Repùblica Presidensiałe

Ła republica presidensiałe ła xé na forma de goerno republicana, che ła apartien a łe forme de democrasia raprexentativa, andove che el poder executivo, overosipia el goerno, el vien conduxesto e tegnuo sù da el Presidente de ła Repùblica che el xé sia el capo de Stato sia el capo de goerno. El presidente el nomena i ministri e el połe anca sostituirli inte el caxo de varie problemadeghe. Domente, el Parlaménto el ga soło el poter legislativo.

Le forme de guerno intè el mondo. En blu i sistemi presidensiali puri, en xalo le republiche semi-presidensiali

Xeneralmente el presidente el xé democradegamente ełexesto diretamente dai sitadini e forma el so goerno; visto che l'è el capo de Stato no ghe serve el voto de fidusa parlamentare anca parché, ghendo xà otegnuo el voto de ła maxoransa dei sitadini, nol ghe serve ła fidusa dei so raprexentanti. Ła lejitimasion traverso el voto, ghe dà al presidente na ciara superiorità rispeto ai so ministri, no sempre rimarcada intei sistemi parlamentari.

Exenpi de Republiche presidensiałiCànbia

Ditature presidensiałiCànbia

Caraterixasion inte i Stati Unìi de ła MèricaCànbia

Ła forma de goerno presidensiałe (USA) ła xé cheła andove el Capo de Stato el xé ełeto diretamente dal popoło, nol połe esare sfidusà e el so mandà e infine presiede e dirixe Goerni da lù nominai.

Sta forma de goerno xé tipica dei Stati Unii: el Presidente in realtà xé eleto dai Grandi Eletori (in numero igual ai deputai e senatori de ogni stato membro) che dopo i elexarà el Presidente e el Visepresidente; no existe njianca on organo ciamà Goerno, ma sołamente on Gabineto componesto dai Secretari de Stato che nol ga algun raporto col Congreso (Parlamento), formà dal Senato (2 raprexentanti par ogni Stato) e da ła Camara dei raprexentanti (so baxe nasionałe proporsionałe a ła popołasion), che njien rinovà ogni dù ani e el ga el podere lexislativo.

Presidente e Congreso i l'è indipendenti l'un da l'altro, anca se el primo ga el podere de veto sospensivo de łe lexi aprovae, che el połe esare superà dal secondo co n'altra dełiberasion a maxoransa dei 2/3. Se determina on duałismo paritario tra el Presidente e el Congreso.

Controło de autoritàGND (DE4175552-2
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Repùblica_Presidensiałe&oldid=898879"