Ceza de San Zacaria (Venesia)
Ła cieza de San Zacaria el ze un edificio łerigiozo de ła sità de Venesia, situà inte'l sestièr de Castèło, 'rente el canpo che da st'altra el ciapa el nome.
 Ceza de San Xacaria | ||
| ||
| Nome inte ła łéngua orizenałe | (it) Chiesa di San Zaccaria  | |
|---|---|---|
| Epònemo | San Zacaria | |
| Dati | ||
| Sorte | Ceza | |
| Architeto | Antonio Gambello (it)  Mauro Codussi | |
| Costrusion | sèculo IX sèculo XV | |
| Dedicà a | San Zacaria | |
| Caraterìsteghe | ||
| Stiłe architetònego | architetura renasimentałe | |
| Materiałe | cuareło | |
| Canpaniłe | | |
| Pozision | ||
| Venesia | ||
| Pozision | Casteło | |
| ||
| Atività | ||
| Diòseze | Patriarcàdo de Venesia | |
| Rełijon | Cattolica | |
|
| ||
Storia
canbiaCieza stra antiga resałente a'l IX sècoło, a l'orizene de ła sità, ła ze stà łogo un mucio łigà a ła storia arcàega de Venesia.
Ła Cieza de San Zacaria ła se cata inte'l sentro de Venesia, visin de Piasa San Marco e a Pałaso Dogal.
El primo edifisio el ze stà costruìo inte'l IX sec., par reséver i resti de'l pare de San Giovanni Battista che i zera stài zlarghizài da l'inperadór bizantin Leone V a ła sità de Venesia par raforsarghene l'amicìsia.
I dozi Angelo e Justinian Partesipasio i fa zontar un monastièr de Benedetine, ch'l ze stà cazamentà n'altra volta soto el doze Orso I Partecipazio, da ła badésa Giovanna che ła zera ła fia. Inte l'ano 1105 un terìbiłe insendio l'a desfà, insieme a ła cieza, e se conta che pì de sento sore łe zera morte sfisiàe scondendose inte'l soteraneo oncora ancùo ezistente desóto l'altèr mazor.
.jpg)
In 'sto convento ga trovà ospitałità Papa Benedetto III inte l'ano 855 co'l zera in scanpàda da ła viołensa descaenada da l'antipapa Anastasio. Par reconosénsa a łe sòre benedetine el pontefise el zlarghiza un mucio de rełichie e se fisa ła consuetudene che inte'l dì 13 de setenbre, aniversario de ła consacrasion de ła cieza, el doze el vaga co ła sinjoria a farghe vizita a sta cieza.
El monastièr el reseveva łe donzełe de łe pì riche e nòbiłi famegie venesiane: tanti i ze i raconti so ła vita che se tenjiva in sto łógo, feste e bàgołi no i mancava par 'ste zòvane sòre che łe gaveva strasformà el so parlatoio in un ełegànte sałòto, mèda de conserti e spetacołi vari, co un continuo pełegrinagio de zòvani cavałieri mascarài.
Da'l brolo de łe mùneghe de San Zacaria A deriva ła moderna espresion itałiana de broglio, in cuanto oncora inte ła tardoza Repùblega de Venesia co tałe nome zera recordà na banda de ła piaseta antistante el Pałaso Dogal inte ła cuała zera uzi riunirse i ''Barnaboti", menbri de ła nobilità profligada, par métar in vendita el propio voto inte'l Major Consejo.
Descrision
canbia
La Cieza atual ła ze òpara cuatrosentesca de Mauro Codussi, a tre navàe, co vòlta a crozera, ła prezenta na fasada tripartìa da cołone binàe e 'verta da numaroze fenestre, in nùmaro decresente da'l baso verso l'alto, sorastàe da'l grando tìnpano ad arco soramontà da ła statua de San Zacaria. Łe òpare de decorasion in pièra łe ze dovùe a Antonio Gambello e Luca Taiamonte.
A'l so interno łe sepoltùre de tanti dozi e òpare de notevołe prezio intra cui na pała de'l 1505 òpara de'l Bellini, ''Madonna in trono col Bambino e santi'' e dipinti rafeguranti l'Adorazione dei Magi e l'Adorazione dei Pastori e la visita annuale del Doge alla Chiesa inte el dì di Pasqua (Adorasion dei Mazi e l'Adorasion dei Pastori e la vizita anuałe de'l Doze a ła Cieza inte'l dì de Pascua) . So ła parede interna de ła fasàda A ghe ze cuatro òpare de Antonio Vassilacchi dito l'Aliense.
Siti da vardàr
canbia- Schola San Zaccaria - Prexentasion de ła gałarìa d'arte. Imàxeni de łe òpare e presi
- Ceza de San Zacarìa - vixitar Venesia intra Ceze e bełése Archivià il 16 de agosto 2012 in Internet Archive.
Altri projèti
canbia
Wikimedia Commons el detien imàjini o altri file so Céxa de San Zacaria
el detien schemi gràfeghi so
| Controło de autorità | VIAF (EN) 253432463 · LCCN (EN) no00027870 · GND (DE) 4416010-0 · WorldCat Identities (EN) no00-027870 |
|---|