Verxi el menu prinsipałe

Na ditatura miłitare xé na forma de goerno autoritaria andove el podere pułitego el xé ciapà tuto dai miłitari.

Come tute łe ditature cheła miłitare połe esare ciamà cusì in maniera ufisałe o anca no, cioè che alguni ditatori miłitari i xé formalmente subordinai a on goerno siviłe o no.

Ghe xé anca forme intermedie, andove i vertexi de łe forse armae łe dà na fortisima influensa n'tel Paexe, sensa parò reprimare del tuto łe libartà democrateghe.

CaraterixasionModìfega

Ditature miłitari in LatinoamericaModìfega

Algune ditature miłitari łe xé guidae da on organo cołejałe, che n'tei paexi latinoamericani xé tradisionalmente denomenà xonta (da el spagnolo "junta", 'comitato', 'consejo'), conposto da miłitari de łe varie forse armae de locasion pì alte.

Altre ditature miłitari łe xé del tuto n'te łe man de on soło alto ufisałe, sołitamente el comandante supremo de łe foree armae. El presidente de ła xonta o el comandante unico i połe tore ła carega de capo de Stato.

Ditature miłitari in AfricaModìfega

In Medio Oriente e en Africa, i goerni miłitari i xé, de pì che da altre parti, controłai da na podente personałità e i gà anca masa i carateri de on autocrasia, xontà a quełi de na ditatura miłitare.

Leader come Idi Amin Dada, Mu'ammar Gheddafi e Gamal Abd el-Nasser i ga sercà de far cresare el proprio culto deła personałità, devegnendo l'enblema steso de ła nasion sia drento che de fora de chełi paexi.