Ceza de San Pantałon (Venesia)

	Cèxa de San Pantałon
Epònemo	Pantałeon de Nicomèdia
Dati
Sorte	Ceza
Architeto	Francesco Comin (it)
Costrusion	sèculo XI; 1668
Dedicà a	Pantałeon de Nicomèdia
Caraterìsteghe
Stiłe architetònego	architettura barocca (it)
Materiałe	cuareło
Pozision
	Venesia
Pozision	Dorsoduro
	45°26′08.38″N 12°19′28.88″E
Atività
Diòseze	Patriarcàdo de Venesia
Rełijon	Catołega
Ligo web	sanpantalon.it

Ła céxa de San Pantałon xe un edificio lerigióxo de ła sità de Venesia, inte el sestièr de Dorsoduro. Se afàsa su'l canpo omonimo, no łontàn da canpo Santa Malgarìta. San Pantałon xe el corispondente veneto de San Pantaleone martire.

Storia

Łe notisie su łe orìxeni de ła Ceza xe insèrte e contraditorie. Alcuni aferma che sarìa stada costruìa inte el 1009 da Giordani, ma altri postisipa ła data al 1025 par el concorso dei Signolo e dei Dandolo. No xe ciàro gnanca quando che xe stàda costruìa ła parochia, forse inte el 1222, co sarìa stà rifato l'edificio e nominà piovàn Angelo Semitecolo. Infra el 1684 e el 1704 xe stàda ricostruìa patòca, parchè pericołante, su progeto de Francesco Comino. Xe stàda consacràda inte el 1745 dal patriarca Alvise Foscari.

In quanto parochial, San Pantałon xe conprexa inte el Vicaria' de San Poło-Santa Croxe-Dorsoduro, parte del Patriarcàdo de Venesia, El titoło de parochia ga dà esarghe stà atribuìo insìn da ła so orìxeni e ła so sircoscrision gera un mucio vasta. Inte el 1810 ła s'a ridòta notevolmente co l'istitusion de łe parochie dei Frari e de Santa Maria dei Carmini e co l'anpliamento de queła preexistente de San Nicołò dei Tołentini.

In orìxene ła gera afiłiàda a ła céxa de San Silvestro^[1].

Descrisión

Interno

Ła Ceza xe conosùa in quanto su'l sofito se ghe tròva Il Martirio di San Pantalon, òpara de Gian Antonio Fumiani, dipinta 'nfra el 1680 e el 1704. No se tràta de un afresco ma de un stragrando dipinto su teła, in ùltima el più grando del mondo. Se dixe ch'el Fiumani, dopo vintiquatro ani de łaóro, el xe morto cascando da na inpalcadùra mentre ch'el gera drìo finir de reałixarlo.

Altro dipinto intaresante xe el San Pantalon che risana un fanciullo, ultima òpara de Paolo Veronese (1587). Ne ła capeła del Sacro Chiodo, da ricordar l'Incoronazione della Vergine de Antonio Vivarini e Giovanni d'Alemagna (1444) e na Annunciazione de ła metà del Tresento atribuìa a Paolo Veneziano.