Verxi el menu prinsipałe
Nota disambigua.svg
Nota disambigua.svg
Nota dixanbìgua - Se te sì drio sercar la rejon giografica, varda Sudan (rejon)
Sudan - Sudan-text.svg
Sudan - – Bandiera Sudan - - Stemma
(dettagli) (dettagli)
Al-Nasr Lana [1]
Sudan - - Localizzazione
Dati amministrativi
Nome completo Republica del Sudan
Nome ufficiale (AR) جمهورية السودان, Jumhuriyat as-Sudan
Lingue ufficiali arabo
Capitale Khartum  (1.974.780 ab. / 2005)
Politica
Forma di governo giunta miłitare
Capo di Stato Omar Hassan Ahmad al-Bashir
Capo di Governo Omar Hassan Ahmad al-Bashir
Indipendenza 1° de genaro 1956
Ingresso nell'ONU 12 de novenbre 1956
Superficie
Totale 1 886 068 km² (16º)
% delle acque 5,18%
Popolazione
Totale 39 148 162 ab. (2004) (32º)
Densità 15 ab./km²
Geografia
Continente Africa
Fuso orario UTC +2
Economia
Valuta sterlina sudanexe[2]
PIL (nominale) 84 755 milioni di $ (2005) (62º)
PIL pro capite (nominale) 2 522 $ (2005) (133º)
ISU (2004) 0,516 (medio) (141º)
Varie
Codici ISO 3166 SD, SDN, 729
TLD .sd
Prefisso tel. +249
Sigla autom. SUD
Inno nazionale نحن جند للہ جند الوطن, Nahnu Jund Allah Jund Al-watan[3]
Festa nazionale 1° de genaro
Sudan - - Mappa
 

El Sudan, ufisialmente, ła Republica del Sudan (in arabo جمهورية السودان الديموقراطية) el xe on Stato de la Africa oriental, int'el Corno d'Africa.
El confina co ł'Egito a nord, ła Łibia a nordovest, el Ciad a ovest, ła Republica Sentrafricana a sudovest, el Sud Sudan a sud, ł'Etiopia a sudest e ł'Eritrea a est; el se afacia sol Mar Roso a nordest.

Indice

EtimologiaModìfega

El nome del Sudan vien da l’arabo Bilad es Sudan, che vol dire "paexe de i neri".
Bisogna però tegnar conto che sudan, en arabo, gha anca el significà de "sciavo": el Sudan xe sempre stà un serbatoio de sciavi per i marcati de l’Arabia e del Maghreb.

GiografiaModìfega

  Par saverghene de pì, varda ła pajina Giografia del Sudan.

El ga 'na superfisie de 1 886 068 km²[4].

Ghe xe qualche montagna al confin con l’Uganda.

Tuto el Sudan fa parte del bacin idrografico del Nilo. El Nilo entra nel Sudan a Nimul, al confin con l’Uganda; el forma le paludi del Sudd e riceve le acque del Nilo Azuro a Khartoum; el riva al confin con l’Egito traversando la Nubia.
La costa l’è longa sirca 600 km.

El nord del Sudan l’è desertico, mentre el sud gha savane e foreste.

StoriaModìfega

  Par saverghene de pì, varda ła pajina Storia del Sudan.

AntighitàModìfega

Da ricatamenti archeologici se sa che el Sudan xe sempre stà abità da i tempi preistorici.

El Sudan l’è nomenà ne la Bibia col nome de Kush.
El regno de la Nubia, nel sud de l’Egito e el nord de el Sudan de ancò, xe stà un regno potente. I Nubiani gavea acetà la cultura egizia, e i xe stà lori a reconquistar l’Egito dop che i Hyksos, popolazion semita de la Assiria, gavea ocupà el baso Egito[5]. La Nubia xe el vero paexe de le piramidi, ghe ne a bizefe.

I romani no gha mai ocupà el Sudan, ma i gha mandà de i grupi de esploratori che i è arivà en tel nord de l’Uganda e gha lassà na descrizion de le paludi del Sudd.

Nel III e IV secolo d.C. el cristianesimo xe rivà en Sudan, portà da misionari del nord Africa e del Medio Oriente.
I regni de Makuria, Nobatia e Meroe i gha acetà ła nova fede e ancora ancùo se pol vedar i resti[6] de le cexe e dei palazi de sti re.

Nel 640, quando i arabi i gha tentà de conquistar el Sudan, i re cristiani gha resistio. El condotier Abdallah ibn Saad no l’è stà bon de vinsar e gha sotoscrito un tratato de pace che xe resistìo fin al 1275.

Nel 1276, i Mameluchi che controlaa l’Egito i gha atacà la Nubia n’antra olta conquistando Dongola, la cavedal de Makuria. I arabi ie entrà nel nord del Sudan, ma no gha podesto andar en tel sud parchè ghera la mosca tse-tse che ghe dava problemi a le bestie.

ModernitàModìfega

Nel 1820, l’Egito atacò n’antra olta el Sudan par sicurarse el marcà dei sciavi.

