Ceza de Sant'Alvize

	Ceza de Sant'Alvise
Epònemo	Ludòvico de Tołoza
Dati
Sorte	Ceza
Costrusion	1338
Dedicà a	Ludòvico de Tołoza
Caraterìsteghe
Stiłe architetònego	architetura gòtega
Materiałe	cuareło
Canpaniłe
Pozision
	Venesia
Pozision	Canarejo
	45°26′51″N 12°19′45.12″E
Atività
Diòseze	Patriarcàdo de Venesia
Rełijon	Catołega
Ligo web	santalvise.venezia.it

Ła céxa de Sant'Alvise xe un edificio lerigióxo de ła sità de Venesia, situà inte el sestièr de Canaregio, afasà inte el canpo omonimo.

Storia

Ła Ceza dedicàda a San Lodovìgo da Tołosa, a Venesia famoxo conosùo cofà Sant'Alvise, xe stàda fata costruìr inte el 1383 da ła xentildòna Antonia Venier, insieme a el monastièr xontà, inte el pónto che ghe xe stà sugerìo dal Santo che deso ghe xe aparso in sogno. In sto monastièr se gà ritirà ła stesa dona, seguìndo ła regoła agustìniana.

Descrisión

Costruìa co senplici modułe gotiche, a pianta baxełegàl.

Ła fasàda xe senplicisima, se ghe nòda sìe lesene un fià spòrxenti, cołegàe da archéti ogivałi che segue tuto el coronamento.

El portàl in piera de Istria, xe richìo da na statua quatrosentesca del santo.

Statue, altèri e màlmari sìesenteschi parecia łe paréde.

Statua di San Lodovìgo da Tołosa

A rendar oncora più beła sta Ceza ła prexensa del barco, el tìpego coro pènsiłe, soreto da do cołone fiłiformi e barbacàni gotici. Altro aparir un mondo beło łe gràde in fero batùo drìo a łe cuałe se scondèa łe mùneghe.

Soto, a sànca del barco, ghe xe òto tołéte rafeguranti epixodi biblici, atribuìe a Lazzaro Bastiani.

Łe òpare de maxór prestigio de ła céxa, xe tre dipinti de Giambattista Tiepolo reałixài infra el 1737 e el 1470:Incoronazione di spine e Flagellazione su ła navàda drita e Salita sul monte Calvario su na paréde del presbiterio. Beło, posto danànsi a sto ùltimo quadro, anca el dipinto de Angelo Trevisan Orazione di Cristo.

Su'l setesentesco alter in maramo połicromo ała paréde sànca xe poste tre statue atribuìe a Giovanni Maria Morlaiter.

El canpanièl ga' mantegnùo el so aparir orixinàl gotico del XIII secoło. Se prexenta in còto co un còspedo a pigna e co gułie sui cantóni.

El convento de łe mùneghe su ła banda drita gera orixinalmente formà da do giòstri dei cuałi deso ghe ne resta intato soło che uno, e da un portegà co cołone in stiłe gotico e archi a tuto sesto. In tenpi moderni el convento xe stà ocupà da łe Figlie della Carità.