Medio Oriente

El Medio Oriente

Disendo Medio Oriente se indica in xeneral la region giografica de l'Asia sud-osidental, da l'Egito fin a l'Iran. La xe na region calda e suta, con poca piova e poca aqua; però d'altra parte molti paesi de l'area i ga un mucio de petrolio. I prinsipai popoli che vive in sta xona i xe i Arabi, i Turchi, i Iraniani e i Curdi. La religion prevalente la xe quela musulmana. El Medio Oriente el ga na storia vecia de mileni: qua se cata alcune de le siviltà pi vece de la storia, come quela egiziana e quele mesopotamiche. Senpre qua inoltre ga vu origine le tri grandi religion monoteiste, cioè l'Ebraismo, el Cristianesimo e l'Islam.

Stati

I Paesi che de solito se include ne la definizion comune de la xona i xe:

Iran Turchia Siria Libano Israełe Palestina Arabia Saudìa

Kuwait Emirai Àrabi Unii Oman Jemen Qatar Zordania Egito

Altri progeti

Commons

• So Commons ghe xe dei file multimediałi so Medio Oriente