I misionari catoleghi gha tentà varie olte de far rinascar la fede cristiana en tel nord, ma i no ghe mai reussidi.
Nei ani cinquanta del 1800, i misionari veronexi[7] del don Nicola Mazza ie riussìi a ndar en tel sud.

Nel 1882 Muhammad ibn Abballa se dichiarò el Mahdi[8] e gha conquistà tuto el nord del Sudan. Dopo verghe conquistà Khartoum, el Mahdi xe morto zoino.
El so sucesor, Khalifa, ga governà el Sudan fin che i inglexi ie riussìi a vinsar la bataglia de Omdurman (1898).

Co sta vitoria, i inglexi gha ciapà el controlo del paexe. Nominalmente i lavoraa co i egisiani, ma i veri paroni iera lori.
I inglesi gavea na regola: divide et impera[9], anca en Sudan, i inglexi gha diviso el paese en zone de influenza. I permetea el lavoro de i misionari, catoleghi e protestanti, nel sud, sopratuto per far scole e svilupar la zona. Ma i europei no podea lavorar libaramente al nord.

IndipendensaModìfega

El Sudan xe divantà indipendente nel 1955.

Subito dopo, el sud gha scominzià la prima guerra civile [10] parche i sudisti no volea star soto el nord, ma partecipar a la vita del paese en modo paritario ai musulmani. Nel 1964, el governo musulmano del nord gha espulso tuti i misionari[11]. che lavoraa al sud.
Nel 1969, Gaafer Mohamed Nimeiri gha fato un colpo de Stato sostenù da i comunisti.
Sta guera andò vanti fin al 1972, quando el acordo de Addis Abeba fu firmà dai i rapresentanti del sud e del nord.

La paxe no la andò vanti par tanto. Nimeiri l’era un ditator che volea impor la lege islamica su tuti, anca i cristiani; no ghera gnanca libartà de stampa e de movimento.

Nel 1983, i soldai del sud che stava a Bor gha fato un amutinamento, scominsiando la seconda guera civil.[12] El leader del sud xera John Garang che gha guidà la revolta fin a la fin del 2004.
Nel 1989 co un colpo de Stato, el soldà Omar Hassan Ahmed el-Bashir el ga asunto el governo. El-Bashir gha continuà con la politica de oprexion de le popolazioni marginali.

Dal 2003 la guera del governo la va anca contro el Darfur[13].
El governo central paga i i milisiani arabi janjaweed par copar la gente e distruzar i vilagi del Darfur. La comunità islamica no la dixe niente parchè gha interesi politici, economici[14] e anca parchè i darfuriani xe musulmani, ma neri e quindi considerai manco importanti de la popolasion arabizada del nord.

Nel janaro 2005, i acordi de pace[15], relativi a la guera intra nord e sud, ie stà firmà a Nairobi.
El 30 de lujo del 2005, Garang l’è stà copà e Salva Kiir, el so vice, l’è diventà presidente del sud e vice-presidente del Sudan.

El 9 de lujo 2011 el Sud Sudan el xe diventà indipendente.

PoliticaModìfega

Atualmente el Sudan el xe 'na republica presidensiałe ma tegnù da na giunta miłitare.
El governo de Khartoum l’è guidà da Omar Hassan Ahmed el-Bashir.

La capital xe Khartoum.

DemografiaModìfega

EtnieModìfega

Al nord ghe xe tribù nere arabizate: la xente se considera de cultura araba.

Nel Darfur ghe xe tribu’ nere.

Al sud i popoli ie in majoria nilotici. I grupi majori xe i denka, i shilluk, i bari, i zande. Ghe anca grupi come i acholi che se cata anca en Uganda.

ReligionModìfega

La majoria de i sudanesi xe musulmani (60%).
Le religioni tradisionali le xe sevie da el 27% de la xente. I cristaiani i xe el 14% (i catoleghi xe el 13%).

LengoeModìfega

Al nord la xente usa la lengoa araba.

NoteModìfega

  1. Tradusion: "Ła vitoria ła xe nostra"
  2. dal 9 de genaro 2007
  3. "A semo ł'exercito de Dio e deła nostra tera"
  4. En termine de superficie el jera el Stato pì grando del continente african prima de l'independensa del Sud Sudan.
  5. el nord de l’Egito
  6. I ricatamenti i xe stà fati da l’Università de Varsavia e dal riceratore veronexe Giovanni Vantini.
  7. Tra lori ghera anca Daniele Comboni che sarà el fondator de i misionari comboniani che tanto gha laorà nel Sudan.
  8. che vol dir "mesia"
  9. in latin "dividi e comanda"
  10. ciamada de i Anya Nya da el nome de uno de i movimenti separatisti de el sud
  11. I xera quasi tuti comboniani, tanti dal Veneto
  12. Pi de do milioni de persone xe morte par colpa de la guera.
  13. na region granda na volta e meza l’Italia
  14. el Darfur l’è rico de petrolio e altri minerai che ghe interesa a la Cina
  15. I acordi de pace dixe che nel 2009 ghe sarà un referendum par vedar se el sud vol star col nord o far no Stato indipendente. El problema xe che el nord nol vol perdar el sud, dove ghe petrolio, legno, minerai de tuti i tipi e diamanti.[citasion nesesaria]