Ceza de San Łazaro dei Mendicanti

Ła cieza de San Łazaro dei Mendicanti ła ze un edifisio łerigiozo de Venesia, situà inte'l sestier de Casteło, fasà so el rio omònemo.

Ceza de San Lazaro dei Mendicanti
Epònemo	Lazzaro di Costantinopoli (it)
Dati
Sorte	Cexa
Architeto	Vincenzo Scamozzi e Giuseppe Sardi
Costrusion	1601
Dedicà a	Làzaro mendegante
Caraterìsteghe
Stiłe architetònego	architettura barocca italiana (it)
Materiałe	cuareło
Canpaniłe
	Venèsia
45°26′28.21″N 12°20′33.54″E45°26′28.21″N, 12°20′33.54″E
Atività
Diòseze	Patriarcàdo de Venesia
Rełijon	Catòłica

Storia

Za da'l 1224 gera prezente un ospeal dedicà ai łeprozi inte'l sestièr de Dorsoduro, dedicà a'l só santo proetor, San Lazaro mendicante, 'rente ła paròchia de San Trovazo.

Inte'l 1262 l'ospeal el ze stà trazlocà so n'ìzoła de ła Laguna de Venesia, ciamà par cuesto lazareto, o Ìzoła de San Lazaro.

Inte'l 1500 grasie a łe bonifeghe reałizàe par costruìr ła Bazéłega de San Zanipoło, da'l XIX sècoło, A ze stà recavà un spasio par ospitar un despìsio, intitoła a San Lazaro.

In poco tenpo el ze deventà anca un sentro de agregasion par la mùzega, de gran rimarco a Venesia.

Par sta Cieza inte'l 1793 el conponidor Simon Mayr el ga scrito Sisara, un oratòrio in do parte.

Deso ła ze deventà ła capèła de łaScoła Granda de San Marco, Ospeal Sivìl San Zanipoło de Venesia.

Descrisión

Scominsià inte'l 1601 so desenjo de Vincenzo Scamozzi, che'l ga desenjà ła Cieza a l'interno de łe ałe de ła fàbrica, come ch'A ga fato Andrea Palladio par ła Cieza de łe Zitełe.

Ła ze stada finìa inte'l 1631, ma ła fasada ła resałe a'l 1673 e ła ze òpara de Giuseppe Sardi. Costruìa inte n'ùnjoło ordene, co cołone conpozite che łe se łeva so alti pedestałi, sora el fronton triangołàr A se pol véder tre statue.

Ła rezulta partegołar par el gran vestiboło infrà l'intrada e l'interno de ła cieza, che'l parmete de izołarla dai rumori esterni durando i conserti.

Cui A ze ospità el monumento funebre a'l condotier Alvise Mocenigo, morìsto par deféndar Candia dai Turchi inte'l 1654. In stiłe baroco ła zera stà eseguìa da Giuseppe Sardi, e el ło raprezenta co łe vèste de amiràgio.

Ła pianta de ła Cieza ła ze a na ùnjoła navada, co in fondo un gran presbiterio cuadrà. So ła parede a dreta, de Paolo Veronese XVI sècoło, Cristo in croce, ła Vergine e San Giovanni, e so el segondo altàr Sant'Orsola e le undici vergini de Jacopo Tintoretto, XVI sècoło.

Bibliografia

• M.Brusegan, Le chiese di Venezia, Ed. Newton.

Altri progeti

Altri progetti

• Wikimedia Commons

• Wikimedia Commons el detien imàjini o altri file so Céxa de San Lazaro dei Mendicanti
• el detien schemi gràfeghi so