Ceza de San Fransesco (Trevizo)

	Cexa de San Fransesco
Epònemo	San Francesco de Sisa
Dati
Sorte	Ceza
Costrusion	1270
Caraterìsteghe
Stiłe architetònego	architetura romànega
	Trevizo
	45°40′05.88″N 12°14′51.72″E
Atività
Diòseze	diòseze de Trevizo
Rełijon	Cristiana catòłega de rito roman

Ła Ceza de San Fransesco^[1] ła ze un łogo de culto catòłego che'l se cata a Trevizo.

Storia

Inte i primi ani del XIII secoło el libaro Comun el ga emanà i Statuti che i ghe permeteva ai òrdeni rełigiozi de instałarse drento łe mure. Un grupo de frari fransescani mandà da'l steso San Fransesco, i zera rivà a Trevizo inte'l 1216 in un oratòrio dedicà a ła Madona inte ła zona oltra el Canjan Grando. Ła comunità ła ze deventà nùmaroza e inte'l 1231 i ga scomisià a costruìr la cieza e el convento. Inte'l 1270 ze stà finìo de costruirla.

Inte'l 1797 ła cieza ła ze stà ocupà dai fransezi e inte'l 1806 ła ze stà sopresa da łe łeze napołeòneghe. Ła ze stà cusì adibìa a fini miłitari e cofà stała. Inte'l 1928, daspò un restauro, ła ze stà revèrta. Ła cieza l'è pròpietà de'l Comun de Trevizo e fidàda ai frari fransescani.

Descrision

Architetura

Indéntro ła ceza

L'architetura de ła cieza ła ze de tranzision intrà el romànego e el primo gòtego.

Ła cieza ła prezenta na pianta a croze łatina, co do navade, de łe cuałe ła mazor ła ze pì alta e łarga de ła menor e ła ze coerta co sofito łinjeo a caròso de nave, invese ła minor ła ze pì basa e coerta co volta a crozera in muradùra e ła se conpone de sincue canpade.

Òpare d'arte

Inte ła łuneta sòra el portal A se cata un afresco atribuìo a Marco Veneziano (1235). A l'interno, so' ła parede sànca, se trova un afresco rafegurante San Cristoforo, òpara romànego-bizantina de'l fìn Duzento. Inte ła capèła mazor A se cata el depinto dei Quatro Evangełìsti; fursi òpara de un arlèvo de Tomazo da Modena.

Inte ła prima capèła a sànca A ze prezente na òpara de Tomazo da Modena, l'afresco de ła Madonna col Bambino e sette santi (1350). Inte ła segonda capèła a sànca ghe ze un afresco de'l Maestro del Feltro, Madonna e quattro santi de'l 1351.

Ła cieza ła ospita łe tonbe de algune parsone séłebri: Pietro Alighieri e Francesca Petrarca i pì inportanti. El primo, so fìo de Dante Alighieri, el zera zùdeze, poeta e comentador rezidente a Verona che'l desconparìo durando un sojorno a Trevizo, inte'l 1364. Ła segonda fìa de Fransesco Petrarca, ła ze morìa gravia durando el parto inte'l 1384.

Da ła cieza riva ła Sacra Conversazione (1840) de Alvise Vivarini, ancò a łe Gałarìe de l'Academia de Venesia.

Fora da ła cieza ghe ze ła statua de San Fransesco' òpara de'l scultor contenporaneo Roberto Cremesini.

Sacra Conversazione (1840) de Alvise Vivarini

Sacra Conversazione (1840) de Alvise Vivarini
Incontro di Gioacchino e Anna co san Luigi IX e santa Libera de Carpaccio

Incontro di Gioacchino e Anna co san Luigi IX e santa Libera de Carpaccio

Organo a cane

Inte'l braso de drèta de'l transeto A se cata l'organo a cane Mascioni opur 798, costruìo inte'l 1960. El strumento el ze a trazmision ełètrega a ła so consolle e el ga do tastadùre (tastiere) e pedałiere, ła ze łogàda a pavimento inte ła navàda.

Eco ła dispozision fònega de l'organo :