Joani Batista

Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da San Zuane Batista

San Joani dito el Batista o Joani Batista o Joani el Precursor (in ebraego: יוחנן המטביל; in grego: Ιωάννης ο Πρόδρομος "Joani el Precursor"; in grego antigo: Ἰωάννης ὁ βαπτίζων; in latin: Ioannes Baptista; in vèneto venesian: Xuàne; in arabo: Yūḥannā; Ain Karem, fine del I secoło v.C.Macheronte, tra el 29 e el 32 d.C.) el xè sta on profeta, predicator e martire provegnù da na fameja storega de prèti ebraega orixenaria da ła Xudea.

Joani Batista
Accademia - St John the Baptist by Titian Cat314.jpg
San Joani Batista tinto de Tisian Vecelio

martire e profèta

 
NasestoAin Karem, Regno de Erode, fine I secoło v.C.
MorestoMacheronte, Perea tra el 29 e il 32 d.C.
Santuàrio prinsipałeBaxełega de San Joani in Łateran a Roma
Ricorensa24 de giugno, 29 de agosto
Sinbołoxiaagneło, croxe
Patron debatistèri, canturi, carcerai, condanai a morte, monaghi, muxicisti, sarti, fabricaturi de forvevexe, fabricaduri de spade, trovatei, łavoraduri de coràme

BiografiaCànbia

San Joani Batista martirixà in tel 27 d.C. De lu ghe ne parla sìpia i Vanxełi che el storego ebreo Bepi Flavio.

El xera secondo cuxìn de Jexù. So mare, Santa Beta ła xera vecia e no ła połeva aver fioi, ła ga vudo ła vixita de ła Madona, mare de Jexù, l'ora gràvia pa òpara del Spirito Santo e el toxeto scorlava in pansa, in tel visinarse Jexù, oncora in te ła pansa de ła Verxene (Łuca 1, 39-45).

Ła nàsita del Batista ła xe sta preanunsià da l'Arcanxeło Gabriełe, conpario a San Xacaria, prete del tenpio e pare del Batista. Xacaria el xe restà muto par cualche tenpo parchè no ghe credeva a l'anunsio de l'Anxoło (Łuca 1, 13-20 ). San Xacaria cuando che xe nato el toxeto el ga scrito in te na tołeta el nome de Joani (Łuca 1,63) e secondo ła łexe del tenpo dopo oto dì ghe xe sta fato el rito de circoncixion.

El Batista xe sta on profeta che predicava ła conversion e el ritorno dei boni usanse morai. E xe sta el precursor del Mesia, e pareciò ła mision. Vivea in tel deserto e xera "vestio de pełe de cameło e de na centùra de coràme intorno ai fianchi e el so magnare xera cavałete e miełe selvadego" (Matio 3, 4). Dexunàva e faxeva na vita de pratega reljoxa mistega. El batexo che prategò a Jexù in te łe rive del Xordan el xera sol on rito de penitensa e no el sacramento del batexo come dopo ga istituio da Jexù. El Batista reconoseva in Jexù el Mesia, che no xera degno infati el dixeva "Vien dopo de mi colù che el xe pi forte de mi; al cual mi no so degno de indanociarme a desfrare i łigasi dei so sandołi" (Marco 1, 7). E oncora " - mi go bixogno de esere batexà da ti; e te vien da mi?" (Matio 3, 14). Dopo anca domanda ła conferma a Jexù de eser lu el Mesia, mandandoghe do desepołi, cuando el Batista el xera in prexon, i cuałi domandava a Jexù "sito ti cuel che ga da vegnere o ghemo da spetar nantro?" (Łuca 7, 19). E Jexù ghe da ła conferma co sta risposta "Ve a referìr a Joani cuel che gavì visto e sentio: i orbi riciaparà ła vista, i soti i caminerà, i łebruxi i vegnarà sanà, i sòrdi i sentarà, i morti i risusciterà, ai pòvari xe anunsià ła bona novèła. E beato chichesìpia no sarà scandałixà de mi!" (Łuca 7, 22-23).

Ma anca Jexù persa nantra considerasion, a so volta, del Batista, che definise come "el pì grando trai nati de dòna" (Łuca 7, 28).

MartirioCànbia

Gavendo condanà publegamente ła rełasion adulterina e parente (Erodiade) tratenù dal Re Erode, custù prima ga fato inprexonare el Batista (fasilmente in te ła fortesa de Macheronte) sensa intension de coparlo. Ma Erodiade ła ghea ła so cosensa che mordegava par el so pecà, ła ga vu l'ocaxion de vendegàre. Ła fioła de Erodiade gaveva dansà drio a on bancheto pa Erode, ma cuesto sodisfà, el ghe domanda cosa che ła vol in canbio; incità da so mare Salomè domanda ła testa del Batista, che sultio ła xe sta mesa in te on piato de arxento davanti a Erode, Erodiade e Salomè (Łuca 14, 3-12; Marco 6, 17-26).

RelìchieCànbia

El copro del Santo el xe deso conservà in te ła Cèxa de San Silvesto in Capite, a Roma. Ła vantièra de arxento che tien ła so testa in te ła Catedrałe de San Łorenso, a Genoa e on so deo se cata al Muxeo de l'Òpara de Firense.

PatronCànbia

De tute do łe sità el Batista el xe patron, anca del'Òrdene de Malta (Òrdene dei Cavałièri de San Joani). Patron anca dei petenàduri de łana, sarti pełisai, conciaduri de pełe, de albergaduri, de trovatei e de tante confraternite che on tenpo łe asistia i condanà a morte.

Altri projètiCànbia

Controło de autoritàVIAF (EN27863229 · ISNI (EN0000 0000 8705 0000 · GND (DE118557858 · BAV ADV10032631 · CERL cnp00554273 · WorldCat Identities (EN27863229
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Joani_Batista&oldid=795095"