Ceza de San Zen in Oratorio
La ceza de San Zen in oratorio[1] conosùda anca cofà ceza de San Zeneto, l'è na ceza de Verona, situà visin a'l Castelvècio, on de i edifisi pì antighi dedicà a'l San Zen, patròno de Varona.
 Ceza de San Zen in Oratorio | ||
| ||
| Epònemo | San Zen vescovo  | |
|---|---|---|
| Dati | ||
| Sorte | Ceza | |
| Caraterìsteghe | ||
| Stiłe architetònego | architetura romànega | |
| Verona | ||
| ||
| Atività | ||
| Diòseze | diòseze de Verona | |
| Rełijon | Cexa catolega de rito roman | |
|
| ||
El nome de oncò l'è stà ciapà sol inte'l XVI sècolo, mentre in precedensa la ceza la jera conosùda cofà San Zeno orator (parladór) o San Zeno Orante, a càuza de la tradision che su 'sto liogo vede la salvanela de San Zeno, che cui el se sarìa retirà par pregar, par zonta la ceza la ospita el saso de fiume so'l cual, segondo tradision, San Zeno el pescava
Storia
canbiaLa costrusion atuale la se leva so cuel che resta de un edifisio roman sepolcrale, ma inte la só forma atuale, la ceza la risale a l'insìrca a'l XII sècolo, fasilmente levà daspò el devastante taramoto de'l 3 zenaro 1117. Inte'l 1336 la se cata inte l'elenco de le ceze parochiale sitadine. Inte i sècoli drioman la ceza la se jera richìda de nùmaroze òpare d'arte, anca se più volte la ga subì dani de le ezondasion de l'Àdeze. La ceza l'è stà sopresa inte'l 1807 par decreto napoleònego, restando serà fìn al 1816 cuando el Véscovo el la ga verta da novo.
Cuando San Zeno l'è stà serà, ga seguìo da parte dei napołeòneghi anca la spojada, par cui co l'è stà riverta, la gavéa bezonjo de restauri, ma durando el XIX sècoło par reabelìrla se jera recoresto a'l recùparo de òpare d'arte e architetòneghe che le venjéa da ceze desfà, cavàndoghe cusìta cuel'aspeto orizenal de la cezeta.
San Zaneto l'è stà da novo danezà in ocazion de ła seconda guera mondiałe, ma ze ndà pezo inte'l 1957 cuando la navada dreta de la ceza l'era crolà, destruzendo cusì intaresanti afreschi de età tardomedievale. Tutavia la ceza la prezenta oncora oncò tràse de afreschi de partegołar prezo.
La tore canpanaria la ospita cuatro bronzi cèi de notevołe intarese stòrego.
Bibliografia
canbia- G. Borelli, Chiese e monasteri di Verona, Verona, Banca popolare di Verona, 1980.
Voze łigà
canbiaAltri progeti
canbia
Wikimedia Commons el detien imàjini o altri file so Ceza de San Zen in Oratorio
el detien schemi gràfeghi so
Cołegamenti esterni
canbia- Scheda de la cexa su verona.com Archivià il 30 de agosto 2011 in Internet Archive.
- ↑ o sevente altre grafie Cexa de San Zeno in Oratorio