituìo co regołari rate mensiłi. Ła chitara, a cui Springsteen ga dedicà drìoman ła canson The Wish, ga verxesto novi orixonti muxicałi al toxo che'l ga tacà interaxir maxormente co'l mondo esterno.[19][27]

Da adołesente Springsteen xe stà influensà da mùxega trasmetesta de łe stasion radiofoneghe de New York e Filadelfia,[28] restando tanto colpìo dal rock e in partegołar dai esponenti de ła British invasion, cuałi i Animals, i Beatles, i Rolling Stones e i Who.[12][19][27][29] Inaxonta, inte'l 1961 el ga asistìo a na exibision de Chubby Checker ad Atlantic City. El primo brano rock che Springsteen ga inparà a sonar co ła so nova chitara xe stà Twist and Shout dei Isley Brothers: ła canson xe stà sonada dal cantaudor par tuta ła so carièra come «bis» in cao dei so concerti.[28]

NotasionCànbia

  1. William Ruhlmann. [ Bruce Springsteen – Artist Biography]. Lingambo vardà el 11 novembre 2015(archiviato n'te ła data: 31 novembre 2014)
  2. Maurizio Iorio. Quarant'anni fa esce "Born to Run" e comincia l'epopea musicale di Bruce Springsteen. 25 agosto 2015. Lingambo vardà el 19 febbraio 2016(archiviato n'te ła data: 19 febbraio 2016)
  3. Cristian Degano. Bruce Springsteen – Il menestrello dell'Altramerica. Lingambo vardà el 11 novembre 2015(archivià dal lingambo del prinsipio n'te ła data: 31 ottobre 2014)
  4. (EN) Bruce Springsteen – The Rising. Lingambo vardà el 11 novembre 2015(archivià dal lingambo del prinsipio n'te ła data: 11 aprile 2018)
  5. Rachel Sklar. (EN) The Boss Picks A Boss: Bruce Springsteen Endorses Obama. HuffPost, 16 aprile 2008. Lingambo vardà el 11 novembre 2015(archivià dal lingambo del prinsipio n'te ła data: 11 aprile 2018)
  6. (EN) Gold & Platinum – Top Selling Artists. Recording Industry Association of America. Lingambo vardà el 13 gennaio 2016(archiviato n'te ła data: 13 gennaio 2016)
  7. (EN) Top Selling Music Artists of All Time. Lingambo vardà el 13 gennaio 2016(archivià dal lingambo del prinsipio n'te ła data: 13 gennaio 2016)
  8. Labianca, 2002, op. cit., p. 172.
  9. (EN) Bruce Springsteen. The Kennedy Center, 9 settembre 2009. Lingambo vardà el 11 novembre 2015(archivià dal lingambo del prinsipio n'te ła data: 11 novembre 2015)
  10. (EN) President Obama Names Recipients of the Presidential Medal of Freedom. Lingambo vardà el 22 novembre 2016(archiviato n'te ła data: 22 novembre 2016)
  11. Chris Epting, The Birthplace Book , (in inglese) Stackpole Books, 2009.
  12. 12,0 12,1 12,2 12,3 Kirkpatrick, op. cit., pp. 23-24.
  13. 13,0 13,1 Marsh, 2004, op. cit., pp. 21-22.
  14. Samuele F.S. Pardini, Bruce Zirilli: the italian sides of Bruce Springsteen, in Womack, op. cit., p. 97.
  15. El nome de ła fameja materna de Springsteen el xe indicà a volte come «Zirilli» e altre come «Zerilli». El nome famejar jera in efeti Zerilli, ma el canbio de vocałe l'è stà probabilmente fruto de na trascrision sbalià dovùa a ła deformasion de pronunsia tra ła łengua itałiana e cheła inglexa, come speso xe avegnesto par i imigrai itałiani registrai a Ellis Island. El steso Springsteen l'a confermà in pì ocaxion de aver orixeni itałiane (v. Valerio Bruner. «Come Bruce Springsteen è diventato "Paisà": intervista all'Associazione Culturale Pink Cadillac Music». Il Levante, 4 maggio 2013. URL verto in data 11 novembre 2015.).
  16. Colombati, op. cit., p. 532.
  17. Colombati, op. cit., p. 474.
  18. 18,0 18,1 Carlin, op. cit., cap. 1.
  19. 19,0 19,1 19,2 19,3 Colombati, op. cit., p. 608.
  20. Carlin, op. cit., cap. 3.
  21. Marsh, 2004, op. cit., p. 49.
  22. Kirkpatrick, op. cit., p. 25.
  23. 23,0 23,1 Labianca, 2002, op. cit., p. 11.
  24. Masur, op. cit., p. 17.
  25. Colombati, op. cit., p. 607.
  26. Labianca, 2002, op. cit., pp. 8-9.
  27. 27,0 27,1 Masur, op. cit., p. 23.
  28. 28,0 28,1 Carlin, op. cit., cap. 2.
  29. Marsh, 2004, op. cit., p.23.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Bruce_Springsteen&oldid=961527"