Centomila gavette di ghiaccio
Centomila gavette di ghiaccio (in veneto: Sentomiła gavete de giaso) el xe on romanxo autobiografego de Giulio Bedeschi publicà inte el 1963 par ł'editor Mursia e el ga vinto el Premio Bancareła inte el 1964, otegnendo 86 voti so 140 schede vałide.[1]
| Sorte | òpara scrita  |
|---|---|
| Scheda | |
| Autor | Giulio Bedeschi |
| Łéngua | itałian |
| Publegasion | Itàłia , 1963 |
Curatore editoriale (it)  | Mursia |
| Dati e sifre | |
| Zènaro | romanxo autobiografego |
Composto tra el 1945 ed el 1946 Centomila gavette di ghiaccio el xe sta rifiutà da sedexe editori nasionałi prima che Mursia el gàbia decixo de publicarlo: da 'łora el xe diventà on cult de ła leteratura de guera co sirca tre milioni[2] de copie vendue in 130 ristampe e nove edision e tradusion in fransexe, spagnoło, portoghexe e olandexe.[3]
Trama
canbiaEl libro el conta de l'esperiensa in guera del sototenente medego Italo Serri (pseudonimo dedrìo el quale se sconde Bedeschi steso) durante ła seconda guera mondiałe.
Subito Serri el jera stà asegnà a un reparto de fanteria, e mandà sul fronte greco-albanexe inte el 1941. Dopo de lora el xe stà trasferìo al corpo dei Alpini, preso na bateria de artijeria da montagna che fxea parte de ła divixion alpina Julia.
Co sta unità Serri el vien mandà sul fronte ruso, in dove che el partecipa a łe operasion de l'Armata Itałiana in Russia. In tel diçenbre 1942, na controfensiva rusa scatenà par libarar ła sità de Stalingrado da l'asedio ła spaca el fronte itałian e el Corpo d'Armata Alpin (formà da łe divixion alpine Cuneense, Julia e Tridentina) el viene sacrificà par fermar l'avansar dei sovietici, e far in modo che łe unità itałiane e tedesche coinvolte in tel sfondamento łe podese ritirarse e riorganizarse. Dopo ver tegnù bota un mexe intiero, i alpini, el 17 de genaro 1943, ghe toca ritirarse, ormai çircondà dai rusi.
Scominsia cosita par Serri e i so conpari na tragica ritirata co na tenperatura de -30°, in tel tremendo inverno ucraino, sensa gnente da magnar e conbatendo de continuo coi rusi par scapar via.
El 31 de genaro 1943 a ła fin łe trupe alpine łe riva inte ła zona tegnùa dai ałeati tedeschi: de 60 000 uomini che jera partii, se ghe n'à salvà manco de 20 000, tra i cuałi Serri e pochi conpari de ła so bateria de artijeria.
Note
canbia- ↑ 1964, alla data 2 agosto, da sito web «Cronaca di un secolo in Lunigiana». Riportato il 31 otobre 2006.
- ↑ Istituzione Pubblica Culturale - Biblioteca civica Bertoliana. Giulio Bedeschi Archivià l'8 de febraro 2007 in Internet Archive. . Riportato il 31 otobre 2006.
- ↑ Istituzione Pubblica Culturale - Biblioteca civica Bertoliana (2004). «Bedeschi, Giulio - Cenni biografici» in Scrittori vicentini, libri par ragazzi. Appunti par una prima bibliografia (doc) Archivià il 29 de agosto 2006 in Internet Archive. , a cura di Lorenza Farina. Riportato il 31 otobre 2006.
el detien schemi gràfeghi so
