Dexe
locałità
Natività di Maria (4) (Dese, Venice).jpg
Ła Ceza de ła Natività de Maria in piasa f.lli Pomiato
Locałixasion
StatoItàlia Itàlia
RejonVeneto – stema Veneto
Sità metropułitanaVenesia – stema Venesia
ComunVenesia
Teritorio
Coordinae45°31′45″N 12°18′14″E / 45.529167°N 12.303889°E45.529167; 12.303889 (Dexe)Coordinae: 45°31′45″N 12°18′14″E / 45.529167°N 12.303889°E45.529167; 12.303889 (Dexe)
Altitudinem s.l.m.
Altre informasion
Còd. postałe30173
Prefiso041
PatronoNatività di Maria
Carte interative

Dexe xe na locałità del comun de Venesia situà a nord-est de Mestre e conprexa 'nteła munisipałità de Favaro Veneto[1]. Raprexenta l'ultimo sentro abità del comun de Venesia prima del confìn coMarcon. El nome xe łigà al fiume omonimo che score 'rénte l'abitato.

StoriaCànbia

Ła visinansa ad Altin fa pensar che in xona fusse ben diramà ła prexensa umana sin da l'età romana. L'ipòtexi xe conprovàda anca dai numaroxi reperti archeołogici catà (anfore, ceramiche, na vera da posso).

Durante el medioevo, el teritòrio xe decadùo e se gà salvadegà. El sentro s'a sviłupà datórno a ła Ceza de Santa Maria Nassente, ricordàda xa inte el 1152 cofà capeła co fóntego batiximałe dipendente da ła parochia de Tesèra. L'antiga Ceza xe stàda butàda xo inte el 1940, co xe stà ultimà l'atuałe edificio rełigióxo.

I tereni de ła xona, recuperà co diverse òpare de bonìfega, gera posedimenti de fameje patrisie (intra łe cuałe i Collalto) e de monastièri ed istituti rełigióxi co sede a Venesia. Tutocio', come che se nòta su na carta, oncora inte el 1816 el teritòrio se caraterìxa par la prexensa de anpie selve, restànse de ła granda foresta che un tenpo se esténdea da ła Łaguna de Venesia a łe Prealpi Venete.

Neła parte meridionałe de l'abitato, in via Cimitero Dese, ghe xe na tóre medievałe (ła cussì dita tóre de Dexe): alta debòto 20 metri, a piànta quadra, guarnìa de merladura in sima, xe stà costruìa in ùltima intórno al XII secoło; ła faseva verosimilmente parte de un sistema de presidi dei teritòri del pian, che svòlxeva contemporaneamente el dovér de rimàrco, difexa e comunicasión [2].

A póchi km de distànsa ghe ne xe naltra simiłe (Tóre de Tesèra).

Infrastruture e trasportiCànbia

Dexe xe servìo da alcune łinee automobiłisteghe de l'ACTV da l'area urbana de Mestre, che ło cołega a Venesia e Mestre.

Inaxonta xe prexente in prosimità del centro abità un svincoło che se cata so' l'A57-Diramasion Aeroporto che consente un fasiłe cołegamento co l'A57 Diramasion de Mestre e l'aeroporto Marco Poło.

NoteCànbia

  1. http://www.comune.venezia.it/flex/cm/pages/ServeAttachment.php/L/IT/D/D.691a8a7312b9407917f6/P/BLOB%3AID%3D8719
  2. Storia del territorio dal Sito del Comune di Veneziacomune.venezia.it. URL vardà il 23-01-2009.

Altri progetiCànbia

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Dexe&oldid=1026045"