Ła ciupinara o cipunara o topinara ła xe un mamifero de ła fameja dei Talpidae (nome sientifego Talpa europaea). In todesco se dixe Maulwurf, in inglexe mole, in italian talpa. Łonga 10 — 17 cm, ła ga na coa de 2 — 4 cm e ła pesa dai 60 ai 120 grami. Ła pełicia ła xe mora, i oci i xe do bałete more (no xe mia vero ke ła xe orba, ła ghe vede). Ła magna but, bauti e bai ke se trova drento ła tera dei prà e dei canpi.

Ciupinara
Errore Lua in Modulo:Imajine_sinotego alla linea 37: Tried to read nil global catNonCompatibile.
Stato de conservasion
Clasifegasion sientìfega
PhylumChordata
ClaseMammalia
FamejaTalpidae
SpeceT. europaea
Nomenclatura binomenałe
Talpa europaea
Linnaeus, 1758
Nomi comuni
topinara, tupinara, ciupinara, cipunara
solva, rùmoła
Areałe de distribusion
Map of range mole.jpg
Talpa europaea distribution map.svg

AnbienteCànbia

 
Na ciupinara ke xe drio vegner fora dal so gnaro

Ła ciupinara ła pol vivare fin ai 2400 metri sul liveło del mar e se pol trovarla in tuta Eoropa, dała Gran Bretagna (no in Irlanda) fin ai Urali, in Caucaso e anca in Siberia. Se vede ke ghe xe ciupinare in un prà par via de łe montagnołe de tera ke se trova una drio l'altra.

 
El sistema de gałerie sototera ke ga i gnari de łe ciupinare

Soto ghe xe i gnari, ke xe fati co na camara tonda, de 8 cm de diametro e do coridoi circołari concentrici ała camara: il pi groso al steso liveło, el pi picoło un poco pi in alto. Dała camara va su al coridoio pi picoło 3 gałerie e da questo va xo al coridoio pi grande 5-6 gałerie. Dal coridoio pi grande e pi baso parte 8 — 10 gałerie ke łe porta fora. Co sta specie de labirinto, ła ciupinara ła se difende dai predatori ke vien drento i busi dei so gnari.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Ciupinara&oldid=1051842"