Conselve

**Conselve**
	; Domo de san Łorenso ;
Pozision
	45°14′00″N 11°52′00″E
Stato	Itàłia
Rejon	Vèneto
Provinsa	provincia de Pàdoa
Capitałe	Conselve (it)
Popołasion
Totałe	9 957 (2023)
Densità	409,92 hab./km²
Zènaro
Demònemo	conselvani ,
Zeografia
Parte de	Union dei comuni del Conselvan
Àrea	24,29 km²
Altitùdene	7 m
Rente a	Are ; San Piero Viminàrio ; Terasa Pàdoana ; Cartura ; Bagnołi de Sora ; Triban
Dati istòreghi
Dì festivo	Festa patronałe(10 de agosto)
Patrono	Lorenso màrtiro
Còdazi de identifegasion
Còdaze postałe	35026
Còdaze de matricołasion	PD
Fuzo oràrio	UTC+1 ; UTC+2
Clasifegasion climàtega	clima subtropegałe ùmido
Prefiso tełefònego	049
ID ISTAT	028034
Còdaze catastałe de Itàlia	C964
Sito web	comune.conselve.pd.it…

Conselve el xe un comun de 10130 abitanti de ła provincia de Pàdova, catà a 21 km dal caołogo. Ła ga dó frasion: Pałù (470 abitanti), forse pì antiga de Conselve stesa, e Beoło (340 abitanti), cresesta co ła prexensa de ła fameja venesiana dei Basadonna.^[2]

Istoria

I primi documinti che i parla de Conselve i vegne dal 954 e i parla de un posto ciamà Caput Silvae; na strasformasion ła se varda xà inte na donasion del 983 che ła parla de Causelvo; ła forma squaxi definitiva ła se cata inte el 1297, co che na dèsima ła sita el nome Consilvis.^[3]

I primi feudatari de ła campagna de Conselve i xe stai i Da Baon-Conti, che i vegnéva da Pàdova. El teritorio el ga subìo ła tirania dei Ezełini: Ezełino III da Roman el xe stà scomunicà dal papa Lisandro IV par ła sóa cativeria, unìa a ła condana de erexia. Contro de łu ła xe stada organixada na crociada durante ła qual Ezełino, sconfito a Parnumia, el xe pasà par Conselve e'l ga sachejà e bruxà el paéxe.^[3]

Conselve ła xe stada un comun lìbaro infrà el XIII e'l XIV sècoło. L'invaxion dei Scaligeri ła ga fato deventar ła podestaria un vicariato, che el ga avesto na vita tormentada par via de łe lote infrà i visini pì putinti. L'ultimo vicario, che el vegnéva da Basan, el ga fato tirare su el pałaso de ła Vicaria.^[3]

Durante i tinpi soto ła Repùblica de Venesia el teritorio el xe mejorà dal ponto de vista econòmego: inte el 1556 el governo sentrałe el ga ordinà bonìfeghe e na regołasion dei cursi de aqua. El decreto el prevedéva anca ła prexensa de un magistrato de łe aque par controłar. Inte el 1518 el Sansovin el ga projetà ła maravejóxa viła Lazara de Pałù, de ła qual uncó no resta che l'oratorio. Conselve ła jera parte de un comun ùgnoło che el 'ndava da Anguiłara fin a Bataja.^[3]

Daspò el 1797 ła xe deventada parte del'Inpero d'Austria e inte el 1866 el xe rivà el Regno d'Itałia. Durante ła Seconda Guera Mondiałe ła popołasion conselvana ła ga partesipà a ła rexisténsa contro i fasisti e i nazisti. Ła libarasion ła xe vegnesta el 28 de avriłe 1945^[3]