Discusion:Vestiàrio

Sarìa da spostar sta voxe, no'l xe un termine nostran. Però no go idea de cuaƚe che podarìa èsar el termine pì giusto: àbito? Vestìo? PS: E po ƚa siarpa ƚa xe un acesorio...--GatoSelvadego (msj) 19:00, 8 ago 2014 (CEST)

A Primier se dis "le arte" o (parò pì recènte, pense) "i vestiđi". Comuncue sarìe de uniformar sta voxe a la Categoria:Vestiario o Categoria:Abijamento. --Tn4196 cónteme 20:23, 8 ago 2014 (CEST)

Mi ghe ciamo "arte" soło che a ła ròba co xe sta pena fata ła lisia e ła xe da stendare... No ło go mai doparà, ne sentìo doparar par ła ròba suta da metarse indoso. PS: La categoria vestiario ła go creà mi uncò co jero drio darghe na sistemadina a ła voxe camixa... penso de spostar de łà praticamente tute łe voxe che ghe xe so chealtra man man che łe revardo.--GatoSelvadego (msj) 20:34, 8 ago 2014 (CEST)