Discusion:Citrus limon

Ultimo commento: 10 anni fa di GatoSelvadego

No xe che sta voxe ła gavaria da eser spostada so Łimonaro (o Limonaro se preferì) sendo un àlbaro?--Ciaurlec (msj) 22:38, 30 zen 2014 (CET)Rispondi

Mah, mi go senpre dito Limonara. Come che digo anca bronbara e siarexara (però dixo figaro, pomaro, peraro)... Ma magari ła xe na ròba tipega de ła me variansa. Del resto sta voxe ła gheva scominsià Frigotoni che, esendo da Basan, el parla come de mi, e donca co ła ghevo spostà da Limon a Limonara el jera d'acordo.--GatoSelvadego (msj) 20:27, 31 zen 2014 (CET)Rispondi
Se esiste anca ste varianti par łi albari, revoco ła me proposta. Par ła cronaca a Venesia el singołar de ste piante ło go senpre sentio far in "er" (figher, lauraner, perer...), sendoghe pochi albari parò no łi xe miga termini tanto comuni da poder far confronti intra łe varie piante. --Ciaurlec (msj) 17:20, 3 feb 2014 (CET)Rispondi
Si voaltri (co TV e BL) gavì el final in -er. I altri in -aro (a parte inte'l nord-ovest 'ndove che se cata anca -ar).--GatoSelvadego (msj) 13:41, 5 feb 2014 (CET)Rispondi
Te 'l primieròt i àlberi i à scuaxi sènpro la terminaẑion in -èr, ma ghe n'é dele eceẑion tipo "peẑ" o "lares" (mai sentist -ar, -aro o -ara). Comuncue se "limonara" el ghe n'é anca sol te na varianẑa basta par cénerlo così. --Tn4196 cónteme 21:12, 5 feb 2014 (CET)Rispondi
Parché el primieròt el fa parte del grupo "orientałe". El grupo sentrałe (RO-PD-VI) el ga -aro, -ar invese se cata inte'l nord veronexe e in trentin xona Roveredo. Oviamente se faxeva riferimento soło che a i àlbari da fruto, parché chealtri no i finise in -er/aro/ar da nisuna parte (par exenpio da mi se dixe "peso" e "łarexe"). PS: Che finise in -ara ghe xe anca "nogara". Limonara in venesian dovaria èsar "limoner". E go catà anca ła forma "limonera".--GatoSelvadego (msj) 20:17, 6 feb 2014 (CET)Rispondi
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Discusion:Citrus_limon&oldid=666483"
Torna a ła voxe "Citrus limon".